radheef.info
ރަދީފު


ރަން
ނ (1) ގަހަނާ ހަދާ އަގުހުރި މަޝްހޫރު މަޢުދަނެއް މީގައި ހުންނާނީ ރީނދޫ އޮފުކުލައެވެ (2) އިންނަން އުޅޭ ފިރިހެންމީހާ އަންހެންމީހާއަށް ޝަރުޢީ ގޮތުންދޭންޖެހޭ ފައިސާ ނުވަތަ މުދާ މީގެ މިންވަރު ކަނޑަ އަޅާނީ އަންހެންމީހާއެވެ
ފަރުޟުފެން
ނ ދީނީގޮތުން ވާޖިބުވެގެން ވަރަންޖެހޭ ފެންވެރުމުގައި ކުނިމިލަތަކުން ހަށިގަނޑު ތާހިރުކުރުމަށްފަހު ނިޔަތާއެކު އަޅާފެން
ފަޅާކޮޓަރި
ނ (1) މީހުން ހޭނައްތައިގެން ތަންތަން ކެފުމުގެ މަސައްކަތް ކުރުމަށް ހޮސްޕިޓަލުގައި ހުންނަ ޚާއްސަ ތަނެއް (2) އޮޕަރޭޝަން ކުރަން ހޮސްޕިޓަލުގައި ހުންނަ ޚާއްސަ ކޮޓަރި
ފަޅޯ
ނ (1) މީރު މޭވާއެއް. މީގެ ކިތަންމެ ވައްތަރެއް ހުރެއެވެ. މިސާލު: ދިގުފަޅޯ ނިޔަދުރުފަޅޯ ރަންފަޅޯ ދަނބުފަލޯ ވެޔޮފަޅޯ (2) )ބދ ( ފޯދިކާގަސް
ފަކުލަށްފަރިތަވުން
މ )ސ ( މަޖާޒު: މުޞީބާތް ޙައްލު ކުރަން އެނގުން
ފައު
ނއ (1) މޭވާފަދަ އެއްޗެހި ދޮންވެގެން ފައްކާވެގެންވާ މަޑު (2) ބަނބުކޭލާއި ކުއްޅަވައް ފަދަ އެއްޗެހި އެކި ގޮތްގޮތުން ކުރާމަޑު (3) ނ ކަނޑޫ ނުވަތަ ކުއްޅަވައް ހެދިފައި ހުންނަ ތަންތަން (4) ބޮނބި މަޑުކުރަން ބަހައްޓައިފައި ހުންނަތަން (5) އަށްހިޔަބޮލި (6) ފާ (7) )ބދ ( ހާސް
ފައްތިޔާ
ނ (1) ބޮޑު ދޯންޏަށް އަރަން އޮންނަ ކުޑަދޯނި ނުވަތަ ބޮއްކުރާ ނުވަތަ ކަނދުފަތި (2) އޮޑިދޯނި ފަހަރު އެޅުމަށް ފަޅުތެރޭ ގައި ނުވަތަ ބޭރުމަތީގައި ދެކޮޅު ހަރުކޮށްފައި އޮންނަވާ (3) އަންނައުނު މޫދުގައި އަޅާން ދަމާފައި އޮންނަވާ
ފައްޓަރު
ނ އުނަގަނޑުގައި ނުވަތަ ކަރުގައި އަޅަން ރަންރިހި ފަދަ މަޢުދަނީ އެއްޗަކުން ފަށް ގަތައިގެން ހަދައިފައިވާ އެއްޗެއް
ފައްޓަރުބައި
ނ އަންހެނުން ކަރުގައި އަޅަން ރަންރިހިން ނުވަތަ ލޮއިން ހަދައިފައި ހުންނަ ގަހަނާއެއް. މި އެކުލެވިގެންވަނީ ފަށްތަކަކާއި ދެމައްސާއި ފޮތިތަކަކާއި ބޮޑު ފޮއްޗަކުންނެވެ
ފަތްވަދު
ނ (1) މަސްވެރިކަން ކުރަން ކުކުޅުފަތުން ހަދާވަދު (2) ކަށިކެޔޮ ގަހުގެ ކުރީގެ ޅަފަތް ފަދަ ފަތް ކަފައިގެން ހަދާވަދު
ފަތްގަނޑު
ނ (1) ކެޔޮފަތް ފަދަ ފަތަކުން ވަކިކޮށްލެވޭ ބައެއް. (2) ރަން ރިހި ނުވަތަ ތިމަރަ ފަދަ މަޢުދަނަކުން ތަޅައި ތުނިކޮށްފައި އޮންނަ އަރިވަރެއް. މިސާލު: ތިމަރަ ފަތްގަނޑު ރަންފަތްގަނޑު
ފަލީތާ
ނ ޑައިނަމައިޓް ފަދަ ގޮއްވާ އެއްޗެހީގައި ރޯކުރަން ހުންނަ ފީތާ ނުވަތަ ނަރު
ފަސްކުޅި
ނ އިހުގައި ވިހައިގެން އުޅޭ އަންހެނުންނަށް ވިހެއުމުގެ ކަންތައް ހަމަޖެހުމަށްފަހު ދޭ އެއްޗެއް. މިއީ ބިލެތާއި ފޯކާއި ކަރަންފުލާއި ހުންޏާއި ފޮނިތޮއްޓާއި ކާފޫރުތޮޅި އާއި ބުން ބިލެތްގަނޑެއްގެ ތެރެއަށްލައި ބޮނޑިކޮށްލައިފައި ވިހައިގެން އޮންނަ މީހާގެ އަނގަޔަށް ލަވާ ބިލެއްގަނޑެކެވެ
ފަސްގަނޑަށްނުކުތުން
މ (1) ރަސްމީ ގޮތުން ކުޅިޖެހުމަށް ގުޅަކުޅޭ ފަސްގަނޑަށް ނުކުމެ ކުޅިޖެހުން (2) ކުޅިޖަހާ ފަސްގަނޑަކަށް ކުޅިޖަހާން ދަސްކުރަން ނުކުތުން (3) ގުޅަކުޅޭ ފަސްގަނޑަށް ހަވަރު އެއްވުން
ފަސްޖެހުން
މ (1) ކަމަކާމެދު ޖެހިލުންވެގެން އެކަމެއް ކުރަން ނުކެރުން (2) ފަސްއެޅުން (3) )ހ ( ވެލިޖެހުން (4) ބަޑިގޮއްވާލުމުން ބަޑިފަހަތަށް ދިއުން
ފަސްޖެއްސުން
މ (1) ކުރަންވެފައި އޮތްކަމެއް ލަސްކޮށްފައި ބޭއްވުން. (2) ފަސްޖެހުން މިބަހުގެ 1 ވަނަ 2 ވަނަ 3 ވަނަ މާނައިގައި ބުނާގޮތް
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާހަގަވުން
މ ވަކިކުރަން އެނގޭގޮތްވުން
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ފާއިތުކުރުން
މ (1) ވެއަތުކުރުން (2) ވަކި ވަގުތަކު ކުރަންވީ ކަމެއް އެވަގުތުގައި ނުކޮށް ދޫކޮށްލުން
ފުރޯފިލި
ނ ފުރޯ ދަނޑީގައި ތިލަ ހަރުކުރަން އަޅާފިލި