radheef.info
ރަދީފު


ލެވުން
މ (1) އަނެކެއްގެ އަނގަޔަށް އެއްޗެއް ލައިދިނުން (2) ލަވަމުން ގެންދިޔުން
އުކުލުން
މ (1) އެކުލެވުން (2) ޅެން ރައިވަރުފަދަތަކެތި ތަރުތީބުކޮށް ރޭވުން
އެމުނިއެކުލެވުން
މ (1) ގައިގޯޅިވެ އެކުލެވުން ނ (2) ލިޔެފައިވާ އެއްޗެއްގެ ބަސްތަކުގެ ތަރުތީބުކަމާއި އެތުރިފައިވާގޮތް (3) މަޖާޒު: ކަމެއް އިންތިޒާމް ވެގެންވުން
ވަޅުޖެހުން
މ (1) ފޭހިފައިވާ ދަގަނޑެއް ކުރައްޖެއްފަދަ އެއްޗެއް ބިމަށް ހަރައިގެން ވަޅެއް ހެދުން. މިކަމަށް ވަޅުހެރުން މިހެންވެސް ކިޔައެވެ. (2) ބިމުގައި ފޮރުވިލާވަރަށް ވަޅުލެވުން. (3) މަޖާޒު: ކަމެއް ކުރާންވެގެން ވާހަކަ ދައްކައިލައިފައި ވީނުވީގޮތެއް ނޭނގި އެކަމެއް ހުއްޓުން
ވަކިވަކިވުން
މ (1) ބައިބައިވުން (2) އެކުނުލެވުން (3) އެކުވުމުގެ އިދިކޮޅު (4) ރޫޅުން
މަތަވުން
މ (1) އައިސް އައިސް ހުރި އެއްޗެއް ހުއްޓުވާލެވުން (2) ހަމައިން ނެއްޓިގެން އުޅޭ ބައެއް ނުވަތަ ކަމެއް ހަމަޔަކަށް އަޅުވާ ލެވުން
މަތިންއެރުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން (2) އެއްޗެއް ކެކި އުތުރި އަރައިގެން ބަންޑުންވުން (3) ރަށްރަށާއި ގިރިފަދަ ތަންތަނުގެ ވައިމަތި ފަރާތުން ދަތުރުކޮށް ދިއުން (4) ގިރާކޮށްފައި ނުދެވޭވަރު އުސްތަންތަނުގެ މައްޗަށް އަރައިގެން އަނެއްފަރާތަށް ދިއުން
މަތިންލުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން. (2) އެއްޗެއްކެކި އުތުރި އަރައިގެން ބަންޑުންވުން. (3) ފުރާދުއްވާ އޮޑިފަހަރު ދަތުރުކޮށްފައިދާއިރު އަނބުރާނުލާ ފަރުމާނު މަތިން ރިޔާގެންދިއުން
މަތިވެރިކުރެއްވުން
މ ދަރަޖަ އުފުއްލެވުން
މިލުން
މ (1) ހޫނު މޫސުމުގެ ސަބަބުން ގަސްގަހުގެ ފަތާއި މަލަން އަންނަ މޯޅިކަން (2) މަޖާޒު: ހިތަށްކުރާ އަސަރެއްގެ ސަބަބުން މޫނުމަތީގެ ތާޒާކަން ކެނޑުން (3) އެކަކު އަނެކަކާ އެކުލެވުން
ފަރިތަވުން
މ (1) ފަސޭހަކަމާއެކު ކަންކަން ކޮށްލެވުން (2) ތަނެއް ރަނގަޅަށް ދަތުން (3) ކަމެއް ރަނގަޅަށް ދަތުން (4) ދެކެ ރަޙްމަތްތެރިވެފައިވުން
ފޮތްހެދުން
މ (1) ފޮތް އެކުލެވުން (2) ހަލާކުވެފައި ހުންނަ ފޮތް ހީރަސްޖަހައި އަލުން ހެދުން
ދުންކާލިއެރުވުން
މ މަޖާޒު: (1) މާބޮޑަށް ރުޅިއައިސްގެން އެއްޗެހި ގޮވައި ހަޅޭއްލެވުން (2) ތަޅައި ހާނީއްކަކުރުން
ލަވައިލުން
މ ލެވުން މިބަސް ލުއިކޮށް ބުނާގޮތް
ގުނބުހިލުން
މ ވަރުބަލިވެގެންގޮސް މާނޭވާލެވުން
ގުޅުން
މ (1) އެކުލެވުން (2) އެއްކުރުން (3) އެއްޗެއް އަނެކައްޗަކާ ލައިމެހުން (4) އެކުވެރިވުން (5) މުވާޞަލާތުގެ ވަޞީލަތެއްގެ ބޭނުންކޮށްގެން އެއްފަރާތަކުން ބުނާ އެއްޗެއް އަނެއް ފަރާތަކަށް އެނގޭގޮތް ހެދުން
ޝަފާޢަތް
ނ ޤިޔާމަތް ދުވަހު މީސްތަކުންގެ ހިސާބު ބެއްލެވުން އަވަސްކޮށް ދެއްވުމަށް ކީރިތި ރަސޫލާ ﷲ ގެ ޙަޟްރަތުން އެދިވަޑައިގަންނަވާ އެދިވަޑައިގަތުން
ޝަފާޢަތްތެރިވެވަޑައިގަތުން
މ ޤިޔާމަތްދުވަހު މީސްތަކުންގެ ހިސާބު ބެއްލެވުން އަވަސް ކޮށްދެއްވުމަށް ކީރިތި ރަސޫލާ ﷲ ގެ ޙަޟްރަތުން އެދި ވަޑައިގަތުން