radheef.info
ރަދީފު


ގަބުޅި
ނ ކުރުނބައަށްވުރެ ހަރު ކާއްޓަށްވުރެ ޅައެއްޗެހި
ވެށުން
މ (1) ބޮނބިނަރުން ލީލި އަޅައިގެން ރޯނަށް ވާނޭހެން އެނބުރުން (2) ހަށިގަނޑުގެ ބޭރުގައި ތެތްއެއްޗެއް )ބޭސްފަދަ އެއްޗެއް( ހޭކުން (3) އުއި ކަސަބު ފަދަ ތަކެތި ފިރޯއްޓަށް އޮޅުން (4) ފުނޑައިފައި ހުންނަ ތަކެއްޗާއި ނުފުނޑާ ހުންނަ ތަކެތި އަތުން ގުޅަގުޅައަށް ހެދުން (5) )ޏ ސ ( ގަބުޅި ހުނީގައި ދިވެހި ހަކުރު އަޅައިގެން ހިލައިފައި ހުންނަ ކުދި ބޮނޑި
މަދަވާ
ނ ގަބުޅިވަރުގެ ކުރުނބާގެ ނާށްޓާ ހެވަޔާ ދޭތެރޭ ހުންނަތޮށި
މުތެލި
ނ (1) )ށ.( ކުރުނބާލުގެ ފުލުން ނައްޓާލާ ނާށިކޮޅު. (2) )ހ.( ކާށި ގަބުޅި ކުރުނބާގެ ފުލުން ނައްޓާލާ ނާށިކޮޅު
ފަލިދަ
ނ ފެނުކައްކައި ފުޑައިފައި ހުންނަ ހަރުބޮންތި ރަތްކެޔޮ ބޯތައްޓަކަށް ބޯތައްޓެއްގެ ގަބުޅި ހުނި އަޅައިފައި ހަނޑޫފުށާއި ހަކުރު އަޅައިގެން ހިލާ ފޮނިކާއެއްޗެއް މި ހުންނަނީ ގުޅަގުޅަޔަށް ވަށައި ދުމަށީގައި ޖަހައި ހިއްކައިފައެވެ
ފޭރާ
ނ ގަބުޅި ކާށި ހެހުމަށްޓަކައި ކުރެދި ފަދަ ތަކެތިން ހަދައިފައި ހުންނަ އެއްޗެއް މިހުންނާނީ އެއްކޮޅު ބިމަށް ޖަހައިފައެވެ މައްޗަށް ހުންނާނީ ފޭއްސައިފައި ހުންނަ ކޮޅެވެ
ފޭރާބޮނބި
ނ ކާށި ގަބުޅި ހެހެފައި ހުންނަ ބޮނބި
ފޯ
ނ (1) ކަށިކޭލުގެ ފުށް ދަމައިގެން ހިލާ ފޮނި ކާއެއްޗެއް. (2) ކަށިކެޔޮ ލިޔެ ގަބުޅި ހުންޏާ އެއްކޮށް ހިމުންކޮށްގެން ކައްކާ ފޮނިކާ އެއްޗެއް. (3) ހަނޑުލުފުށުގައި ދެވައްތަރު ހަކުރާ ހުންޏާ އެއްކޮށްގެން ކައްކާ ކާއެއްޗެއް. (4) އެއްޗެހި ތެމިގެން ނުވަތަ ފެނު އަޅައިގެން ވާގޮތް. (5) އިހުގައި ކުޅޭ ކުޅިވަރެއް. (6) )ގ.( ލޮލުގެ މަޑު. (7) ފެނުތެރޭގައި އެއްޗެއް އޮވެ އޭގެ ޒާތުގައި ފުފޭ ފުފުން (8) މީހުން ތެމިގެންވާ ގޮތް
ފޯކޭންބެއްލެވުން
މ ހަވަރު ފޯކެއުން ފޯ ކާއިރު ބޮޑު ތަގަރިޔަށް ގަބުޅި އުކުރާ އަޅައިފައި ހުންނާނެއެވެ މިކަން އޮންނާނީ ގަނޑުވަރުގެ ތެރޭގައެވެ
ދިވެހިރުއް
ނ (1) އެއްތަނޑިއަށްހެދޭ ފެންފޯއް ރުކަށްވުރެ ފަލަ ކުރީގައި ފަނާއި އިހާ އަންނަ ގަހެއް މިގަހުގެ އިހަލުގައި ގަންނަ ވައް އެކިވަރަށް ހަރުވުމުން އެއަށް ދިވެހިން އެކިނަންނަން ކިޔައެވެ އޭގެ ތެރޭގައި )ހ( ގޮބޮޅި )ށ( މިރި )ނ( ކިހައް )ރ( ކުރުނބާ )ބ( ގަބުޅި )ޅ( ކާށި )ކ( ކުރޮޅި ހިމެނެއެވެ މިގަހުގެ ހުރިހާ ބައެއްވެސް ދިވެހިންގެ ދިރިއުޅުމަށް ބޭނުންކުރެއެވެ (2) ދިވެހިންގެ ޤައުމީ ގަސް
ލޯކަޅުވުން
މ ގަބުޅިއަށްވުރެ ހަރުވެ ކާއްޓަށްވުން
ގަބިޅި
ނ )ޏ ސ ( ގަބުޅި
ގަބުޅިކާށި
ނ (1) ޅަކާށި (2) ގަބުޅިއާއި ކާއްޓަށްއެއްކޮށް ކިޔާގޮތް
ގަބުޅިވަރުވުން
މ ގަހުގައި އަޅާ ބައެއްކަހަލަ ތަކެތި ގިތިކަން ކެނޑި އެއަށްވުރެ ހަރުވުން މިސާލު: )ހ( ގަބުޅިވަރު ފޭރެއް )ށ( ގަބުޅިވަރު އަންނާރެއް
ގަބުޅު
ނ )ގ ( ގަބުޅި