radheef.info
ރަދީފު


ޒުވާބު
ނ (1) ޖަދަލު (2) ދެކޮޅުވެރިކަމުގެ ގޮތުން ދެފަރާތުން ރައްދު ކުރާ ބަސް (3) ދެމީހަކު ނުވަތަ ގިނަބަޔަކުވާ އަރާރުން (4) ޖަވާބު (5) ގިނަބަޔަކުވެގެން ލަވަކިޔާއިރު ނަގާކިޔާމީހާގެ ފަހަތުން އެހެން މީހުން ކިޔަންޖެހޭބައި
އަންބާ
ނ މަސައްކަތުގައްޔާއި ކުޅިވަރުގައި ފޯރިގެންނާން ޒުވާބު ކިޔަމުންކިޔާ ކުރުލަވަ
އަރާރުން
ނ (1) އަރައިރުން (2) ޚިލާފު (3) ގަޑުބަޑު (4) ދެކޮޅުވެރިކަމުގައި ކުރާ ޒުވާބު
މ މަޖާޒު: ޒުވާބުގެ ގޮތުން ދޫނުކޮށް ހިފަހައްޓާމީހާއަށް ގިނަފަހަރަށް ކާމިޔާބު ވާނެއެވެ އަޑުގަދަމީހާގެ ރުއް ގިނަވާނެއެވެ
އުސޫލަ
ނ (1) ލަވައިގެ ޒުވާބު (2) ޅެންލަވަ ފަދަ ލަވައާއި އެނޫންވެސް ބައެއް ލަވަ ކިޔާއިރު ނަގާ ކިޔާތަންކީމާ އެންމެން ކިޔާތަން
މަކުނު ފިނދުން ވަލެއް ހުހެއް ނުވާނެ
)މުސްކުޅިބަހެއް( އެކަކުބުނާ ކޮންމެ އެއްޗަކަށް އެއްޗެއް ބުނެ ދޫނުކޮށް ޒުވާބުކުރަންފެށީމާ ބުނެ އުޅޭ ބަހެއް
މޫނުމަތީގައިމޮށުން
މ ތިމާ އިޙްތިރާމް ކުރަންޖެހޭ މީހެއްގެ ކުރިމަތީގައި ދޫނުކޮށް ޒުވާބުކުރުން
ގިއްގަޅުވައިލުން
މ (1) މީހަކުވެއްޓި އިނދަ ޖެހޭގޮތަށް ގަންނަވައިލުން މަޖާޒު: (2) ތިމާގެ ބާރުން އަނެކެއްގެ އަގުވެއްޓައިލުން ނުވަތަ މަޤާމް ދަށްކޮށްލުން (3) ވާހަކަދައްކައިގެން ނުވަތަ ޒުވާބުކޮށްގެން ދެރަކޮށްލުން
ގޫހަރިޖެހުން
މ )ޏ ސ ( މާނައެއްނެތް ޒުވާބުކުރުން
ގެރިޒުވާބު
ނ އެކަކު އަނެކަކަށް ދޫނުކޮށް އެކަކު ރުޅިއެރުވުމަށް ކޮށްއުޅޭ ޒުވާބު
ގެރިޒުވާބުކުރުން
މ އެކަކު އަނެކަކަށް ދޫނުކޮށް އެކަކު އަނެކަކަށް ރުޅިއެރުވުމަށް ކޮށްއުޅޭ ޒުވާބުކުރުން
ޒުވާބުދިނުން
މ (1) ޒުވާބު ކުރުން (2) ޖަވާބު ދިނުން
ޖަވާބު
ނ (1) ޒުވާބު (2) ލިޔެވޭ ނުވަތަ ބުނެވޭ އެއްޗަކާމެދު ބުނާބަސް (3) ހިސާބު ޢިލްމުގެ ބަހުރުވައިގައި ސުވާލެއްގެ ނުވަތަ ނަންބަރެއްގެ ޙައްލު (4) ސިޓީއެއް ނުވަތަ މެސެޖަކަށް ދޭ ރައްދު (5) ޤާނޫނީ ބަހުރުވައިގައި އަނެއްފަރާތެއްގެ ވާހަކަޔަށް ކުރާއިންކާރު ނުވަތަ ޤަބޫލު ނުކުރާ ނުކުރުން (6) ދޭރައްދު
ޖަވާބު ދިނުން
މ (1) ޒުވާބު ދިނުން (2) ލިޔެވޭ ނުވަތަ ބުނެދޭ އެއްޗަކާމެދު ބަހެއް ބުނުން (3) ހިސާބު ޢިލްމުގެ ސުވާލެއް ނުވަތަ ނަންބަރެއްގެ ޖަވާބު ނެރުން (4) ސިޓީއެއް ނުވަތަ މެސެޖަކަށް ރައްދެއް ދިނުން (5) ރައްދު ދިނުން
ޖަދަލު
ނ ދެކޮޅުވެރިކަމުގެ ޒުވާބު