radheef.info
ރަދީފު


ލުމަ
ނ (1) އުއިކޮށާ ނުވަތަ ރޮދިއޮޅާ ސަރަކައިގެ ފޯއްޔެއް ނއ (2) ތެދަށްހުރި އެއްޗެއްކަން އަންގައިދިނުމަށް ބުނާ ބަހެއް މިސާލު: )ހ( ތެދުލުމައެއް ހެން ހުރި ރުކެއް )ށ( އޭނާގެ ހަށިގަނޑު ހީވަނީ ތެދުލުމައެއްހެންނެވެ
ހާޑުފަށް
ނ (1) ރިޔަލުގައި ހާޑުލުމަށް ބޭނުންކުރާ ވައުގަނޑު (2) ހާޑު ހަކަށް ލައްވައިފައި ހުންނަވައު
ހިކާދުރުކުރި
ނ (1) އެންދަމާއިރު ހިކާތައް އައިސް އުނދަގޫ ކުރަން ފެށީމާ އެހިކާތައް ދުރުކުރަން ދުރަށްޖަހާ ފިލިގަނޑު މަޖާޒު: (2) ގޭގެއަށް ވަދެއުޅޭ ބޭނުމެއްނެތް މީހުން އަވަހަށް ފޮނުވައި ލުމަށްޓަކައި ދީއުޅޭ ކާބޯއެތިކޮޅު (3) ހިތުގައި އަގުނެތް މީހުންނަށް ދީއުޅޭ ކާބޯއެތިކޮޅު
ހިމާރު
ނ ތަކެތި އުފުލުމަށާއި ސަވާރުވުމަށް ބޭނުންކުރާ މަޝްހޫރު ޖަނަވާރެއް މިއީ އެންމެ ގަބު އެންމެ އަޑުހުތުރު ޖަނަވާރެވެ
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ހިޔަންޏަށްމުޑިނުނަގާށޭ
)ހަރުބަހެއް( ކަމަކަށް ނުވާކަހަލަ ކަމަކާމެދު ބިރުގަތުމަށާ އެއްވެސް ޙަޤީޤަތެއްނެތް ކަންކަމާ ޖެހިލުމުން ދޫކޮށްލުމަށް ބުނެއުޅޭ ބަހެއް
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުރާގޭތަފާ
ނ މީހުންގެ ގައިގައި އެމީހާ ބަލިކޮށްލުމަށްޓަކައި އަތުން ވަކިގޮތަކަށް އަޅާ އެތިފަހަރު
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހުތްދިނުން
މަޖާޒު: (1) ތިމާ ބޭނުން ގޮތަކަށް އަނެކަކު އަނބުރައިލުމަށްޓަކައި ވާހަކަ ދައްކައިގެން ހެއްލުން (2) ނުބައިކަމަކަށް ނަސޭހަތް ދިނުން
ހެއްލުމެއްގައި ގެއްލުމެއް
(މުސްކުޅިބަހެއް) (1) އަމިއްލައަށް ވިސްނުމަކާނުލައި އަނެކާގެ ބަހަށް ކަންތައް ކުރުމުން ލިބޭ ގެއްލުމަށް ބުނެއުޅޭ ބަހެއް (2) ކަމަކާއިމެދު ވިސްނަންވީވަރަށް ނުވިސްނައި ކަންތައްކުރުމުން ލިބޭގެއްލުމަށް ބުނެއުޅޭ ބަހެއް
ރަނގަލުން
މ ދަވާދުލުން މިބަސް ގިނައިން ބޭނުންކުރަނީ ދޯނިފަހަރުގައި ދަވާދުލުމަށެވެ
ކަރުނަގޭސް
ނ ލޮލުން ކަރުނަ އަންނަ ގޭސް މިގޭސް ބޭނުން ކުރަނީ މުޒާހިރާ ފަދަ އެއްވުންތައް ރޫޅައިލުމަށްޓަކައެވެ މިގޭސް ދޫކުރުމުން ލޮލުން ފެންއަންނާނެއެވެ
ވޮށްއެރުވުން
މ (1) ވޮށް ދިއްލުން (2) ވޮށް ދިއްލުމަށް ތައްޔާރުކޮށް އެވޮށެއް ހުންނަންވީތާކު އެވޮށެއް އެލުވުން މިބަސް މާތްކޮށް ބުނާގޮތަކީ "ވޮށްކޮޅު އެރުވުން" މިއެވެ
ވޮޑަ
ނ )ގ ( (1) އެކަތި އަނެއްކައްޗާއި ލަފައިލުމަށް ބޭނުންކުރާ ވާގަޑު )އޮޅު( (2) ކުނަލުގެ ކައިރި ފަހަން ގެންގުލޭ ވަކަފަށް (3) ފޭރާން ކުރާއިރު ނުވަތަ ކުނާ ވިޔާ އިރު ދުޅަ ނަގަން ގެންގުޅޭ އެތި
ވޮޑެޔާ
ނ )ގ ( ވޮޑަ އެކަތި އަނެކެއްޗާއި ލަފައިލުމަށް ބޭނުންކުރާ ވާގަނޑު )އޮޅު( (2) ކުނަލުގެ ކައިރި ފަހަން ގެންގުޅޭ ވަކަފަށް (3) ވިޔާއިރު ދުޅަނަގަން ގެންގުޅޭ އެތި
ހޮޑު
ނ ދިރުވާލުމަށްފަހު ނުވަތަ މައިދާޔަށް ދިޔުމަށްފަހު އަނބުރާ އަނގަޔަށް އަންނަތަކެތި
ހޯއް
އކ (1) އަންގައިލުމަށް ގޮއްވާލާ އަޑެއް ނުވަތަ މަލާމާތުގެ ގޮތުން ދެރަކޮށްލުމަށް ގޮއްވާލާ އަޑެއް (2) އާންމުންގެ ތެރޭގައި ގެއެއްގެ ގިފިލި ފެންނަހިސާބު އުސްތަނަކަށް އަރަންވެއްޖިއްޔާ އެކަން އަންގައިލުމަން ގޮއްވާ އަޑު
ހޯސްޕަވަރު
ނ (1) ފައްސަތޭކަ ފަންސާސްރާތަލުގެ ބަރުދަން އެއްސިކުންތުގެ ތެރޭގައި އެއްފޫޓަށް އުފުލުމަށް ބޭނުންވާ ބާރު (2) އަހުގެ ބާރު
ނަސުރު
ނ އުނަދަގުލެއް ދުރުކޮށްލުމަށް ނުވަތަ ދުޝްމިނަކު ބަލިކޮށް ލުމަށް ﷲ ދެއްވާ މަދަދު