radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
އަރުމާދު
ނ ރަދުން ރާއްޖެތެރެއަށް ކުރައްވާ ދަތުރުފުޅު މިދަތުރުފުޅުގައި ދައުލަތުގެ ވަރަށް ގިނަ އުޅަނދުތަކާއި ދައުލަތުގެ ވަރަށް ގިނަ ބޮޑުން ބައިވެރިވެވަޑައިގަނެއެވެ
އަބާ
ނ އަރަބި ހެދުމުގައި ކަމަރު ބަންނަ ލިބާހުގެ މަތީންލާ ބޮޑު ލިބާސް މިއީ ވަރަށް ފުޅައުކޮށް އޮންނަ ބަނޑުފެޅި ލިބާހެކެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަކަޔަނބޯ
ނ ނެތް މިންވަރަށް މޮޅުވެގެން އުޅޭ އުޅުން
އަކަޔަނބޯހެދުން
މ (1) ތިމާގެ މިންވަރަށްވުރެ މޮޅުވެގެން އުޅުން (2) އަމިއްލައަށް މޮޅު ވެގެން އުޅުން
އަފިހުން
މ އަފިހުން ގަހުގައި ހިއްކައިފައިވާ ކިރު މިއީ ވަރަށް ބޮޑަށް މަސްތުވާ އެއްޗެކެވެ އަދި ބޭހެއްމެއެވެ
އަދާމަﷲ
ރަދުން ހަވަރަށް އެއްޗެއް އެންގެވީމާ ނުވަތަ ސަލާމުގެ ބަސްފުޅު އިއްވެވީމާ އޭގެ ޖަވާބުގައި ދަންނަވާގޮތް
އަދި
އ ވަކިވަރަކަށްވުރެ އިތުރަށް މިސާލު: )ހ( އަދިއަންނާނުހޭ )ށ( އަދި ދޭށޭ
އަތްކެނޑުން
މ (1) ވައްކަންކޮށްގެން އަތުގެ ކުޑަހުޅުން ބުރިކޮށްލުން. (2) ކަށިވިދުރިން ރައްކައުވުމަށްޓަކައި އަތުގެ މުލައްދަނޑިން ނުވަތަ އަތްދަޑިން ދެތިންތަނުން ލޭފެންނަވަރަށް ހަންދުއްވާލައި އެތާނގައި އެކަމަށް ޚާއްޞަ ވެފައިވާ މާއްދާ )ވެކްސިންދިޔަ( ޖެއްސުން
އަތްފުނައުއެޅުން
މ (1) ފުނާއަޅާ ފަދައިން ބޮލުގެ އިސްތަށިގަނޑު އިނގިލިތަކުން އޮމާންކުރުން (2) މަށަން ދަތިއަޅާ ފަދައިން އިނގިލިތަކުން ހޭވުން (3) މަޖާޒު: ގެއްލިގެންއުޅޭ ކުޑަވަރަކުގެ އެއްޗެއް ހޯދާން މުޅިގޭގެ އެތަންމިތަން ހާވައި ހޯދުން
އަލަ ރުސިއާ
ނ ފުރެއްދެއަލަ ވަރަށް ކުދިކޮށްކޮށައި ބޯކިރާއި ހަކުރު އަޅައި ކައްކާ ކަންޖެއް
އަލަނާސި
ނ ޅަބޯކެޔޮގަހެއްކަހަލަ ގަހެއްގެކުރިން ނުކުންނަ ރަތްކުލައެއްގެ ފޮނި މޭވާއެއް މިހުންނާނީ ބޮޑެތި އުންތަކެއް ފަޅައިފައެވެ މިމޭވާގެމަތީކުރިވެސްދާނީ ހެދެމުންނެވެ ނަމަވެސް އެކުރިޔަކު ދެނެއް މޭވާއެއްނުގަންނާނެއެވެ މީވަރަށްމީރު އަދި މީރުވަސްދުވާ މަޝްހޫރު މޭވާއެކެވެ
އަލަބުރި
ނ ދެކޮޅު އެއްވަރަށް ދޮންކުލައިގައި ހުންނަ ބާވަތަކުގެ ގުޅިއެއް މީގެ މަތިވެސް ހުންނާނެއެވެ
އަލަކަ
ނ ފެނުދޫންޏެއް މިއީވެސް އިލޮޅިފަދައިން ގޮނޑުދޮށާއި މޫދުގައިއުޅޭ ކުޑަވަރަކު ދޫންޏެކެވެ
އަލަގަނޑު
ނ (1) އަލަގަހުގެ ގަސްގަނޑު. (2) ދެކޮޅުއެއްވަރަށް އިސްކުރުމަތިޖަހާން މުށިން ހަދައިފައި ހުންނަ ގުޅިއެއް
އަލިހޮޅި
ނ ބަޑިބޭހުން ހަދާ ކުޅިވަރުގެ އެއްޗެއް މިއީކަރުދާހުން ހޮޅިއެއްހަދައި އެތެރެއަށް ބަޑިބޭސް އަޅައިގެން އަތުން ހިފަހައްޓައިގެން ރޯކުރާވަރަށް އަލިގަދަ އެއްޗެކެވެ
އަލިމަސްކަށި
ނ ބިއްލޫރި ކަފާން ގެންގުޅޭ ކައްޓެއް ބިއްލޫރިކެފެނީ މީގެކޮޅުގައި ހުންނަ އަލިމަސް ކުލައިގެ ވަރަށް ހަރު އެތިކޮޅަކުންނެވެ
އަސްދޫނި
ނ ވަރުގަދަ ތުންގަނޑެއް އޮންނަ ކިލާފެނާ ދޯޅުކަން ބޮޑު އޭގެ މަސްކާ ދޫންޏެއް މީގެ ސިފަ އެންމެ ވައްތަރުވާނީ ރޭރާއެވެ މީގެ ވަރަށް ގިނަ ބާވަތް ހުރެއެވެ
އަޑާ
ނ ހަނޑޫފަދަ އެއްޗެތި މިނަން މިންގަނޑެއްގެ ގޮތުގައި ގެންގުޅޭ އެއްޗެއް މިހުންނާނީ ދެވަރަކަށެވެ. އެއީ 01 ނާޅިއާއި 5 ނާޅިއެވެ
އަޑިނޭގުން
މ (1) އަޑި ނުފެންނަގޮތްވުން މަޖާޒު: (2) ސިއްރުއޮޅުން ނުފިލުން (3) ކަމެއްގެ ޙަޤީޤަތް އެނގޭ ވަރަށްވުރެ އޮޅުން ބޮޑުވުން