radheef.info
ރަދީފު


ލާރި
ނ (1) ފައިސާގެ ގޮތުގައި ދިވެހިރާއްޖޭގައި ގެންގުޅޭ ސިއްކައެއް ސަތޭކަލާރިއަކީ އެއްރުފިޔާއެވެ (2) މަޖާޒު: ފައިސާ
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަރިވިއްކުން
މ މަޖާޒު: ލާރިހޯދުމަށްޓަކައި އަންހެން ދަރިފުޅު މީހުނާ ރައްޓެހި ކުރުވުން
ދިގުލާރި
ނ އިހުގައި ރާއްޖޭގައި ގެންގުޅުނު ލާރިއެއް މިލާރި ހުންނަނީ ބޮލުގައި ޖަހާ ދައްޗެއްހެން ހިމަދިގުކޮށް ރިހިންހަދައިފައެވެ
ދުރޯ
ނ (1) ހަނގުބޭކަލުންނާ ހަމައިންފެށިގެން މަތީފެންވަރުގެ މީހެއްގެ އަބުރާ ބެހުމުންނަގައި އުޅުނުލާރި މިގޮތަށް ނަގާނީ ދުއިސައްތަ އައްޑިހަލާރިއެވެ (2) ދެދޮރާށި ދޭތެރޭ ނުވަތަ ގުޅަކުޅޭ ފަސްގަނޑުގައި ފައިދޮށް ޖައްސަވައިގެން ހަނގުބޭކަލުން އެއްޗެއް ބައްސަވަން ތިއްބަވާ އިރު ކަމާނުބެހޭ މީހަކު އެއިން ތަނަކަށް ވަދެއްޖެނަމަ ދޭންޖެހޭއާދަ މިގޮތަށް ނަގައި އުޅުނީ އަށްލާރިއެވެ
ދުރޯނެގުން
މ ދުރޯއަށް ދޭންޖެހޭލާރި ފަނޑިޔާރުގެއިން އަތުލައި ދިނުން
ތިންމައިގަނޑުވިޔަ
ނ ގުނަކޮށް ގެއްލައިގެން ހަދާ ހިސާބެއް މިސާލު: ތިންލާރިއަށް ދެމިރުސް ދެންޏާ އަށްލާރިއަށްވާނީ ކިތައް މިރުސްތޯ ބެލުމަށް ކުރާ ހިސާބު
ލާށިފޯއް
ނ )ސ ( ލާރިފޯއް
ލާނށި
ނ )ޏ.( (1) ފެން ނުބެދޭ ވަރުގެ ޅަފެންފޯއް. (2) ވަޅުކައިރީ ފެން ހެދިފައި އޮންނަ ތަންތާނގައްޔާއި ވަޅު ގާދަށުގައި އުޅޭ ކުރަފި ވައްތަރުގެ ދިރޭއެއްޗެއް )ގ ( (3) ލާރިފޯއް (4) ގުރުޑު ފެންފޯއް (5) ހިކިފޯކުގެ ތެރޭގައި ހުންނަ ވަރަށް ހިމަދިގުފޯއް
ލާރިނެގުން
މ (1) ލާރި އަތުލުން (2) މަޖާޒު: މަސައްކަތް ކޮށްގެން ފައިސާ ހޯދުން
ލާރިފުވައް
ނ )ޏ ( ލާރިފޯއް
ލާރިފޮތި
ނ (1) ވަކިލާރި (2) ފައިސާފޮތި
ލާރިޖެހުން
މ ލާރިއުފެއްދުން
ގެމާވެދުމާދިއުން
މ ޢިއްޒަތްތެރިއަކު ވަޑައިގަންނަވާ އުޅަނދުފަހަރަށް ވެދުމާދިއުން މިގޮތަށް ވެދުމާދާއިރު އެބޭފުޅަކު ވަޑައިގަންނަވާ އުޅަނދު ޖައްސާ ކޮންމެރަށަކުން ކުރުނބާ އިހަލަކާއި ބިލެތްބޮނޑިއަކާއި 52 ލާރިދެއެވެ
ސިއްކަ
ނ (1) ސިލު (2) ދައުލަތެއްގެ ނަމުގައި ނުވަތަ ވެރިޔެއްގެ ނަމުގައި ލިޔެވޭ ލިއުންތަކުގައި ޖެހުމަށް ހަދައިފައިވާ ޚާއްސަ ތައްގަނޑު (3) މަޖާޒު: ފާހަގަ (4) ތަނެއްގައި ގެންގުޅޭ ލާރި (5) )ހ ( ދާދިކުޑަ
ސިއްކަޖެހުން
މ (1) ސިލުޖެހުން. (2) ދައުލަތެއްގެ ނަމުގައި ނުވަތަ ވެރިޔެއްގެ ނަމުގައި ލިޔެވޭ ލިޔުންތަކުގައި ޖެހުމަށް ހަދައިފައިވާ ޚާއްޞަ ތައްގަނޑެއް ޖެހުން (3) ލާރިޖެހުން
ސިއްލަރު
ނ )މަލިކު( ވަކިލާރި
ސުންކަންނެގުން
މ (1) ޖަމާޢަތެއްގެ ބަޔަކު ނުވަތަ ރަށެއްގެ ރައްޔިތުން ފަދަ ބައެއްގެ ތެރެއިން ގަސްދުކުރާ ކަމަކަށް ކަނޑައެޅޭ އެއްޗެއް ނެގުން (2) އިހުގައި ހަވަރުގެ ބަޔަކު ނިކުމެގެން ފިހާރަފިހާރައިން ނަގައި އުޅުނު ލާރިއެއް ނެގުން (3) އިހުގައި އަންނަ ބަނގަލާ ބޯޓްފަހަރުން ނަގާ ތަކެތި ނެގުން
ސެންޓު
ނ (1) މީރުވަސް ދުއްވުމަށް ފޭރާމުގައި ނުވަތަ ހަށިގަނޑުގައި އުނގުޅާ ވަރަށް ހަލުއި ދިޔާ އެއްޗެއް (2) ބައެއް ޤައުމުތަކުގެ ފައިސާގެ ލާރިޔަށް ކިޔާނަން
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި