radheef.info
ރަދީފު


ސާފު
ނއ (1) ކުންޏެއް މިލައެއް ނެތް (2) ހަޑީގެ އިދިކޮޅު (3) އަލި (4) އޮޅުމެއްނެތް
ހުނި
ނ (1) ފެންއަޅައިގެން ފޮތީން އުވަ ފުރޭނީމާ ނެގޭ ސާފު ހިމުން އުވަ (2) ކާށި ގަބުޅިފަދަ ތަކެތި ހުނިގޮނޑި ފަދަ އެއްޗަކުން ގޭނީމާ ނުކުންނަ ކުނޑި (3) )އ ( ނޫކުލައިގެ އެމެއް
ހުދުހަކުރު
ނ )ސ ( ސާފުކޮށްފައި ހުންނަ ދޯބުރާލިހަކުރު
ހުދުރިހި
ނ ރިހީގެ ތެރެއިން ސާފުކޮށް ހުދުކޮށް ހުންނަ ވައްތަރު
ހުދުއިސްޕިރިޓް
ނ ސާފުކޮށްފައިވާ އިސްޕިރިޓް
ހުދުވައިގުގޫ
ނ އާދައިގެވައިގުގުލަށްވުރެ ސާފުކޮށް ހުދުކޮށް ހުންނަ ވައިގުގުލެއް
ހެދިކައިރު
ނ ކައިރުސާފުކޮށް ފިނިފެނުގައި ކައްކައި އޮލަކޮށް ރަހަ މީރުކުރުމަށްޓަކައި އަތަރުފަދަ ތަކެތި އަޅައި ގުޅަވަށައިގެން ދުފަން ގެންގުޅޭ ކައިރެއް
ކަރާސީނުތެޔޮ
ނ ބައްތިއަށާއި ތެޔޮއުނދުން ފަދަ އެއްޗިއްސަށް އަޅަން ގެންގުޅޭ ސާފުމަށި ތެޔޮ
ވޮށްކޮޅުހެދުން
މ ގަނޑުވަރު ތެރޭގައި ދިއްލަން ގެންގުޅޭ ވޮށްތައް ސާފުކޮށް ތެޔޮއަޅައި ފުށްލައި ހެދުން
ހޮބާ
ނއ (1) ރީތި (2) އަލިގަދަ (3) ސާފު
ނަހަމަ
ނ (1) ހަމައިގެ އިދިކޮޅު (2) ބޭއިންސާފު ނއ (3) އަރަފޯދިގެންނުވާ (4) އެކަށީގެންނުވާ
ނަބާޒުހަކުރު
ނ ސާފުކޮށް ގަނޑުކޮށް ބޮޑެތި އެތިއެތިކޮޅަށް ހުދުކޮށް ހުންނަ ހަކުރެއް
ނުޖޯލް
ނ (1) ޖުއްލާބުވާ ސާފުތެލެއް (2) ވިލާތުބޭހެއް
ނޫ
ނ (1) ކުލައެއްގެނަން މިއީ ދުވާލު އުޑުމަތި ސާފުކޮށް އޮންނައިރު އުޑުމަތިން ފެންނަ ކުލައެކެވެ ނަންއިތުރެއްގެ ގޮތުގައިވެސް މިބަސް ބޭނުން ކުރެއެވެ މިސާލު: ނޫތަށި ނޫފޮތި (2) ވިއްސާރަ ދުނީގައި ހުންނަ ހަތްކުލައިގެ ތެރެއިން ފެއްސާ ވައިލެޓާ ދެމެދުގާ ހުންނަ ކުލަ (3) )މަލިކު( ފެހި
ނޫރު
ނ (1) ހޫނުކަމެއް ދިލަކަމެއްނެތް ސާފުއަލި (2) ހިދާޔަތު މިސާލު: އިސްލާމްދީނުގެ ނޫރުގެ އަލިކަން (3) އަލި މިސާލު: ޢިލްމީ ނޫރު (4) އަލިކަން މިސާލު: އިސްލާމްދީނުގެ ނޫރު
ނެރަށް އެރުން
މ (1) ނެރުން ވަދެވޭގޮތަށް ނެރާ ދިމާވުން (2) ނެރުތެރެ ސާފުކުރުމުގެ މަސައްކަތަށް އެސަރަހައްދަށް އެރިއުޅުން
ނެރުނޮޅުން
މ ނެރުގައި ހުންނަ ވިނަނޮޅައި ގާތައް ނަގައި ނެރު ސާފުކުރުން
ނެގެޓިވު
ނ ކެމެރާއިން ނަގާ ފޮޓޯ ފުރަތަމަ އަރާ ބިއްލޫރިގަނޑު ނުވަތަ ފިލްމުގެ އެންމެ އާންމު ބާވަތް. މިބިއްލޫރި ގަނޑަށް ނުވަތަ ފިލްމަށް އަރާ ފޮޓޯ ސާފުކުރީމާ ހުންނާނީ އަލިކޮށް ހުންނަ ބައިތައް އަނދިރިކޮށް އަނދިރިކޮށް ހުންނަ ބައިތައް އަލިކޮށެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަތް
ނ (1) ވިއްސާރަ ދުނީގެ ކުލަތަކުގެ ތެރެއިން އެންމެ ތިރިޔަށް ހުންނަ ކުލަ (2) ސާފުލޭގައި ހުންނަ ކުލަ (3) ބެރެބެދިމަލުގައި ހުންނަ ކުލަ މިބަސް ނަން އިތުރަކަށްވެސް ބޭނުންކުރެއެވެ
ރަތްގަޅިފާނަ
ނ ފާނައިގެ ބާވަތެއް މިމަހުގެ ކަންފަތްގަނޑުކޮޅާ ނިގޫފަތުގެ ކޮޅު ހުންނަނީ ވަށްކޮށެވެ މިމަހުގެ ކުލައަކީ އޮރެންޖްކުލައެވެ ދެއަރިމަތީގައި ހުރަހަށް ގަދަރަތްކުލައިގެ ގަޅިތަކެއް ހުރެއެވެ މިގަޅިތައް ސާފުކޮށް ފެންނަން ހުންނަނީ މަހުގެ މަތީބައިގައި އެކަންޏެވެ