radheef.info
ރަދީފު


ސަލާމަތް
ނ (1) ރައްކާތެރިކަން (2) އަމާންކަން
ރައްކާބައިން
ނ (1) ފަލީގެ ދުލުން މެއްކަށް އައްސައިފައި ހުންނަ މާރު (2) ހުންގާނުގައި އޮޅައިފައި ދެފަރާތުންގެނެސް އައްސައިފައި ހުންނަ މާރު (3) މީހަކު ގެއްލުމަކުން ސަލާމަތްކުރުމަށްޓަކައި ރައްކައުތެރިކުރުވުމުގެ ގޮތުންއަޅާ ކަމަރު (4) ގޮނޑީ ކަމަރު
ރައްކާވެތިބިއްޔާ ދަތުރެވެ
(ހަރުބަހެއް) (1) ދަތުރުކުރެވޭނީ ސަލާމަތްވާނެމަގު ހޯދައިގެންނެވެ. (2) ވިސްނާބަލައިގެން އުޅޭށޭ.
ރެކުން
މ (1) ސަލާމަތްވެގަތުން (2) ތިމާއާ ދިމާއަށް އަންނަ އެތި ފަހަރަކުން ރައްކާވެގަތުން (3) ކަމަކާއި ޙަވާލުވެގެން ހުރެމެ އެކަމުގެ މަސްއޫލިއްޔަތު ކޮނޑުގައި ނޭޅުން (4) ހަލަނީން ފުރޭނުން (5) އެއްވެފައި ހުރި ދެވަރެއްގެ އޮށްޓަރު ބަތްޕޮޅިއަށް އަޅައިގެން ހަލާ ވަކިކުރުން
ރެފިއުޖީން
ނ ބިރުވެރިކަމަކުން ނުވަތަ ނުރައްކަލަކުން ސަލާމަތްވުމަށް އަމިއްލަ ގެދޮރާއި ވަޒަން ދޫކޮށް ބޭރުހިސާބަކަށް ނުވަތަ ބޭރުޤައުމަކަށް ގޮސްއުޅޭ މީހުން
ބަރިއްޔަ
ނ (1) ކުށުން ނުވަތަ ތުހުމަތުން ވާ ސަލާމަތް (2) މިންޖު
ބަރިއްޔަވުން
މ (1) ތުހުމަތުން ނުވަތަ ކުށުން ސަލާމަތްވުން (2) މިންޖުވުން
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބެޗުން
މ (1) ސަލާމަތްވުން (2) ރެކުން
ބޮނދުބުޑަށްސައިކިޔުން
(1) ރާޒުވާކުޅުމުގައި ބޮނދަށް ރައްކާނުވެވޭގޮތަށް ބޮނދާ އެންމެކައިރީގެ ޔަކަށް ސައިކިޔުން (2) މަޖާޒު: މީހަކަށް ސަލާމަތް ނުވެވޭވަރުގެ ބޮނޑިއެއްދިނުން
ބޮލާކީން
ނ ތެތްފިނިކަމުން ސަލާމަތްކުރުމަށް ބަތާނެއްގެ ގޮތުގައި ލާން ގެންގުޅޭ ކަލުކުލައިގައި ހުންނަ ދަވާދުފާޑު ގެ ތަތް އެއްޗެއް
ބޮޑުތަކުރުފާނު ވާހަކަ
ނ ޣާޒީ ބަންޑާރައިންގެ ހަޔާތާއި އެރަދުން އަނދިރި އަނދިރީންގެ ކިބައިން ރާއްޖެ ސަލާމަތްކުރެއްވި ވާހަކަ މިވާހަކަ އާބަކުރު ރަސްގެފާނުން ފެށިގެން ކަލާފާނާ ހަމައަށް ވެސް ކިޔައެވެ އަދި ކޮއިމަލާއިން ފެށިގެން އައްސުލްޠާނު މުހައްމަދު މުޢީނުއްދީނުލް އައްވަލާ ހަމަޔަށްވެސް ކިޔައެވެ
ބޯހިކޭވަރުވުން
މ މަޖާޒު: (1) ދަރަނިވެރިވެފައިވާ މީހަކު އެކަމުން ކިރިޔާ ސަލާމަތްވުން (2) ކޮންމެ ދަތިކަމަކުން ނަމަވެސް ކިރިޔާ މިންޖުވުން
ވައިކަރަދޫ ބޮޑުރޯނު
ނ އިހުޒަމާނުގައި ދިވެހި ގުރާބުތަކުގެ ބޭރުގައި ހަރުކުރަން ތައްޔާރުކުރާ ރޯނެއް. މިހަރުކޮށްފައި ހުންނަނީ ބޮނޑިބޮނޑިހުރިގޮތަށެވެ. މިހަރުކުރުމުގެ ބޭނުމަކީ ބަޑީގެ އުންޑައިން އުޅަނދު ސަލާމަތް ކުރުމެވެ
ވީއްލިހުރުން
މ (1) ކަމަކުން ސަލާމަތްވެގެން ހުރުން (2) ކަމަކުން ނެއްޓި ހުރުން
މަރުންމިންޖުވުން
މ (1) ބޮޑު ބައްޔަކުން ނުވަތަ ނުރައްކާތެރި ކުއްލި ޙާދިޘާއަކުން މަރުނުވެ ސަލާމަތްވުން (2) މަޖާޒު: ނުރައްކާތެރި އެތިފަހަރަކުން ސަލާމަތްވުން
މަރުފުރުނުކަމެއް
ނ ބޭނުން ބޮޑުވެގެންގޮސް އެކަމެއްވުމުން ފުރާނަ ސަލާމަތްވުމާ އެއްފަދަ ކަމެއް
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާފުކުރުން
މ (1) އަނެކަކު ބުނާބަހެއް. ނުވަތަ ކުރިކަމެއްގެ ސަބަބުން ތިމާގެ ހިތުގައި އުފެދުނު ނުރުހުމެއް ފެހެލުން. (2) އަދަބެއްގައި ހުއްޓާ މިނިވަންކޮށް އަދަބުން ސަލާމަތްކުރުން. (3) ދައްކަން ޖެހިފައިއޮތް ފައިސާއެއް ނުދެއްކިއަސް އެންމެރަގަޅު ކަމަށް ހަމަޖެއްސުން. (4) ކުރެވުނު ކުށަކަށް އަދަބަކާ ހަމައަށް ނުގެންގޮސް ސަލާމަތްކަން ދިނުން
މިންޖު
ނ (1) ސަލާމަތް (2) ނަޖާ (3) ރައްކާ