radheef.info
ރަދީފު


ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
އުވަޖެހުން
މ (1) ރާނައިފައި ހުންނަ ތަންތާ ގަށާފައި ހުންނަ އުވަ ތަތްކުރުން (2) މިއުވަ އެއްވަރުކޮށް އޮމާންކުރުން
އުޑަފައިން އިނުން
މ އެއްވެސް ތަނެއްގައި ފިނދުމަސްގަނޑު ނުޖެހި ހަމައެކަނި ދެފައިގެ ބާރުގައި އިނުން މިގޮތަށް އިންނައިރު ހުންނާނީ ދެފައިގެ ކުޑަކަޅުވާ މަހުގައި މާކަޅުވާމަސް ޖެހިފައެވެ
އޫނ
އ (1) ނޫނެކޭ ބުނުމުގެ ބަދަލުގައި ބުނެއުޅޭގޮތެއް. (2) ކީކޭހޭ އެހުމުގެ ގޮތުން ބުނެއުޅޭ ބަހެއް. (3) އޯތްޔޭ ބުނާން ބޭނުންކުރާ އަކުރެއް. (4) ރުޅިއައިސްގެން "ތިޔަހެން ނުހަދާށޭ" ބުނުމުގެ މާނައިންވެސް މިހެން ކިޔަތެވެ. (5) އެކަންތައް ދެނަހުރިނަމަ ނުކުރާނޭކަމެއް ކޮށްކޮށްހުއްޓައި އަނެކެއްގެ ފަރާތުން ތިމާއަށް އެނގޭ ވަގުތު ބުނާ ގޮތެއް. (6) ނިދާފައި އޮންނަމީހާއަށް ގޮވީމާ ހޭ ލެވެމުންދާއިރު އަނގައިން ބުނާގޮތެއް. މިމާނަތައް ދޭހަވާނީ ބުނާރާގުންނާއި ބުނެވޭ ދިގުކުރު މިނުންނެވެ
އޫރު
ނ (1) ހަތަރެސްފައިކުރު ހަށިގަނޑު ބޮނޑިމަސް. އަނގަކުޑަ ޖަނަވާރެއް މީގެ މަސް ވިލާތުމީހުން ވަރަށް ގިނައިން ކައިއުޅެއެވެ އިސްލާމުންނަށް މީގެ މަސްކެއުން ޙަރާމެވެ (2) ސުވަރު
އެހެންނަ
އ (1) އާނއެކޭ ބުނާބުނުން ގަދަކުރާން ބުނާ ގޮތެއް. (2) "އާނއެކޭ ތިޔަހެންނޭ" ބުނުމުގެ މާނައިން ބުނާ އަކުރެއް. (3) "ތިޔަހެންނަކުން ނުވާނެއޭ" ބުނުމުގެ މާނައިންވެސް މިހެން ބުނެއެވެ. މިމާނަ ދޭހަވާނީ ބަސްބުނާ ރާގުންނާއި ބުނާ މަޤާމުންނެވެ
އެށެވެލި
ނ )ސ ( ތަންކޮޅެއް ބޮޑެތިކޮށް ފުއްހުންނަ ކަށިވެލި )މިވެލި ގިނައިން ހުންނަނީ ސ އަތޮޅުގައާއި ފުވައްމުލަކުގައެވެ
އެނބޫ
ނ މަޝްހޫރު ހުތް ކުޑަމޭވާއެއް މީގެއޮށް ވަރަށްބޮޑު ވާނެއެވެ މިއީ ރާއްޖޭގައި ވަރަށް ގިނައިން ހެދޭ އެއްޗެކެވެ
އެނދުކެނޑުން
މ (1) ބޭރަށް ހިންގަމުންގޮސް ތެދުވާހައިވަރުނެތީމާ އޮތްގޮތަށް އޮވެ ހާޖިތައް ދެވޭނޭހެން އެދުން ތަންކޮޅެއް ކެނޑުން (2) މަޖާޒު: ހިސާބަށްވުރެ ގިނައިން އެއްކަމެއް ކޮށް އުޅެން ފެށީމާ ބުނާގޮތެއް
އެޅުން
މ (1) އެއްޗެއްގެ ތެރެއަށް އެއްޗެއް އޮއްސުން މިސާލު: ކުރަޔަށްފެން އެޅުން (2) އެއްޗެއްގައި އެއްޗެއް ބެހެއްޓުން މިސާލު: ތައްޓަށްބަތްއެޅުން (3) ކާށިކުރުނބާފަދަ ތަކެތި ރުކުން ބިނުން (4) އެކަތި އަނެކައްޗަށް ފުށުއަރައި ނިވައުވުން (5) ފުރާދުއްވާ އެއްޗެތި ބަނދަރެއްގައި ނުވަތަ ފަޅެއްގައި ދުރަށް ނުދާނޭގޮތަށް ހަރުކުރުން (6) ގަސްގަހާގެހީން މަލާއި މޭވާނުކުތުން (7) އެއްޗެއްގެ ބައެއް