radheef.info
ރަދީފު


ތޮ
ނ ކަލޭ
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަތްމީރު
ނ މައު މަދު ގޮނޑި ފަތް މޫ މޭވާ ތޮށި
ހާ
ނ (1) ކުކުޅުގެ ފިރިހެން އެތި. (2) އަތޮޅެއްގެ އެތެރެވަރީގައި ވަށައިގެން ތިލަ ކައިރިފަށެއް އޮތުމާއެކު އެތެރެ ފުންކޮށް ހުންނަ ތަންތަން. މިސާލު: އެދޯނި މިއަދު އެން އެޅީ ވަރަށް ދުރުގައި އޮތް ހަލަކުންނެވެ. (3) ބައެއް އެއްޗެހީގެ އެތިއެތިކޮޅު. މިސާލު: އުޑުމަތީގައި ހާވިލާ ވަރަށްގިނައެވެ. )ށ( ތިޔަ ހާމަސްކޮޅު ގެންނާށެވެ. )ނ( ހާރަން. (4) ލައްޕާފައި ހުންނަ ބައެއްތަކެތި ހުޅުވައިލުން. މިސާލު: ފޮށީގެ މަތި ހާކޮށްފި އެވެ. (5) ފޭ. މިސާލު: ދޮރުފަތުގެ ހިންމި މިހިރީ ހާވެފައެވެ. (6) އެއްޗެއްގެ ފޭރާން ދެރަކަމުން ނުވަތަ އެއްޗެއްގައި ހުންނަ ބާކޮޅަކުން ނުވަތަ އެއްޗެއްގެ ހިންމި ދުރުވެގެން އެއްފަރާތުން އަނެއްފަރާތް ފެންނަފެނުން މިސާލު: މިތަނުން އަދިވެސް އެބަ ހާއަޅައެވެ މިބަހުގެ 4 5 މިދެނަންބަރުގައިވާ ހާ އިން ކޮންމެވެސް އެއްޗަކާ ގުޅުވައިގެން މެނުވީ މާނައެއް ދޭހައެއް ނުވެއެވެ މިސާލު: ހާވުން ހާކުރުން
ހިރިކުއްޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިފަތް ހުންނާނީ ތަނޑެއްނެތި ގަހުން ފަޅައިފައެވެ. މިފަތުގެ ސިފަ ހުންނަނީ ކުއްޅަ ފިލާފަތާ ވައްތަރު ގޮތަކަށެވެ. މާހުންނަނީ މަލުގެ ބުޑު ފެހިކޮށް ފިޔަތަކަށް ފެށޭ ހިސާބު މަޑުފިޔާތޮށި ކުލައަކުން ފެށިގެން ކުލަގަދަވަމުންގޮސް މަލުގެ ކުރީކޮޅު ވައިލެޓު ކުލައިގައެވެ ފިޔަތައް ހުންނާނީ ނަރުތަކެއްހެއް ހިމަކޮށެވެ
ހިބަރުތޮޅި
ނ ހިބަރާ ސިފަވައްތަރު ތޮޅިއެއް މިއީ ފަރުތޮޅީގެ ބާވަތެކެވެ
ހިއަދެވިކަމަނާބޯ
ނ ހިޔަތޮނަ މިއީ މުލުގައި މީރުވަސްދުވާ ވިނައެކެވެ
ހިއްކިކެޔޮ
ނ ތޮށިމަށައި ފަޅިކޮށް ފޮނުފޮޅުވައިގެން ނުވަތަ ފޮނު ނުފޮޅުވައި ހިއްކައިފައި ހުންނަ ބަބުކެޔޮ
ހިމަހޯއްދުން
ނއ (1) ހިމަތޮޅި ކަމާއި އެކުލެވިގެންވާ ރީތިސިފަހުރި )މިބަސް ބުނެއުޅޭނީ އަންހެންކުދީންނާ މެދުގައެވެ ( (2) ލޫޅާފަތި
