radheef.info
ރަދީފު


ޒީނަތް
ނ (1) ތަނެއް ނުވަތަ އެއްޗެއް ނަލަކޮށް ފުރިހަމަކުރުމުން ވާރީތި (2) މީހަކު ނަލަވެ ގަހަނާ އަޅައި ރީތިވުމުންވާ ފުރިހަމަ
ވަޅިފަންކޮށުން
މ ރޯފަނުން ބާވަތްބާވަތުގެ ތަކެތި ތަފާތު ރީތި ގޮތް ގޮތަށް ހަދައި އެލުވުން މިއީ މެހްމާނުންނަށް މާތްކޮށް ހިތައި ޢިއްޒަތް ދިނުމުގެ ގޮތުން ތަންތަން ޒީނަތްތެރި ކުރުމަށް ކުރާކަމެކެވެ
މާޖަހާއެތި
ނ ޒީނަތްތެރި ކުރުމުގެ ގޮތުން މާޖަހަންހަދައިފައި ހުންނަ އެތި. މި ތަފާތު އެއްޗެހިން ތަފާތުގޮތްގޮތަށް ހަދައިފައިހުރެއެވެ
މުދިބައި
ނ ޒީނަތްތެރިކަމުގެ ގޮތުން ކަންފަތުގައި އަޅާ ގަހަނާއެއް މިހުންނާނީ ވޮއްޓެއްގައި މުދި ތަކެއްލައިފައެވެ
ފަށްނެގުން
މ ގަލާއި ލަކުޑި ފަދަ ތަކެތި ހިމުންކޮށް އިންދުމަށްޓަކައި ނުވަތަ ޒީނަތްތެރި ކުރުމަށްޓަކައި ތޫނު ހަތިޔާރަކުން އޭގެކައިރިން ހިމަދިގުކޮށް ކަނޑައިނެގުން
ފަޅުފިލުވުން
މ (1) ހުސްކަން ކެނޑުވުން (2) އެކަނިވެރިކަން ފިލުވުން (3) މަޖާޒު: ޒީނަތްތެރި ކުރުން
ފުއްޕާހަން
ނ އެތެރެއަށް ވައިދީ ފުއްޕާލެވޭގޮތަށް ތުނިކޮށް ރަބަރުން ހަދައިފައިވާ އެއްޗެއް މިއީ ތަންތަން ޒީނަތްތެރި ކުރުމަށާއި ކުޑަކުދީން ކުޅުމަށް ބޭނުން ކުރާ އެއްޗެކެވެ
ދިދަ
ނ (1) ގައުމު ތަކުގައި ނިޝާނެއްގެ ގޮތުން ބޭނުންކުރާ ވަކި ޑިޒައިނަކަށް ފޮތިން ހަދައިފައި ހުންނަ އެއްޗެއް. ޢާއްމުކޮށް މިހުންނާނީ ހަތަރެސްކަނަށެވެ. ނަގައިފައި ހުންނާނީ ދަނޑިއަކަށެވެ. (2) ސިގުނަލެއް ދިނުމަށް ނުވަތަ ވަކިބައެއްގެ ނިޝާނެއްގެ ގޮތުން ބޭނުން ކުރުމަށް ފޮތިން ވަކިޑިޒައިނަކަށް ހަދައިފައިވާ އެއްޗެއް. (3) ތަންތަން ޒީނަތްތެރި ކުރުމަށް ކުލަކުލައިގެ ފޮތިންނާއި ކަރުދާސްފަދަ އެއްޗިހިންހަދައި އެލުވާ ނުވަތަ ދަނޑީގައި ނަގަން ބޭނުންކުރާ އެއްޗެއް
ލިޕުސްޓިކް
ނ ޒީނަތްތެރިވުމަށް އަންހެނުންގެ ތުންފަތުގައި އުނގުޅާ ކުލަފޯލި
ލޯޝަން
ނ ބޭހަށް ނުވަތަ ޒީނަތްތެރިވުމަށް ބޭނުންކުރެވޭ ދިޔާ އެއްޗެއް
ގަހަނާ
ނ ޒީނަތްތެރިވުމަށްޓަކައި އަންހެނުންގެ އަތްފައިގައްޔާއި ކަރުގައި އަޅާ އެއްޗެއްސާއި ކަންފަތުގައްޔާއި ނޭފަތުގައި ލާއެއްޗެހި
ގިޑިގެ
ނ އެކިއެކި މުނާސަބަތާ ގުޅިގެން މަގުމަތި ޒީނަތްތެރި ކުރުމަށް މަގުމަތީގައި ހަދާ ބޮޑު ދޮރާއްޓެއް ކަހަލަ ތަނެއް
ސާދާ
ނއ (1) އާދައިގެ (2) ޒީނަތްތެރި ކުރުމެއް ނަލަހެދުމެއް ނެތް (3) ކަންދެއްކުމެއް ބޮޑާކަމެއް ނެތް )41( ފަސޭހަ (5) އޮޅުމެއްނެތް
ޖަރީކުރުން
މ (1) ވިދާ އެއްޗެހިތަކުން ކުރެހުން އެޅުން ނުވަތަ ޒީނަތްތެރި ކުރުން (2) ކަސީދާކުރުން