radheef.info
ރަދީފު


ލިޔުން
މ (1) ތަނެއްގައި ނުވަތަ އެއްޗެއްގައި އަކުރު އެޅުން. (2) ލިޔެފައިވާ އެއްޗެއް. (3) މަޒުމޫނެއް ނުވަތަ ޅެމެއް ނުވަތަ ފޮތެއް އެކުލަވައިލުން (4) ދިގު ހަރުގައި ނުވަތަ އަރިޔަން ހަރުގައި އަޅައިގެން ލިޔާ ކަށިން ލަކުޑި ކޮށައި މަށައި އެކިވައްތަރަށް ސިފަ ގެނައުން (5) ހިކިމަހާއި ކަށިކެޔޮ ފަދަ ތަކެތި ތުނިކޮށް ކޮށުން (6) ލޭތުކުރުން
ކަލިމަކެނޑުން
މ (1) އެއްކަލިމައެއްގެ ދެއަކުރު ދެފޮޅުވަތުގައި ލިޔުން (2) ކިޔުމުގައި އެއްކަލިމައެއް ބައިކޮށްލައިގެން ކިޔުން
ކުށްތެޅުން
މ ލިޔާއިރުގައްޔާއި ޓައިޕްކުރާއިރުގައި މާގިނައިން ކުށް ލިޔުން
ކުރުއަތުލިޔުން
ނ ދައްކާ ވާހަކަ އަވަހަށް ލިޔާލިޔުން މިލިޔުން ލިޔާނީ ރަމްޒުތަކަކާއި ނިޝާންތަކެއް ބޭނުންކޮށްގެންނެވެ
ކޮޕީ ފޮތް
ނ ސިޓީފަދަ ލިޔުންތަކުގެ ނަކަލުއަރުވާން ގެންގުޅޭފޮތް
އަރިޔަންލިޔުން
މ ބޮމަކަނދުގައި ހިއްޕައިގެން ލިޔުން
އަކަކުރުން
މ (1) ހަތަރެސްކަންވާގޮތަށް ބައިކުރުން (2) ފަންޑިތަވެރީންގެ އިޞްޠިލާޙުގައި ޖުމްލައެއް ނުވަތަ ޢިބާރާތެއް (3) އަކައެއްގެ ގޮޅިގޮޅީގައި ޤަވާޢިދެއްގެ މަތީން އެކިއަކުރު ވަކިވަކީން ނުވަތަ އަބުޖަދުކޮށްގެން ލިޔުން
އިސްތިހާރު
ނ ގިނަމީހުންނަށް ކަމެއް އެންގުމަށްޓަކައި ލިޔާލިޔުން ނުވަތަ ގޮވާ ގޮވުން
އިސްޓޭމްޕް
ނ (1) ޕޯސްޓުން ފޮނުވާ އެއްޗެހީގައްޔާއި ރަސްމީބައެއް ލިޔުން ތަކުގައްޔާއި އަދިވެސް އެފަދަ ބައެއް އެއްޗެހީގައި ހިއްޕަން ހަދައިފައި ހުންނަ އެއްޗެއް މިއީ އެއްފަރާތުގައި ތެރަސްލާފައި އަނެއްފަރާތުގައި ބައެއް ކުރެހުމާއި އަގުޖަހައިފައި ހުންނަ ޗާޕްކުރި ކަރުދާސްކޮޅެއް (2) އިސްޓޭމު
މަޖައްލާ
ނ ކަނޑައެޅިފައިވާ ގޮތެއްގެ މަތިން ނުކުންނަ މަޒްމޫނާއި ވާހަކައާއި ޅެންފަދަ ތަފާތު ލިޔުންތައް ހުންނަފޮތް
މާފޮޅުވާ އިބާރާތް
ނ (1) ފަށުއި ބަސްތައް ބޭނުންކޮށްގެން ލިޔެފައި ހުންނަ ލިޔުން (2) ފަށުއި ބަސްތައް ބޭނުންކޮށްގެން ދައްކާ ވާހަކަ
ފަންވަތްލިޔުން
މ ފަންޑިތަ ހެދުމުގެ ގޮތުން ފަންވަތުގައި ލިޔުން
ފަންޑިތަހެދުން
މ ކިޔެވެލި ކިޔެވުން ތަށިތަވީދުލިޔުން ނުވަތަ އެކިއެކި ކަންކަމަށް މިބާވަތުގެ ކަންތައްތައް ކުރުން
ގެޒެޓު
ނ (1) ޝާއިއުކުރެވޭ ޤާނޫނީ ލިޔުން (2) ޤާނޫނީ އެކިއެކި މަޢުލޫމާތު ޝާއިއު ކުރާ ނޫހެއް
ގެޒެޓުވުން
މ ޤާނޫނީ ލިޔުން އާންމުކޮށް ޝާއިއުވުން
ސޮއިކުރުން
މ ސޮއި ލިޔުން
ފައިލު
ނ ސިޓީއާއި މެސެޖް ފަދަ ލިޔުން ފަހުން ބަލަން ބޭނުން ވުމުން ފަސޭހައިން ފެންނާނެހެން އަމުނާފައި ރައްކާ ކުރެވޭގޮތަށް ހަދައިފައި އޮންނައެތި
ފަތްފޮނުވުން
މ އިހުގައި ސަރުކާރުން އެކިއެކި މީހުންނަށާއި ތަންތަނަށް ފޮނުވާ ރަސްމީ ލިޔުން ފޮނުވުން
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ދަށުރޮނގު
ނ ލިޔުންތަކުގެ ވަކިބަސްބަހަށް ނުވަތަ ވަކި އިބާރާތްތަކަށް ބާރުލުމުގެ ގޮތުން ފާހަގަކުރަން ތިރީގައި ދަމައިލާ ރޮނގުބުރި ނުވަތަ ރޮނގު
ދަތުރުނާމާ
ނ (1) ދަތުރުގައި ކަންހިނގިގޮތް ލިޔެފައިވާލިޔުން (2) ދަތުރުގެ ޔައުމިއްޔާ