radheef.info
ރަދީފު


ގުން
ނ )ސ ( (1) ބާރަށް ފައިޖަހަމުން ހިނގައިފައިދާއިރު އިވޭއަޑު (2) އެއްޗެއް އިތުރު ބާރަކާއެކު ދިރުވައިލާއިރު އިވޭއަޑު
ހާސްވުން
މ (1) ނޭވާދަތިވުން (2) ނުތަނަވަސްވުން (3) ބަންދުވުން (4) ކަންތައް ބޮޑުވެގެން ކުރާނެ ނުކުރާނެކަމެއް ނޭނގުން
ހިނގައިލުން
މ (1) ވައިޖައްސައިލާން ނުވަތަ ހިތްފަސޭހަކޮށްލަން ގެއިން ބޭރު ކޮންމެވެސް ތަނެއްގައި ހިނގުން (2) ކަމަކަށް ތާޢީދު ކުރުމުގެ ގޮތުން ނުވަތަ ކަމަކާ ދެކޮޅު ހެދުމުގެ ގޮތުން ގިނަބަޔަކު އެކުގައި ހިނގުން
ހިނގުން
މ (1) ދިރޭތަކެތީގެ ތެރެއިން ހަތަރެސްފައި ހުންނަ ޖަނަވާރާއި ދެފައި ހުންނަ ތަކެތި ފައިގެބޭނުންކޮށްގެން ކޮންމެވެސް ކޮޅަކަށް ދިއުން (2) އިރުހަނދާއި ތަރިތަކާއި ފަލަކުތައް އެނބުރުން (3) މެޝިނާއި އިންޖީނުގެސޯބުތައް އެނބުރި އެނބުރިހުރުން (4) ދުނިޔޭގެ ކަންތައް ވޭވެހުރުން (5) ހެލިހެލި ހުރުން މިސާލަކަށް: ގަޑީގެ ބަރު ހިނގުން (6) ޖައްވީ އުޅަނދުން ބޭރުގައި ހަވާގެ ތެރޭގައި އިންސާނުން އެއްތަނުން އަނެއްތަނަށް ދިޔުން (7) ލެޔާއި ފެންފަދަ ތަކެތި ހޮޅިހޮޅީގައި ނުވަތަ ނާރުތަކުގެ ތެރޭގައި ދައުރު ކުރުން (8) ފެންފެންގަނޑާއި ކޯރުކޯރާއި ކަނޑުގައި ފެނާއި އޮއި ދަތުރު ކުރުން (9) ޢާންމުކޮށް ގަބޫލުކުރުން )01( ހަލުއިކޮށް ވިކުން
ހިންގައިލުން
މ ހިންގުން މިބަސްލުއިކޮށްބުނާގޮތް
ހިންގުންތެރިކަން
ނއނ (1) ކަމެއް ނުވަތަ އެއްޗެއް ހިމޭންވިޔަނުދީ ޙަރަކާތްތެރި ކުރުވުމުގެ ސިފަލިބިގެންވާކަން (2) ގިނަކަންތައްތަކެއް ފުރިހަމައަށް ކުރިޔަށްގެންދިއުމުގެ ކުލަދާނަކަން ލިބިގެންވާކަން މިސާލު: އެއީ ވަރަށް ހިންގުންތެރި ވެރިއެކެވެ
ހިއްލުން
މ (1) ނެގުން. (2) އުފުލުން. މިސާލު: )ހ( މިގާ ހިއްލާލަދީބަލަ! )ށ( ހެދުން ނުހިއްލާ! (3) ނޭވަޔަށް އުނދަގޫވުން. (4) ރިޔާނަގައިގެން ދުއްވާ އެއްޗެހި ވަޔަށް ނެގުން. (5) ވޮލީ ކުޅޭއިރު ސޮޓްޖެހުމަށް ބޯޅަ އުފުއްލައި ދިނުން. (6) ހުޅުވުން (7) މަޖާޒު: ކޮޅުވުން
ހިތްހުއްޓުން
މ ހިތުގެ ހިނގުން ބަންދުވުން
ހިތްބަރުކުރުން
މ (1) ހިތްކިލަނބުކުރުން (2) ހިތުގައި ނުރުހުން ހިންގުން (3) ހިތްނުބައިކުރުން
