radheef.info
ރަދީފު


އިހު
ނ (1) ވޭތުވެދިޔަ ޒާމާން (2) މިހާރުގެކުރި
ވަޒީރުން
ނ (1) ވުޒާރާތައް ހިންގެވުމަށް ތިއްބަވާ އެންމެ އިސްވެރިން )ކެބިނެޓްގެ މެމްބަރުން( (2) އިހުގައި ބޮޑުފުރަދާނަކަން ދެއްވާފައިވާ ބޭފުޅުން
ވަޒީރުކަން
ނ (1) ވުޒާރާތައް ހިންގެވުމަށް ތިއްބަވާ އެންމެ އިސްވެރިންގެ ވަޒީފާ )ކެބިނެޓްގެ މެމްބަރުކަން( (2) އިހުގައި ދެއްވާ ބޮޑު ފުރަދާނަކަން
ވާރު
ނ (1) އިހުގައި މީހުން އުފައްދާ ތަކެތީން ނުވަތަ ކުރާ މަސައްކަތުން ނުވަތަ މީހުންގެ ބޯބޯމަތިން ސަރުކާރަށް ނަގާބައި މީގެ ތެރޭގައި އިމްޕޯޓް ޑިއުޓީ ނުވަތަ އެކްސްޕޯޓް ޑިއުޓީ ހިމެނިގެނެއް ނުވެއެވެ (2) އަމިއްލަ މިލްކު
ވާރުއޮޑީމީހުން
ނ ވާރަށްނެގޭ ތަކެތި ހިފައިގެން ދަތުރުކުރާން ވާރުދޭ ދިހަބައި ހަރުންކުރެ ކޮންމެ ބައިހަރަކުން އަހަރަކު މީހެއްމަގުން ތިބޭންޖެހޭ މީހުން. މިމީހުންނަށް އޮންނާނީ މަހަކު ދެލާރިއާއި ކޮއްތެވެ. މިލާރިއަކީ އިހުގެ ދިގުލާރިއެވެ. ވާރުނުނެގޭ ރަށްރަށުން މީހުން ކުރާން ޖެހޭނީ އެކަމަށްޓަކައި އެރަށެއްގެ ވާރު މާފުވެވުނު ފަރާތެއްގެ މަސައްކަތެވެ ގޮއި އޮޑި ދުއްވާ ރަށްރަށުގައި މިމީހުން ތިބޭނީ ގޮއިއޮޑީ މީހުންކަމުގައެވެ
ވާރުގެ ތަކެތި
ނ (1) ބަންޑާރައަށް ނެގޭ ތަކެތި (2) ވާރުދޭ މީހުން އަތުން އިހުގައި ސަރުކާރަށް ނެގުނު އެއްޗެހި
ވާތާވި
ނ އިހުގައި ދިވެހި އަންހެނުން ލީ ލިބާހެއްގެ ނަން
ވިނަގަނޑުބަގުޑި
ނ )މ ( (1) މޫދުގައި ހުއިގަނޑުތެރޭގައި އުޅޭ މަހަކަށް ކިޔާނަމެއް (2) މަޖާޒު: އިހުޒަމާނުގައި ގޮވައިލުމަކަށްދާ އެންމެ ދަށު ދަރަޖައިގެ މީހުން
ވިފުކުމެޓާ
ނ އިހުގައި މާލޭ ބާޒާރަށް ބޭރުން ގެނެސްގެން ގެންގުޅުނު ވަރަށް ކުދި މެޓައެއް
ވިދާޅުބަސްބޯމަތި
އ )ބދ ( ރަސްކަލަކު އެންގެވި ކަމަކާ ޙަވާލުވުމަށް އިހުގައި ބުނެއުޅުނު ބަހެއް
ވިލާތުކަސަބު
ނ އިހުގައި ބޭރުން ގެންނަ ވަރަށް ހިމަ މޮޅު ކަސަބެއް