އަނެކައްޗެއްގައި ޖެހި ހަރުލާނޭގޮތްވުން (8) ބޭސްފަދަތަކެތި ގައިގާ ބޯކޮށް ތަތްކުރުން (9) އަދުންފަދަ ތަކެތި ލޮލުގެ ރަވައިގާ ކާއްތައިލުން )01( ތަވީދުފަދަ ތަކެތިގައިގާ ބަނުން (11) ހަށިގަނޑުގެ ގުނަންތަކުގައި ގަހަނާ ފަދަ ތަކެތި ހަރުލާގޮތް ހެދުން (21) ހެދުން ގަޔަށްލުން )31( ތާކިހާ ރުމާފަދަ ތަކެތި ބޮލުގައި ބެހެއްޓުން )41( ފާފަވެރިވާ ގޮތުން އެކަކު އަނެކަކާ ޝަހުވާނީ އެދުމުގައި ކަމެއް ކުރުން މިބަސް ގިނައިން ބޭނުންކުރާނީ އެއްޖިންސްގެ ދެމީހުން މިބާވަތުގެ ކަމެއް ކުރީ މައެވެ
އެކުން
އތ (1) ހިސާބަށްވުރެ ބޮޑަށް. (2) މާ މިބަސް ބޭނުންކުރަނީ ނަފީގެ ގޮތުގައެވެ. މިސާލު: އެކުން ބާރަށް ނުހިނގާ އެކުން ގިނައިން ނުކައި
އެއްހުރާރިހުން
ނ ނިތްކުރީގެ އެއްފަޅީގައި ރިހޭރިހުމެއް މި ރިހުން ގިނައިން ރިހެނީ އިރު އެރީއްސުރެ މެންދުރު ވާންދެނެވެ
އެއްނޭވާކުދިން
ނ ގިނަކަންތަކުގައި އެއްގޮތްކުދިން. އެއީ ޖިސްމާނީ ގޮތުންނާއި މަޢުނަވީ ގޮތުންނެވެ މިހެން ގިނައިންވަނީ އެއްމާބަނޑު ނުވަތަ އެއްބަނޑު އެއްބަފާ ކުދިންނަށެވެ
އެއްމެދު
ނއ ދެމީހަކަށް ނުވަތަ އެއަށްވުރެ ގިނަ ބަޔަކަށް އެއްވަރަށް ބެހޭންވާ. މިބަސް ގިނައިން ބުނެއުޅެނީ އަނބިމީހާވެސް އެއްޗެހި ހޯދުމަށް މަސައްކަތްކޮށް ތަކެތި ހޯދުމުގެ ސަބަބުން ދެމަފިރީންނަށް އެއްވަރަށް ބެހޭ މުދަލާ މެދުގައެވެ
އެދުރު
ނ (1) އުގަންނައިދޭ މީހާ. (2) ބައެއްކަންތަކުގެ ވެރިޔާ. (3) ވިހޭގޭތެރޭގައި އިރުވަރު ބަލައި އުޅޭމީހާ. (4) ފަންޑިތަވެރި މީހާ. (5) ފަންޑިތަހަދާ. މިސާލު: )ހ( ޖަމާޢަތްތެރި އެދުރު )ށ( ތާޅަފިލި އެދުރު )ނ( ޚިތާންކުރާ އެދުރު (6) މަޖާޒު: ޒަކަރު
އޮށާޅަ
ނ މޫނުންނަގާ ބިއްސެއް މީގެ އެތެރޭގައި ހުދުކުލައިގެ ތަތްމާއްދާއެއް ހުންނާނެއެވެ މިގިނައިން ނަގަނީ ޒުވާން ފުރައިގައެވެ
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮޅުމަސް
ނ ބާވަތެއްގެ ލަނޑައެއް މިހުންނާނީ ނޫލަނޑައަށްވުރެ ބޮޑެތިކޮށް ފުޅައުކޮށް ކަޅުކޮށެވެ މީގެނަގޫފަތުގެ ރާވަޅި ތަންކޮޅެއް ދިގުވާނެއެވެ މީގެބޯ ވަށްވެފައި ބޮލާއި ހަށިގަނޑާ ބެދުނު ހިސާބުން ބުރިކަށިމަތީގައި ގޮން ގަނޑެއް އޮންނާނެއެވެ މިއަށް މިނަން ކިޔުނީ ތަންތާނގައި ބިތްޖެހިފައި ގިނައިން އިންނާތީއެވެ
އޮއިކަޅު
ނ އިރުވައި އޮއި އަންނައިރު ވިއްސާރަ ވިލާހެން ނަގާ ކަޅުވިލާގަނޑުގަނޑު
އޮއިކޮއްޓި
ނ ތެޔޮފާން ހެދިފައި އޮންނައިރަށް ކަނޑުގައި ޖެހެމުން ޖެހެމުން އުދުހޭކުޑަ ދޫންޏެއް
އޯކެރުވުން
މ ކަރުތެރެއަށް އެއްޗެއް ބާނައިގެން އޯކަށް ދެމޭގޮތްހެދުން