radheef.info
ރަދީފު


ސާފުކުރުން
މ (1) ތާހިރުކުރުން (2) އޮޅުންފިލުވުން (3) ދޮވުން
ފަޑައްކުތެޅުން
މ (1) ހަނޑުލާއި ބިންބި ފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރުތައް ނަގައި ސާފުކުރުން. (2) ބަސްތާ ފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި ނަގައި ސާފުކުރުން
ފެންވެރުން
މ (1) ފެން އަޅައިގެން ހަޑިގަނޑު ދޮވެސާފުކުރުން (2) ހިނައިގަތުން
ފެންފިހިލުން
މ (1) ފިހިގަނޑެއް ތެންމައިގެން ތަޅުންގަނޑު ސާފުކުރުން (2) މަޖާޒު: ތަނެއްގައި އެންމެދަށް ނުވަތަ ކަމަކަށްނުވާ ކަހަލަ ކަންތައް ކުރަން އުޅޭމީހުނާމެދު ބުނެއުޅޭ ބަހެއް މިސާލު: އެއީ އެތާ ފެންފިހިލާންއުޅޭ މީހެކެވެ
ދޮވުން
މ ފެންފަދަ ދިޔާއެއްޗަކުން އެއްޗެއް ސާފުކުރުން
ފެހިކެހުން
މ އޮޑިދޯނި ފަހަރާއި ފާރުފަދަ ތަންތަނުން ފެހިފިލުވައި ސާފުކުރުން
ފެހިއުނގުޅުން
މ ވަޅުވަޅާއި ތަޅުންގަނޑު ފަދަ ތަންތަނުން ފެހި ކަހައި ސާފުކުރުން
ފެންފޮތިލުން
މ ތެތްފޮތިގަނޑަކުން ތަނެއް ސާފުކުރުން
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ދަބަރުތެޅުން
މ ދަގަނޑު އެއްޗެއްގައި ހުންނަ ދަބަރު ތަޅައިގެން ނައްޓައި ސާފުކުރުން
ދިލުން
މ (1) ވާކޮށުން (2) ވިނަނޮޅުން (3) ސާފުކުރުން
ދެލިބޭލުން
މ ކައްކަން ގެންގުޅޭ ތެލިބުރިއާއި ފުފޭފަދަ އެއްޗެހީގެ ބޭރުފުށުގައި ދެލިބޯވީމާ ދެލިއުނގުޅައި ސާފުކުރުން
ތާހިރުކުރުން
މ (1) ސާފުކުރުން (2) ކުނިމިލައާއި ނުސާފުކަމުން ސަލާމަތްކުރުން (3) ނަޖިސް ފިލުވައިލުން
ލޮވުން
މ (1) ދުލުން ސާފުކުރުން (2) ދޫހޭކުން
ލޮލުންމަސްކެހުން
މ ލޮލުގެ ކަޅިމަތީގައި ރޯވެފައިވާ މަސް ފަރުވާދީގެން ކަހައި ކަޅިމަތި ސާފުކުރުން
ގައިއުނގުޅުން
މ ގައިގައި ހުންނަ މިލަތައް ފިލުވައި ސާފުކުރުން
ގޮނޑުނެގުން
މ އާއްމުކޮށް ކުނިއަޅަން ހަމަޖައްސައިފައިވާ ތަނެއް ސާފުކުރުން
ގޮނޑުކެހުން
މ (1) ގޮނޑު ސާފުކުރުން (2) )ހ ( ގޮނޑެން ޖެހުން
ސާފުކޮށްލުން
މ (1) ސާފުކުރުން މިބަހުގެ ލުއިގޮތް (2) ހުސްކޮށްލުން