ވިޔަކުރާކޭން
ނ އިހުގައި ސަރުކާރުން ވާރު ނެންގެވިއިރު އެކަމުގެ ހިސާބުކުރުމަށް ރާއްޖެތެރެއަށް ފޮނުައްވާ ބޭކަލުންނަށް ރައްޔިތުންގެ ފަރާތުން ކައްކާ ކޭން
ވީފަރިތަ
ނ ވެފައިހުރި ފަރިތަ
ވެދުންބަރުތީލަ
ނ އިހުގައި ރަށްރަށުގެ ވެރިންގެ ފަތްކޮޅާއި އަދި ބައެއް މަޤާމާއި ކަންކަމަށާއި ދޮށުންގެ ރަށްރަށް ލިޔެދިނުމުގެ މައްޗަށް ކުރާ ވެދުން
ވެދުންކުރުން
މ (1) އިހުގައި ރަދުން ދެއްވާ ޢިއްޒަތަށް ނުވަތަ ބައެއް ޚާއްޞަ ވަޒީފާއަށްޓަކައި ރަދުންގެ ހިރިޔާ ފާތުރާ ދަށުން އެކަމެއް ހަމަޖެހުމާ ގުޅިގެން އެމީހަކު ރަސްމީގޮތުން ރަދުންގެ އަރިއަހަށް ހަދިޔާކުރުން (2) ރަސްކަމަށް ކޮލިލުން ފަދަ ކަންކަމާ ގުޅިގެންއެކިއެކި ޖަމާޢަތްތަކުންނާއި ފަރާތް ފަރާތުން ބަންޑާރައިންގެ އަރިއަހަށް ހަދިޔާކުރުން (3) ނާބަ އާއި ދަންބެރު ޖަހަންވާ ގަޑިއަށް ނުޖެހުމުން ކީރިތި މަހާރަދުންގެ ފަރާތްޕުޅުން ނާބަޖަހާ ބެރާއި ދަނޑިގަނޑު ދެގެ ދޭތެރެއަށް ގެނައުމުން އަލުން ބެރުޖެހުމަށްޓަކައި ދޭންޖެހޭ އާދަ ދިނުން
ވެދުމާދިއުން
މ އިހުގައި ތޮށިލުން ފަދަ ސަރުކާރުގެ ގަދަ މަސައްކަތެއް ކުރުމަށްފަހު ލަވަކިޔަމުން ނަށަމުން ރަސްގެފާނު ހުންނަވާ ގަނޑުވަރު ދޮށަށް ގޮސް ލަވަކިޔައި ނެށުން
ވެލާނާ
ނ (1) ކޮލީނަމެއް މިއީ ދިވެހި ސަރުކާރުގައި އިހުގައި އޮތް މަޤާމެކެވެ (2) ބޭރާބެހޭ ކަންތައް ކުރައްވަން އިސްވެ ހުންނަވާ ވަޒީރު
ވެލާނާވަރު
ނ (1) އިހުގައި ދިވެހި ލަޝްކަރު ހިމެނިގެންވާ ހަބައިގެ ތެރޭން އެއްބައިގެ ނަން (2) އިސްތިންވަރުން އެއްވަރު
މަހުއެއްޗެހިކޮޅު
ނ އިހުގައި ގަނޑުވަރުތެރޭގެ ބޭފުޅުންނަށް ސަރުކާރުން މަސްމަހަށް ދެއްވާތަކެތި
)މަރަކުގެ ވާ( މަރަކުވާ
ނ ބަނގަލާ ބޯޓުގައި ފަރުމާނުކޮޅުގައި ކައިރިއަށް ދަމަން ޖަހައިފައިހުންނަ ވާ
މަރައްކާރު
ނ އޮޅުދޫ ކަރައިގައި އިހުގައި ހުންނަ ދިވެހިރާއްޖޭގެ ވިޔަފާރިއާބެހޭ އެޖެންޓް