ހިތްބަރުވުން
މ (1) ހިތުގައި ކިލަނބުކަން ހިނގުން (2) ހިތްނުބައިވުން
ހިލުން
މ (1) ހަލަމުން ކައްކައި އޮލަކުރުން ނުވަތަ މިގޮތަށް ކައްކައި ހިއްކުން މިސާލު: )ހ( މެޓާހިލުން )ށ( ހަކުރުހިލުން (2) މީހާ އާދައިގައި ހުންނަ ވަރަށްވުރެން އަނގަގަދަވެ ސަމާސާ ބޮޑުވުން (3) ބަޔަކު ސިހިގެން ގޮތްގޮތަށް އުޅެގަތުން (4) ބަޔަކު ޤަވާޢިދާ ޚިލާފަށް ނުކުމެގެން އުޅެގަތުން (5) ނަގިއްޔާއި ފަނާފަދަ ބުރަތަކެތި އޮތްތަނުން ގުޑައިލުން (6) ފާޅުވެގަތުން މިސާލު: )ހ( ލޭނާރު ހިލުން )ށ( ރޯގާ ހިލުން )ނ( ކުރަފިހިލުން (7) ދިރޭބޮލި ފަޅުތެރޭން ހޮވުން (8) އޮށްވަޅު ކުޅުމުގައި ގޮނޑީގެ ވަޅެއް ހުސްކޮށްނެގުން
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހިޖުރައޮޅުން
މ (1) ހިޖުރައިންވީ ދުވަސް އޮޅުން (2) މަޖާޒު: އެއްބަސްވީ ގޮތާ ޚިލާފަށް ކަން ހިނގާން ފެށީމާ ތިމާޔަށް އޮޅުން އެރުން (3) ހަދާނެ ނުހަދާނެ ގޮތެއް ނޭނގުން (4) މުސްކުޅި ވެގެން ގޯސްމަތިންލުން
ހުނިފުރޭނުން
މ (1) ފޮތިގަނޑަކަށް އުވައަޅައިގެން ފެންއަޅަމުން ނުވަތަ ފެންއެއްޗެއްގެ ތެރެއަށް އެލައިގެން ވަކިގޮތަކަށް ހެލުވުން (2) އުވައިން ހުނިނެގުން
ހުރެފެން
މ )ބދ ( ހިނގުން
ހުޅަންވައިރޯޅި
ނ ހުޅަނގުން މަޑުންޖެހޭ ވައިރޯޅި
ހުއްޓުން
މ (1) ނުހިނގުން (2) ނުގުޑުން (3) ނުހެލުން (4) ނިމުން (5) މަރުވުން (6) )މަލިކު( ވަރިކުރުން
ހެއިއެރުން
މ (1) ވާނުވާ ނޭނގުމަށްފަހު ވާނުވާ އެނގުން (2) ތަންދޮރު އެނގުން (3) ނިދިން ހޭލެވުން (4) ހަމަބުއްދި ލިބުން (5) ވަތްހޭލާން ފެށުން (6) އަޑިއެގެންފެށުން (7) ކަމެއްގެ މައްޗަށް ވިސްނުންތެރިވުން މިސާލު: އޭނާއަކީ ވިޔަފާރިއަށް ހޭއަރާމީހެކެވެ
ހެއިލެއްވުން
މ (1) ނިދައިފައި ވަނިކޮށް ގޮވައި ނެގުން (2) ސަމާލުކުރުވުން (3) ކަމެއް އޮޅުން ފިލުވައި ދިނުން (4) ވިސްނައި ދިނުން
ހެއިލެވުން
މ (1) ހޭލެވުން (2) މަޖާޒު: ތަންދޮރު އެނގުން
ހޭރިޔާއެޅުން
މ (1) ހޭރިޔާކުރުން (2) ރިޔާނަގާތަކެތި ވަކި ހިސާބެއްގައި ހިފަހައްޓާން ވެގެން ދެއަތަށް ދުއްވުން (3) މަޖާޒު: މީހަކު ތާކަށް ވަންނާނޭ ވަގުތެއް ހޯދާން އެތާގެ ކައިރީގައި ދެކޮޅަށް ހިނގުން