radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ނިވަތް
ނ ޢިމާރާތެއްގެ ކުރިމަތިން ވަންނަ ދޮރާދިމާ ބޭރަށް ނިތްގަނޑެއްގެ ސިފައިގައި ނެރެފައި އޮންނަ ހިޔާ
ނިވާފަތް
ނ (1) ތަޅުދަނޑިވަޅު ފޮރުވާން ތަޅުވަޅުމަތީގައި ހަރުކޮށްފައި ހުންނަ އެތިކޮޅު (2) ދޮރުފަތް ލެއްޕީމައި ދެދޮރުފަތް ދެމެދުން ހާއަޅާތަން ނިވާކުރުމަށް އެއްދޮރުފަތުގައި ހަރުކުރާ ފަތިގަނޑު މިފަދަ ބޭނުމަށްޓަކައި ހަރުކުރާ ކޮންމެ އެއްޗަކަށްވެސް މިނަމުން ކިޔައެވެ
ނިފާޅަ
ނ )ޅ ( ފަތްޕިލާވެއްޔެއް މިއީ ބިލެތް އަރާހެން ރުއްރުކަށާ ގަސްގަހަށް އަރާ ވެލެކެވެ މިވެލުގެ ފަތްތައް ހުންނާނީ ބިލެތާ އެއްފާޑަކަށް އެއަށްވުރެ ބޮޑެތިކޮށެވެ މިއީ ވަރަށް ގިނައިން ދިވެހި ބޭހަށް ބޭނުންކުރާ ފަތެކެވެ
ނިދަނި
ނ (1) އެތެރެ ކަލިވަތް ކަލިވަތަށް ހުންނަ ބޯގޮދަޑިއެއް (2) ނިދުން- މިބަހުގެ އަމުރަށް ބޭނުންކުރާގޮތެއް (3) )މަލިކު( ގޮދަޑީގެ ދަށުގައި އަޅާއެތި
ނިދާ
ނ ޣައިބުންލިބޭ ތެދުމަގުގެ އަޑު
ނިދިންހޭލުން
މ ހިތާއި ސިކުނޑިއާއި ހަޑިގަނޑަށް ލިބޭ ވަރުބަލިކަން ފިލުވައި އަރާމު ދިނުމަށްޓަކައި ތަބަޢީގޮތުން ހަށިގަނޑަށް އަންނަ ވަގުތީ ބަދަލު އައުމަށްފަހު އިހުހުރި ޙާލަތަށް ރުޖޫޢަވުން
ނިދުން
މ (1) ހިތާ ސިކުނޑީޔާ ހަށިގަނޑަށް ލިބޭ ވަރުބަލިކަން ފިލުވާ ޠަބިޢީ ގޮތުން އަރާމު ލިބިދިނުމަށްޓަކައި މުޅިހަށިގަނޑަށް އަންނަ ވަގުތީ ބަދަލުއައުން (2) ހޭލާހުރުމުގެ އިދިކޮޅު (3) މަޖާޒް: ހަރަކާތެއްނެތި ހިމޭނުންވުން
ނިލަމެހި
ނ އެމުގެ ބާވަތެއް މިއީ ރާއްޖޭގެ ފަޅުފަޅުގެ މުރަކަތަކާ ގާތަކުގައި ވަރަށް ގިނައިން އުޅޭ އެމެކެވެ މީގެ ކަންފަތްގަނޑު ބޮލަށްވުރެ ކުރުވާނެއެވެ މަހުގެ ނިގޫފަތުގެ ކޮޅު ހުންނަނީ ހިމަކޮށް އޫކޮށެވެ މަހުގެ ކުލައަކީ ފެހިނޫކުލައެކެވެ ދޮށީގެ މަސްވެރިކަމުގައި މިބާވަތުގެ އެން ވަރަށް ގިނައިން ބޭނުން ކުރަން ޖެހެއެވެ
ނިލަގަނޑު