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިމެރި
ނ ވައްތަރެއްގެ ތޮޅިޔެއް އަޅާވެލެއް މީގެ ކިތަންމެ ބާވަތެއް ހުރެއެވެ ގިނަބާވަތުގެ ތޮޅިޔަކީ ކާން ރަނގަޅު އެއްޗެކެވެ
ހިތިހުންބޭސް
ނ ބޭރުގައި ހަކުރު ނުލާހުންނަ ހުންބޭސްގުޅަ މީގެ ދިޔާ ބޭސްވެސް ހުރެއެވެ އެހުންނާއި މަޑުފިޔާތޮށި ކުލައިގައެވެ
ހިތިބަދަން
ނ ބޭހަށް ބޭނުންކުރާ އެއްޗެއް މީގެ ތޮށިގަނޑު ހަރުވެފައި ތޮށިގަނޑުގެ ކުލަ ހުންނާނީ ފެހިކުލައެއްގައެވެ މިއީ ކާފޫރުތޮޅިއަށްވުރެ ކުޑަކޮށް އެކަހަލަ ސިފައަކަށް ހުންނަ އެއްޗެކެވެ ބޭހަށް ބޭނުންކުރަނީ އެތެރޭގެ މަދެވެ
ހިތިމަދި
ނ (1) ގަބުޅި ވަރު ކުރުނބާގެ ނާއްޓާ ހެޔަވާ ދޭތެރޭ ހުންނަ ތޮށި (2) މަދަވާ
ހިތިތެޔޮ
ނ ވަރަށް އޮލަކޮށް ހުންނަ ބޭސްތެލެއް މިތެޔޮ ހުންނާނީ ކަޅުނޫ ކުލައެއްގައެވެ މިތެޔޮހަދަނީ ހިތިގަހުގެ ފަތާ މަލާ ދަނޑީގެ ތޮއްޓާ ހުރިހާ އެއްޗެއް އެއްކޮށްގެންނެވެ
ހިތިތޮރާ
ނ ތޮރައިގެ ހިތިބާވަތް މިއީ އިހުޒަމާނުގައި މާލޭގައި ހެދުނު ބާވަތެކެވެ މިތޮރާ ހުންނާނީ އާދައިގެ ތޮރައަށްވުރެ ކުދިކޮށެވެ ކާންކެރޭ ވަރަށްވުރެ އެތޮރައިގެ ރަހަ ހިތިވާނެއެވެ
ހިލަތޮށި
ނ (1) ގަސްގަހާގެހީގެ ތޮށީގެ އެންމެމަތީފަށް (2) އޮށީގެ އެންމެ ބޭރުތޮށި )ފަށް( (3) ބޮނބީގެ މަތީފަށް
ހުހިވައް
ނ މޫދުގައި އުފެދޭ ނުހަނުލުއި މަޑުއެއްޗެއް. މީގެ އެތެރޭގައި ވަރުވަރުގެ ލޯވަޅުތައް ތޮރުފިފައި ހުންނާނެއެވެ. ބޭރުގައި ހުންނަ ކުރަކި ކަމަކާއި ތޫނުކަމަކުން އެއްޗެހި އުނގުޅައި ސާފުކުރުމަށާއި ގައި އުނގުޅުމަށް ގެންގުޅެއެވެ
ހުރާ
ނ (1) ފަޅުފަޅުގައި އަކިރިއާއި ގަލުން ހިކިފައި ހުންނަ ތަންތަން މިތަންތާނގައި ގަސްގަހާ ގެއްސެއްނުހުންނާނެއެވެ (2) ހުރާގަނޑު (3) ކ އަތޮޅުގެ ރަށެއްގެ ނަން
ހުއިވަނި
ނ (1) މޫދުގައިއުޅޭ ދިރޭއެއްޗެއް މިއޮންނަނީ ބިޗުލެއްގެ ސިފައިގައެވެ (2) ނ އަތޮޅުގެ ފަޅުރަށެއްގެ ނަން (3) ހުވަނި
ހުއިތޮށި
ނ )ސ ( ތުނިރިނދަލިހެން ހުންނަ ކުދިކުދި އެއްޗެއް މިއީ ގޮނޑުދޮށަށް ކަށިވެލި އަރާހެން އަރާ އެއްޗެކެވެ ގިނައިން މިއަރަނީ އައްޑުއަތޮޅަށެވެ