radheef.info
ރަދީފު


ގޮފި
ނ މައިގަހުން ފަޅައިފައި ހުންނަ އޮފި
އޮނު
ނ (1) ބަދަޖަހަމުން އެއްތަނޑަށް ވަރަށް މައްޗަށް ހެދޭ ފިނިވާ އެތެރޭ ގައި ހޮއިއޮންނަގަހެއް މީގެ ގޮފި ޤަލަން ޖަހާން ބޭނުންކުރެއެވެ (2) މީގެ އެތިކޮޅެއް (3) އުނދުނަށް ފުމޭން ފޯލިކޮށް ހަދައިފައިހުންނަ ހޮޅިބުރި (4) ސަފުސާންއޮނު (5) ފުންމާއޮނު (6) އެތެރޭގައި ހޮއި އޮންނަ ބައެއްތަކެތި މިސާލު: ފަޅޯއޮނު ހިތްތަލަތަނޑު (7) އުންފާޑަށް ގައިން ނުކުންނަ ކަޅުކުލައިގެ ހަމުގެ ބައްޔެއް މީގެ އެތެރޭގައި ދިޔައެއް މެދުގައި ލޯވަޅެއް ނުހުންނާނެއެވެ
އޮފި
ނ (1) ގަސްގަހުގެކުދިގޮފި (2) ކަފި
ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި
ވަލުފިނިފެންމާ
ނ ފިނިފެންމަލުގެ ވައްތަރެއް. މިއީ ގޮފިތައް ވާކޮށް ހުރުމާއެކު ހެދޭ އަދި މަލާއި ފަތްކުދި މަލުގާ ވަސްނުހުންނަ ވައްތަރެކެވެ މާހުންނާނީ ރަތްކޮށެވެ
ވިނަ
ނ (1) ގޮފިނުވެ ފަތްހިމަކޮށް ހެދޭ ކުދިގަސް (2) އަމިއްލައަށް ފަޅައިގެން ހެދޭ ކުދި ގަސް (3) ތޮނަ
ވީދާލުން
މ (1) ކަރުދާސް ފޮތިފަދަ އެއްޗިހި ދެއަތުންހިފައި އިރައިލުން (2) ގަސްގަހުގެ ގޮފިގޮފިކޮޅު ދަމައިގަނެގެން ވަކިކޮށްލުން
ވީދުން
މ (1) ކަރުދާސް ފޮތި ފަދަ އެއްޗެހި އިރައި ވަކިކުރުން. (2) ފަންވަތް ގޮފިފަދަ އެއްޗެހި ދަމައިގަނެގެން ވަކިކޮށްލުން (3) މަޖާޒު: ހުތުރު ބަހުން އެއްޗެހި ގޮވުން
މައިގޮފި
ނ މައިގަހާގުޅިފައި ހުންނަ ބޮޑެތި ގޮފި
މާވިނަ
ނ (1) ދަނޑުމަތީގައި ގޮފިލާ ހެދޭގޮތަށް ހުންނަގަސް (2) އަތިރީގޭވިނަ މިއީ ފަތްތައް ތުނޑަކަށްވުރެ ތުނޑެއް ހިމަވަމުންދާގޮތަށް ބޯކޮށް ހުންނަ ކައިވަތެއްހައި ދިގު ތަނޑެއްގައި ބޮނޑިމަސް ހުންނަ ކުޑަކުޑަ މަލެއް އަޅާ ކުޑަގަހެކެވެ މިގަހުގެ ހުރިހާ ތަނެއްގައި ރާޅުގޮތެއް ހުންނަ ކެހެރިއެއްވެސް ހުރެއެވެ
މޫލެއްވުން
މ ގަސްގަހުގެ ގޮފިގޮފީގައި ވެލި ބަނދެގެން ނުވަތަ އެނޫންވެސް ގޮތަކުން މޫ ފައިބާނެގޮތް ހެދުން
މޫޑުން
މ (1) ރުކުގެ ފަނާއި އިހާފަދަތަކެތި އެލުން. (2) ގަސްގަހާއި ގަހުގެ ގޮފިތައް ލަންބައި އެލުވައިލުން
ދަނޑި
ނ (1) ގަސްގަހުގައި ލަކުޑިޔަށްވުރެ ހިމަކޮށް ދިގުކޮށް ހެދިފައި ހުންނަ ގޮފި (2) އެއްތަނޑިޔަށް ހެދިފައި ހުންނަ ވަކިފަލަމިނެއްގެ ގަހެއްގެ މައިގަނޑަށް ބިމުން ވަކިކޮށްލީމާ ކިޔާގޮތް (3) ލަކުޑިން ވައްކޮށް ހިމަދިގުކޮށް މަށައިފައި ހުންނަ އެއްޗެހި (4) އިރު ހިނގާ މަގު މިސާލު: އުތުރުދަނޑި (5) މަޖާޒު: ހިމަދިގުކޮށް ހަރުކޮށް ހުންނަ އެއްޗެހި
ދަރިކަނދޮ
ނ )ޏ ( ގަހެއްގެ ޅަދެގޮފިފަލަވެގެން ދާއިރު އެއްވެފައި ހުރުމުގެ ސަބަބުން ލަކުޑިގަނޑުގެ ތެރޭގައި ތޮށީގެ އަސަރާއެކު ދެބައިވަކިވާ ކަހަލަ ގޮތަކަށް ހުންނަ ތަން
ލައިބެދުން
މ )ހ ބ ( (1) ދެގަހެއް ނުވަތަ ދެގޮފިގަނޑެއް ޖެހި ފިތިބާރުވެ ތޮށި އެރުން (2) ގުޅަފަދަ އެއްޗެހި ބައްދާއިރު ފުށްގަނޑު ރީތިކޮށް ބެދިފައި ހުރުން
ގަސްދޮށް
ނ (1) ގަހުގެ ގޮފިތައް ފެތުރިފައި އޮންނަ ހިސާބުގެ ބިން (2) ގަހުގެ ގޮފިތައް ފެތުރިފައިވާ ހިސާބުގެ ބިންމަތި
ގޮފިވުން
މ މައިގަހުން ގޮފިފެޅުން
ގޮފިފެޅުން
މ ގޮފިލުން
ގޮފިގަނޑު
ނ ގަހަކުން ކަނޑައިލައިފައި އޮންނަ ގޮފި
ގޮފިޖެހުން
މ ގަހުގެ ގޮފިކޮށުން