radheef.info
ރަދީފު


ސައިލު
ނ (1) އޮހިގެން އަންނަ ފެންގަނޑު (2) ދެމިގެން އަންނަ ފެންގަނޑު
އަތުކުރިއަރުވައިލުން
މ (1) ލިބާހުގެ އަތުކުރި މައްޗަށް ޖައްސައިލުން (2) މަޖާޒު: ކަމަކަށް ގަދައަޅައި މަސައްކަތްކުރާން ޤަޞްދުކުރުން
އުފުރައިލުން
މ ލުއްސައިލުން
އޮމާލުން
މ (1) ފުޅިއްސުން (2) ކައްސައިލުން
ވަރައިލުން
މ (1) އޮއްސައިލުން (2) މަނިބޭރުކޮށްލުން
ވައްސައިލުން
މ )ގ ( ބައްސައިލުން
ސޮއް
ނ ބައެއް ވައްތަރުގެ ދިރޭ އެއްޗެހި ފައްސައިލުމަށްޓަކައި އަނގައިން ގޮއްވާއަޑު
ސޮއްވުން
މ ޖަނަވާރެއް ފައްސައިލުން
ސޮއްގޮވުން
މ ކާޅާއި ކުކުޅުފަދަ އެއްޗެހި ފައްސައިލުމަށް އަނގައިން ގޮއްވާ އަޑެއް ގޮއްވުން
ފައިކުރިއެރުވުން
މ ހަރުވާޅު ފަޓްޅޫނު ފަދަ އެއްޗެހީގެ ފައިކުރި މައްޗަށް ޖައްސައިލުން
ފޮތިގަނޑު ކަހާލުން
މ ދަމައިފައިވާ ފޮތިގަނޑެއް އެއްފަރާތަށް ޖައްސައިލުން
ދެރުން
މ (1) ދަރަނިވެރިވުން (2) އާދަ ދޭންޖެހުން (3) އުދުހޭ އެއްޗެހި ތިރިކުރަން ފަރިކޮށްލުން (4) ފޭރާމެއް ރީތިތޯ ނުވަތަ ހެޔޮވަރުތޯ ގައިގައި ޖައްސައިލުން (5) )ޅ ސ ( ދިއްކޮށްލުން
ދޮޅިއެއްސުން
މ މައްޔިތާގެ ދަތްދޮޅިއާއި ބޮލާއެކު އައްސައިލުން
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފުއްދައިލުން
މ (1) ލިބުނު އެއްޗަކުން ހަމަޖައްސައިލުން (2) ދެކޮޅު ޖައްސައިލުން
ދަހިކޮށްލުން
މ (1) ފިލިޖައިހައިގެން މަސްގަނޑު ދަހިވާނެގޮތް ހެދުން (2) މީރުކާއެއްޗަކުން އެތިކޮޅެއްދީފައި އަނެއްބައި ނުދީ ހިފެހެއްޓުން (3) ކަމަކަށް ނުވަތަ އެއްޗަކަށް އެދުންވެރި ކުރުވުން (4) ހިތްޖައްސައިލުން
ދަމައިގަތުން
މ (1) އެއްޗެއް މީހެއްގެ އަތުން އަތުލައިގަތުން (2) ފޭރިގަތުން (3) އޮޔާއެކު ނުވަތަ ރާޅާއެކު ގެންދިޔުން (4) ދަގަތްފާނުފަދަ އެއްޗެއްގެ ބާރުގައި އެޔާ ދިމާޔަށް ގެންދިއުން (5) އެއްޗެއްގައި ނުވަތަ ތަނެއްގައި ވަލެއްފަދަ އެއްޗެއް ޖަހައިގެން ދަމައި ގާތަށްގެނައުން (6) ތަނަކަށް ހެރިފައި ހުރިއެއްޗެއް ލުއްސައިލުން (7) އެތެރޭގައި ހުރި ދިޔާއެއްޗެއް ކޮންމެވެސް ވަޞީލަތެއް ބޭނުންކޮށްގެން ބޭރަށް ނެރެލުން (8) ދޫކޮށްފައިއޮތް ނަނެއް ނުވަތަ ވަލެއް ފަދަ އެއްޗެއްގައި ހިފައި ކުއްލިއަކަށް ދަމަންފެށުން
ތަންމަތިބަނުން
މ (1) ދަތުރަށްދާމީހާގެ ތަންމަތި އޮޅައިލައި އައްސައިލުން (2) މަޖާޒު: އުޅޭ ތަންނޫން އެހެން ތަނަކަށް ދާން ތައްޔާރުވުން
ތަރުތޯރާވުން
މ )ސ ( (1) ހަމަޖައްސައިލުން (2) އިންތިޒާމުކޮށްލުން
ތެއްސާލުން
މ )ޏ ސ ( ސިއްސައިލުން
ތޮއްސާލުން
މ ކައްސައިލުން