radheef.info
ރަދީފު


ސައްކަ
ނ )މަލިކު ( ސައްކެޔޮ
ހިލޭވުން
މ (1) އުޅުމުގެ ގުޅުން ނެތުން (2) މަސައްކަތް ހުސްވުން (3) އަގަކާނުލައި ލިބޭގޮތްވުން
ހުޅުވުން
މ (1) ލެއްޕިފައިހުރި އެއްޗެއްގެތެރެ ހާމަކޮށްލުން (2) ފޮށިފަދަ ތަކެތީގެ ހުޅުލައި ހަރުކޮށްފައި ހުންނަ މަތި ހާކުރުން (3) ޖެހިފިތިފައި ހުންނަ ދެއެއްޗެއް ފޭކޮށްލުން މިސާލު: )ހ( ކަތުރު ހުޅުވުން )ށ( ޗާކުފިޔޮހި ހުޅުވުން (4) ފިހާރަ މަދުރަސާ މަޢުރަޟް ފަދަތަންތަން ހަދާ ނިމިގެން އެތަންތަން ހިންގާން ފެށުން (5) އޮފީސް ފަދަ ތަންތާގެ މަސައްކަތް ހިނގާން ފެށުން
ހުދުފުށްވުން
މ (1) މަސްމަހާމެހި ބަލިވެ ވަރުދެރަވެގެން ނުވަތަ މަރުވެގެން ބަނޑުފުށް މައްޗަށްޖެހުން. (2) މަޖާޒު: އެމީހެއްގެ ދިރިއުޅުމުގައި ކުރާ މަސައްކަތް ނުވެވޭގޮތްވެ ގޮތް ހުސްވުން
ހެޓު
އ (1) ހެސް (2) ޖަނަވާރު ދުއްވައިގަނުވާން ބުނާބަހެއް (3) މަސައްކަތްކުރުމުގައި ހުންނަ ޖޯޝާ ފޯރީ ބަޔާންކުރުމުގެ ގޮތުން ބުނާބަހެއް މިސާލު: މިވެނިމީހަކު މިވެނިކަމެއް ހެޓުކިއައިފައި އެބަކުރެއެވެ
ހޭކިލުން
މ (1) އުނގުޅިލުން (2) އެކަތިއަނެކަތީގައި ކޭއްތިލުން (3) މަޖާޒު: މަސައްކަތުގެ ތެރެއަށް ނުކުމެ އުޅެލާފައި ފިލައިގެން ދިއުން
ހޭކުން
މ (1) އެކަތި އަނެކަތީގައި ކޭއްތުން. (2) ދިޔާއެއްޗެއް ހިކިއެއްޗެއްގައި ނުވަތަ ތަނެއްގައި އުނގުޅުން (3) )ހ ( އެއްޗެއްގެ ތެރެއަށް އަނެކައްޗެއް ބާނައިގެން ހެލުވުން (4) މަޖާޒު: ނުނިމޭ ގޮތަށް މަސައްކަތުގައި އުޅުން
ހޭލަމޭލާކަށްތެޅުން
މ )ސ ( ކަންތައްތަކެއްގައި ނުވަތަ މަސައްކަތެއްގައި އަވަދިނެތި އުޅުން
ރަންނައު އުރުން
މ މަޖާޒު: ބޮޑު މަސައްކަތަކާނުލައި ބޮޑުތަނަވަސް ކަމެއް ލިބުން
ރާވެރިކަން
ނ ރާއެރުމުގެ މަސައްކަތް
އަވަށުކުދިން
ނ އިހުގައި މާލޭގެ އަވަށްއަވަށުގައި މަސައްކަތްކުރާއިރު ބައެއް މަސައްކަތްކުރުމަށް ޚާއްޞަވެފައި ތިބޭ ކުދިން މިކުދިންނަށް ކިޔައި އުޅޭނީ "ތެޔޮއަޅުވާ" ކުދިންނެވެ
އަވަށުމަސައްކަތް
ނ އަވަށުގެ ގޮތުން ކޮށް އުޅުނު ބަންޑާރަ މަސައްކަތް
އަވަށުތަންޑުވަ
ނ އަވަށުތެރޭން ކޮންމެ ވަރަކުން ހަތަރުމީހުން މަގުން ތިބޭ ބަޔެއް. މިމީހުންގެ މަސައްކަތަކީ އެވަރަކަށް މަސައްކަތު ގޮވާން ވެއްޖެނަމަ ބުރުޒު ބަނޑޭރީން އެންގީމާ އެވަރެއްގެ ބޭކަލުންނަށް މަސައްކަތު ގޮވުމެވެ މިއިން މީހަކަށް އޮންނާނީ ފޭލި ދެއްވާ ދުވަހު އިތުރަށް ބަޔެކެވެ
އަވަށުލަވަ
ނ އަވަށުމީހުން ބަންޑާރަ މަސައްކަތްކޮށް އުޅުނުއިރު ކިޔައި އުޅުނު ލަވަ
އަވަށްޓެހި
ނ ރޭގަނޑު އަވަށުތެރެއަށް އަންނަ ރޫޙާނީ އަންހެނެއް މި ގެންގުޅޭން އެނގިއްޖިއްޔާ ގޭގައި މަސައްކަތްކޮށްދޭ ކަމަށްވެސް ބުނެއެވެ މިއީ ޚިޔާލީ އެއްޗެކެވެ
އަވަދިނެތިކަން
ނއނ މަސައްކަތެއްގައި ހުއްޓައިލާނެ ވަގުތެއްނެތްކަން
އަވަދިނެތުން
މ މަސައްކަތެއްގައި ހުއްޓައިލާނެ ވަގުތެއްނެތުން
ވޯކީޓޯކީ
ނ ދުރަށް އަޑުފޮނުވައި އަޑު ލިބިގަނެވޭ ބެޓްރީން މަސައްކަތްކުރާ އަތްމަތީ ގެންގުޅެވޭ އެއްޗެއް
ވޯކްޝޮޕް
ނ (1) އަތްތެރިމަސައްކަތާއި އަތު މަސައްކަތްކޮށް އުޅޭ ތަންތަން (2) މަދު މީހުން ކޮޅަކަށް ވަކިދާއިރާއެއްގައި ދިމާވާ ދަތިތައް ޙައްލުކުރާނޭގޮތް ކިޔަވައިދޭ މަސައްކަތު ބައްދަލުވުން
މަހަށްފަރަށްއަރުމާޒަށް
މަޖާޒު: ކަލާސީންގެ އެންމެންނަށޭ ބުނުމުގެ ބަދަލުގައި ބުނެއުޅޭ ބަހެއް. މިސާލު: މަހަށް ފަރަށް އަރުމާޒަށް ސައްކަރަންޏާ ދޮރޯށްޓަށް. މީގެ މާނައަކީ މަހަށްވެސް ނުގޮސް ފަރަށްވެސް ނުގޮސް މަސައްކަތްކުރަން ނުކުންނާށޭ މިއެވެ
މަހަށްފަރަށްއަރުމާޒަށްގޮވުން
މ މަޖާޒު: ކަލާސީންނަށް މަސައްކަތު ގޮވުން