radheef.info
ރަދީފު


ހުދު
ނ (1) ކަޅުގެއިދިކޮޅު (2) ކަފައިގައި ހުންނަކުލަ ނަންއިތުރެއްގެ ގޮތުންވެސް މިބަސް ބޭނުންކުރެއެވެ
ގޮބޮޅި
ނ (1) ދިވެހި ރުކުގައި ގަންނަ ތަކެތީގެ ތެރެއިން މިރިއަށްވުރެ ޅައެއްޗެހި (2) ލޮލުގެ ހުދުކަޅިއާއި ކަޅުކަޅި އެކުލެވިގެން ވަށްކޮށް އޮންނަބައި (3) ބިހުގެ އެތެރޭގައިވާ ރީނދޫބައި
ސަންފާކަނދޮޅު
ނ )ހ ( މާކަނދޮޅަށްވުރެ ފަތްހަނި ހުދުމަލެއް އަޅާ ކަނދޮޅެއް
ސަންގުމަރުމަރުހިލަ
ނ ހުދުކުލައިގައި ހުންނަ މޮޅު ހިލައެއް
ސަންގުފަރީދު
ނ ހުދުކުލައިގެ ހިލައެއް
ސައްބު
ނ (1) ހުދުކުލައިގެ މަޢުދަނީ ލޮނެއް މިއީ ބޭހަށް ބޭނުންކުރާ އެއްޗެކެވެ މީގައި ދޫތޮރުފާގޮތެއް ހުރެއެވެ މި ހުންނަނީ ގަނޑުގަނޑަށް ހަރުކޮށެވެ (2) މަޖާޒު: ތުނބުޅި މަތިމަސް ނުފަޅާ ފިރިހެނާ
ސަފޭދު
ނ ހުދު ދަވާދު
ސަތާވަރީ
ނ ވަރަށް ހިމަހިމަ ފަތްތަކެއް ހުންނަ ކުދިކުދި ހުދުކުލައިގެ މަލެއް އަޅާވެލެއް
ސާގު
ނ ހުދުކުލައިގައި ފުއްފުކަށް ވަށްކޮށް ހުންނަ އެއްޗެއް މިކެއްކީމާ ފުއްތައް ހުންނާނީ މަސްލައިފައި ހުންނަ ގޮތަށެވެ މީގައި ވަރަށް ގަދަ ތާނެއް ހުންނާނެއެވެ މީގައި ބޮނޑިބަތާއި ފަނިފަދަ އެއްޗެހި ކައްކައެވެ
ސާޑި
ނ )މަލިކު( އަތްދުތް ލައިފައި ހުންނަ ހުދުފޮށައެއް
ސިދުރިޔާކޮތަރު
ނ ކޮތަރުގެ ބާވަތެއް. ކޮތަރުގެ ކަރުދޮށުން ފެށިގެން ފިނދުފަތާ އެކު ހަށިގަނޑުގެ ހުރިހައިތަނެއް ހުދުކޮށް ހުރެފައި ތަލަ މަތީން ބުރަކަށި މައްޗާއި ފިޔަގަނޑު ކަޅު ނުވަތަ މުށި ނުވަތަ އަޅިކުލައިގައި ހުންނަ ކޮތަރު
ސީނުކުކުޅު
ނ (1) އާދައިގެ ކުކުޅަށްވުރެ ބޮޑެތިކޮށް ކަރުގައި ފަތްނެތި ގައިގެ ފަތްތަކުގައި ކަޅުކުލައާއި ހުދުކުލައިން ޑިންޑިންކޮވެލި ގޮތަށް ތިކި ޖަހައިފައި ހުންނަ ކަރުހިމަ ދިގު ކުކުޅެއް (2) ނާށިގަނޑު ކުކުޅު
ސުނޯ
ނ (1) ވައިގައި ހުންނަތެތްކަން ފިނިކަމުގެ ސަބަބުން ގަނޑުވެގެން އުފެދޭ އެތިއެތިކޮޅު މިހުންނަނީ ހުދުކޮށެވެ ކަފަހާ ލުއިކޮށެވެ )ވައިގައި ހުންނަ ތެތްކަން މިގޮތަށް ބަދަލުވަނީ ސުންދަރަޖަ ސެލްސިއަސް 0 ދަރަޖަ ގައެވެ ( (2) މަޖާޒު: ސުނޯއާއި ވައްތަރު އެއްޗެއްސާ މެދު ބުނެއުޅޭ ގޮތެއް (3) މޫނުގައި އުނގުޅަން ތައްޔާރު ކޮށްފައި ހުންނަ ބާވަތެއްގެ ކްރީމެއް
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒުވާރި
ނ ގޮވާމުގެ ބާވަތެއް މީގެ ބޯށި ނުކުންނަނީ ގަހުގެ ފަތްވަޅުންނެވެ މީގެ ވަށައިގެން ހުންނަނީ އޮށްޖަހައިފައެވެ މީގެ ކޮޅުގައި މާބޮނޑިއެއް ކަހަލަ ފަށްތަކެއް ހުރެއެވެ މީގެ އެންމެ މަޝްހޫރު ކުލަތަކަކީ ހުދުކުލައާއި ރީނދޫ ކުލައާއި ރަތްކުލައެވެ މިއީ ފިހިގެންނާއި ކައްކައިގެންނާއި މާޖައްސައިގެންނާއި ފުށް ހަދައިގެން ކާއެއްޗެކެވެ
ޓިނު
ނ (1) ތަންތަން ހިޔާކުރަން ފުރާޅުގައި ޖަހަންހަދައިފައި ހުންނަ އެއްޗެއް މިހުންނަނީ އަޑިއުސްކޮށް މަގުހުންނަގޮތަށް ހަދައިފައެވެ މިދަގަނޑުންނާއި އެލްމެނިއަމުންނާއި ސިމެންތިފަދަ ތަކެތިން ހަދައިފައި ހުރެއެވެ (2) ހުދުކުލައިގައި ހުންނަ މަޑު މަޢުދަނެއް
ޖަނބުރޯލް
ނ ޖަންބާ ވައްތަރު ފެންގިނަމޭވާއެއް މިމޭވާ ފެހިކުލައާއި ހުދުކުލަ އާއި ރަތްކުލައިގައި ހުރެއެވެ
ޗާނދަނީ
ނ ހުދުކުލައިގެ މަލެއް އަޅާގަހެއް
ޗާނދަނީމާ
ނ ފިޔަތައް ގިނަ މީރުވަސްދުވާ ހުދު ކުލައިގެ މަލެއް
ޙަނޫޠު
ނ މައްޔިތާ ކަފުން ކުރާއިރު ދެކަފުން ދެމެދަށް އަޅާ މީރުވަސް ދުވާއެއްޗެއް މިހަދަނީ ބޮކަރާއި ކެލާ ގޭނުމަށްފަހު ބޮކަރު އަތަރާއި ކެލާއަތަރާއި ހުދުކާފޫރު އެއްކޮށްގެންނެވެ
ޚިލޭސްމޭ
ނ ކަރުތެރޭގައި އުފެދޭ ދަވައެއް. މިދަވައިގެތެރޭގައި ބައެއް ފަހަރު ހުދުކުލައިގެ ފުއްފުއްވެސް ހުރެއެވެ. މިދަވަ އުފެދެނީ ބައެއްފަހަރު އަރިދަފުސް ވައްތަރު ވުމުންނާއި ސައިނަސްގެ ސަބަބުންނާއި ގިނައިން ވައިލެވޭގޮތްވީމައެވެ