ނ (1) ނިލަފަންގެ. (2) އޮޑިދޯނި ފަހަރުގެ ކުޑަ ހިޔާ ހަދަން ބޭނުންކުރާ ފަންގެ. މިއީ އޮޑިދޯނި ބައްތެލި ފަހަރުގެ ފަންހިޔަލުގެ ފުރާޅުމަތީގައި ފެތުރުމަށްޓަކާ ކަށިކޭލު ހޮޅުގެ ފަތިން ދެފަތިގަނޑު ދޭތެރޭގައި ކައިވަތެއްހާ ދުރުމިން ހުންނަވަރަށް ބަނޑުވަރުތަކެއްގައި އައްސައިއަމުނައިފައި އޮންނަ ފަތިތަކެކެވެ
ނިގާރަން
ނ (1) ކަނޑު ދަތުރުފަތުރުކުރާ ބައެއް އުޅަނދު ދުއްވުމަށްޓަކައި ކޮންމެހެން ބޭނުންވާބަރު މަޖާޒް: (2) ހެނދުނު ފުރަތަމަ ބަނޑައްލާ އެތިކޮޅު (3) މީހުންގައި ހުންނަ ހަރުދަނާކަން
ނިގާރަންލުން
މ (1) ފުރާދުއްވާ އެއްޗިއްސަށް ނިގާރަމުގެ ބޭނުމުގައި ތަކެތި އެރުވުން (2) މަޖާޒު: ނާސްތާކުރުން
ނިގުޅައިލުން
މ ނިގުޅުން މިބަސް ލުއިކޮށްލުމުގެ ގޮތުންނާއި ގަދަކޮށްލުމުގެ ގޮތުން ބޭނުންކޮށް އުޅޭގޮތް
ނިސްބަތުންބެހުން
މ ހިއްސާ ގިނަވީވަރަކަށް ގިނައިން މަދުވީ ވަރަކަށް މަދުން ލިބޭނޭގޮތަށް ހިމަނައިގެން ބައިކުރުން
ނީލަންބެހުން
މ ދަރަނިވެރިއެއްގެ މުދާ ނީލަން ކިޔައިގެން ލިބޭ ފައިސާ ދަރަނީގެ މައްޗަށް ނިސްބަތުން ބަހައިދިނުން
ނީސްތާށި
ނ ބޭނުންވީ ކަމެއް ފުދުން ލަސްވެގެން އަވަސް އަރައިގެން އުޅޭ އުޅުން
ނީސްތާއްޓަށްއެރުން
މ ބޭނުންވީ ކަމެއް ލަސްވެގެން އެކަމާ ހެދި މާބޮޑަށް ނުތަނަވަސް ވެގެން އުޅުން
ނުހަނު
އ ވަރަށް މިބަސް ބުނެއުޅެނީ ރަނގަޅު ކަންތަކާ މެދުގައެވެ މިސާލު: ނުހަނު މޮޅުބޭހެއް
ނުހިކޭފާރު
ނ (1) ބޭހުން ފަސޭހަނުވެ އުމުރަށްވެސް ހުންނަފާރު. މަޖާޒު: (2) ތިމާ އިންމީހެއް ނުވަތަ ހިތާވި މީހެއްގެ ނުފިލާ ހުންނަ ހަނދާން (3) ނުފުދިފައި ހުންނަ އެދުން
ނުނިޔަތްލުން
މ (1) ހަސަދަވެރިވުން (2) ހިތުގައި ނުރުހުން ތެރިކަން ބޭއްވުން (3) އަނެކާއަށް ދެރައެއް ދިނުމަށް ގަސްދު ކުރުން
ނުރަބޮޅު
ނ (1) ބުރަނދަ ވައްތަރަށް ހުންނަ ކުދިމަހެއް (2) މުޅިން ނުރަވެފައި ތިބޭ މީހުންނާ ދިމާއަށް މަލާމާތުގެ ގޮތުން ބުނާބަހެއް