radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިތިގެ
ނ ބޮޑު ދެ ހިތީގައި ރަދުން ހިއްޗަށް ވަޑައިގެން ހުންނަވާން އަޅާ ވަގުތީ ގެކޮޅެއް
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ހިތުނެތްގޮތް
ނ (1) ހިތަށްވެސް ނާރާ ފަދަ ކަންތައް (2) ތަނަވަސްކަމުގެ ކޮޅުނެތް ކޮޅު މިސާލު: އައްޔަށް އެ މާވަހަރު ހޮވުނުފަހުން އެ އާއިލާ ހިތުނެތްގޮތަށް ދިރިއުޅެމުން ގެންދެއެވެ
ހިތުގައި ގާގަނޑެއްހެން އޮތުން
(މިސާލުބަހެއް) ތިމާޔަށް ހަސަރުކުރާގޮތަށް އަނެކަކު ކުރާކަންތައް ނުވަތަ ބުނާބަސްތައް ހިތުން ފިލައިގެން ނުގޮސް ހުންނަ ހުރުމަށް ބުނެއުޅޭބަހެއް
ހިތުގިލަން
ނ (1) ހިތުގެބަލި (2) ނުފިލާހުންނަގަދަމޮޅި
މިސާލު: މިންވަރަށްވުރެ މާމައްޗަށް ހިތްގެންގޮސްގެން އުޅޭ މީހުނާމެދު ބުނެއުޅޭ ބަހެއް ހިތް އޮންނާނީ ސިދުރަތުލް މުންތަހާގައެވެ
ހިތްހައްޓާބެދުން
މ މަޖާޒު: (1) ހިތްހަމަޖެހޭ ވަރުވުން (2) ހިތްހަށިހަމަޖެހުން
ހިތްހަލާލު ހޯދުން
މ (1) ހިތުގެ ރުހުން ހޯދުން (2) ހިތުގެ ސާފު ރުހުން ލިބިގަތުން މިކަމަކީ ފިރިމީހާގެ ކިބައިން އަނބިމީހާ މައިންބަފައިންގެ ކިބައިން ދަރިން އެދުރުންގެ ކިބައިން ދަރިވަރުން ލިބިގަންނަ ކަމެކެވެ
ހިތްހިތަކަށްވުން
މ (1) އަމިއްލަ އަމިއްލައަށް ކަންކުރެވޭގޮތްވުން (2) ބަޔަކު މީހުންގެ ހިތަށްއެރިހައި ގޮތަކަށް ކަންކުރެވޭގޮތްވުން
ހިތްހެޔޮ
ނއ (1) މީހުންގެ މައްޗަށް ހިތުގައި ލޯބިހުރި (2) އޯގާވެރި (3) ހިތުގައި ނުބައެއްނުވާ
ހިތްހެޔޮކަން
ނއނ (1) މީހުންގެ މައްޗަށް ހިތުގައި ލޯބިހުރިކަން (2) އޯގާވެރިކަން
ހިތްހެޔޮވުން
މ (1) މީހުންގެ މައްޗަށް ހިތުގައި ލޯބިހުރުން (2) އޯގާވެރިވުން (3) ހިތުގައި ނުބައިއެއްނުވުން
ހިތްބަރު
ނއ (1) ހިތް ކިލަނބު (2) ހިތުގައި ހިނގާ ނުރުހުން (3) ހިތްހެޔޮނޫން
ހިތްބަރުކުރުން
މ (1) ހިތްކިލަނބުކުރުން (2) ހިތުގައި ނުރުހުން ހިންގުން (3) ހިތްނުބައިކުރުން
ހިތްބަލި
ނއ (1) އަވަހަށް އަސަރުކުރާގޮތް ހުންނަ (2) ފިނޑި (3) ހިތްވަރު ދެރަ
ހިތްބަލިވުން
މ (1) ފަސޭހައިން ހިތުގައި ޖެހުން (2) ކިތަންމެ ކުޑަކަމުންވެސް އަވަހަށް އަސަރުކޮށް މޮޅިވުން (3) ކަންތަކާ މާބޮޑަށް ދެރަވުން
ހިތްކިއުން
މ (1) ބޭނުންވުން (2) ހިތްޖެހުން
ހިތްއުފާވުން
މ (1) ހިތްފަސޭހަވުން (2) ހިތްހަމަޖެހުން
ހިތްއޮންނާނީ ދެލިގަނޑެއްހެންނެވެ. ކަން އޮންނާނީ ވެލިގަނޑެއްހެންނެވެ.
(މުސްކުޅިބަހެއް) ހިތްނުބައިކޮށްގެން ހުރެ ބޭރުފުށް އޮމާންކޮށް ކަންތައް ކުރާ މީހުންނާމެދު ބުނެއުޅޭ ބަހެއް