radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ރަފު
ނ ކަމެއް ނުވަތަ އެއްޗެއް ލިއުއްވުމުގައި ފުރަތަމަކުރާ މަސައްކަތް
ރަދަ
ނ )ސ ( (1) ކަށްޓަކުން ނުވަތަ ތޫނުއެއްޗަކުން ކޭއްތިގެން ގައިގެ ހަމުގައި އެޅޭ ކޫރު (2) ގަސްގަހުގައި ރޮނގުގޮތަށް ހުންނަ ރެނދު
ރަތްރީނދޫމަސް
ނ އާއްމު ބައްޓަން ރީނދޫ މަހާ އެއްގޮތްމަހެއް މަހުގެ ކުލައަކީ ރަތްކުލައެވެ މަހުގެ ބުރަކަށި މައްޗާއި ދެއަރިމަތީގެ ކުލައަކީ ރަތްކުލަ ނުވަތަ ގަދަ ފިޔާތޮށި ކުލައެވެ މަހުގެ ދެއަރިމަތީގައި ދިގަށް ރީނދޫކުލައިގެ 01 ރޮނގު ނުވަތަ 21 ރޮނގު ހުރެއެވެ ކޮތަރިތައް ހުންނަނީ ރީނދޫ ކުލައެއްގައެވެ
ރަތްކޮށްލުން
މ (1) ތެލުގައި ނުވަތަ ގިތެލުގައި ފިޔާކޮޅު ރޯފިލަންދެން ހޫނުކޮށްލުން (2) މާޖާޒު: ރުޅިއަރުވާލުން
ރަތްގަރުދިޔަ
ނ ގިނައިރު ކައްކައިގެން ނުވަތަ ގިނަ މަސްކައްކައިގެން ރަތްކުލައައިސްފައި ހުންނަ ގަރުދިޔަ
ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން
ރަސްފަރި
ނ (1) ރަސްކަމަށް ކޮލިލާ ދުވަހު އައްޑަނަ ކޮއްޓާ ދަނޑި ކޮއްޓާ ދެކޮށީން ދެއެދުރު ބޭކަލުން ނުވަތަ އެފަދަ އެހެން ދެމީހަކު ނުކުމެ ގުޅަކުޅޭ ފަސްގަނޑުގައި އަޅާފަރިއެއް (2) ކ އަތޮޅުގެ ފަޅުރަށެއް
ރަސްފަރީގައި ހިނގުން
މ ކަނޑި އައްޑަނަ ނުވަތަ ހަލާ ދަނޑި ހިފައިގެން ދާނޑުގައި ރަސްފަރީގެ ކުރެހުން އެޅޭގޮތަށް ހިނގުން
ރަޖާ
ނ ސުތުލި ނުވަތަ ކެހެރި ފަދަ އެއްޗަކުން އާދައިގެ ފޮއްޗަށްވުރެ ބޯކޮށް ވިޔެފައި އޮންނަ ހީފިލުވަން ގައިގައި އަޅާއެއްޗެއް
ރަޖިސްޓަރީ
ނ (1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި މީހެއްގެ ނުވަތަ ތަނެއްގެ އެއްޗެއްގެ ނަން ޖެއްސިކަމުގެ ހެއްކެއްގެ ގޮތުން ދޭ ލިޔުން (2) އެއްތަނުން އަނެއްތަނަށް ފޮނުވާ ސިޓީއާއި ޕާރުސަލް ފަދަތަކެތި ޕޯސްޓުއޮފީހުގެ ރަޖިސްޓަރީ ގައި ޖައްސާ ޖެއްސުން (3) ތަނެއްގައި އުޅޭމީހުންގެނަމާއި މަޢުލޫމާތު ބަޔާންކޮށް ލިޔެފައިވާ އޮންނަފޮތް
ރަޖިސްޓަރީކުރުން
(1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި ނަން ޖެއްސުން (2) އެއްތަނުން އަނެއްތަނަށް ފޮނުވާ ސިޓީ އާއި ޕާރުސަލް ފަދަތަކެތި ޕޯސްޓް އޮފީހުގެ ރަޖިސްޓަރީގައި ޖެއްސުން (3) ތަނެއްގައި އުޅޭ މީހުންގެ ނަމާއި މަޢުލޫމާތު ލިޔަން ހަމަޖައްސައިފައި އޮންނަ ފޮތުގައި ޖެއްސުން
ރާނީ
ނ ރަސްކަނބަލުން ނުވަތަ ރަސްކަލުންގެ އަނބިކަނބަލުން
ރާރާގުޑި
ނ އޮނު ނުވަތަ އިލޮށިން ކުކުޅުބިސްބުރުގެ ދެބުރު ގުޅޭގޮތަށް އޮނިގަނޑެއްހަދައި އޭގައި ކަރުދާސްހިއްޕާ ރާރާ ހަރުކޮށްފައި ހުންނަ ގުޑި
ރާބަދި
ނ ރުކަށް ފެންގެންދާށާ ރުކުން ބާލާ ރާއަޅަން ދެއުނބު ނުވަތަ ތިން އުނބު އެއްކޮށް ބަނދެފައި ހުންނަ އެތި
ރާޅާތެޅުން
މ ގޮނޑުދޮށުގައި ނުވަތަ ތޮށިމަތީގައި ނުވަތަ ކަނޑުތެރޭގައި އޮތް އެއްޗެއް ރާޅާ ޖަހަޖަހާ އޮތުން
ރާޅު
ނ (1) ހިމުންކަމުގެ އިދިކޮޅު. (2) ކުރަކ.ި (3) ކަނޑުކަނޑާއި ކޯރުކޯރާއި ފެންފެންގަނޑުން އުފުލި ދަތުރުކުރާ ފެނުގެ ރޮނގު. (4) ހޮޅިލައިފައި ފަރުފަރަށާއި ގޮނޑުދޮށްތަކަށް ބިންދާ ފެނުގެ ހޮޅި. (5) ކަނޑުން ނުވަތަ ކޯރުން އުފެދޭ ހަލަބޮލިކަމުން ގޮނޑުދޮށާއި ހަމައަށް އައިސް ބީއްސާލާ ފެނުގެ ކޮއްޕާ ކޮއްޕުން. (6) ދަގަތްފާނާއި ކަރަންޓުގެ ދަތުރުކުރާ ހަކަތައިގެ ބައިތައް (7) ރޭޑިޔޯއިން އަޑުދުރަށް ފޮނުވަން ބޭނުންކުރާ ކަރަންޓުގެ ބާނި (8) އަޑު ދަތުރުކުރާއިރު ހުންނަ ފަށަލަ ފަށަލަ (9) ނއ އޮމާންކަމުގެ އިދިކޮޅު
ރާޅުމުގުރުން
މ ބީހިގެން ނުވަތަ ކަނޑު ގަދަވެގެން ރާޅު ރޫޅިވެރުން
ރާޅުލުން
މ (1) ފިނޮޅަކަށް ނުވަތަ މާޑަކަށް ރާޅު އެރުން (2) ރާޅު އުފެދުން