radheef.info
ރަދީފު


ތެޔޮ
ނ (1) ބައެއްޒާތުގެ އޮށް އޮށާއި މަސްމަހުގެ ހަމާއި ސަރުބީއާއި މޭގަނޑުންހޭނޭ ފެނަށްވުރެ އޮލަ ދިޔާއެއްޗެއް (2) ބިމުގެ ތެރެއިން ނެގޭ އޮލަ މާއްދާއެއް މިމާއްދާއިން ޑީސަލާއި ކަރާސީނާއި އެކިވައްތަރުގެ ޕެޓްރޯލް އުފައްދައެވެ
ނާރުނަވެޔޮ
ނ ކަނޑޫ ފަލުގައި ހެދޭ ވަލުއެއްތެޔޮ
ނާރުދެމުން
މ ނާރުއެރީމާ ފަރުވާޔަށްޓަކައި ތެޔޮދެމުން
ނުދޮންނަފޮތި
ނ (1) ކުކުޅުބިސް ކުލައަކަށްދާ ކުޑަކޮށް ތެޔޮގޮތް ހުންނަ ދެރަފޮއްޗެއް އިހުގައި މިފޮތި އަންނަންވެސް ގެންގުޅެއެވެ (2) އަންނަފޮތި
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރިހަމިރުސް
ނ (1) ތޮޅި މިރުހަށްވުރެ ބޮޑެތި ތޮށިބޯ އޮށްގިނަ ކުޅިރަހަވަރަށްމަޑު މިރުހެއް (2) )ސ ( ގިތެޔޮ މިރުސް
ރޫސިހާބަތުތެޔޮ
ނ ކިރުގިނައިން އަޅައިގެން ރޫސިހާ ބަތް ކެއްކީމާ ވަތަށް ފޭދިފައި ހުންނަ ތެޔޮ
ރެވިތެޔޮ
ނ ރެވިއޮށުން ހާނާ ތެޔޮ
ރޮނގުތެޔޮމަސް
ނ ފަރުމަހުގެ ބާވަތެއް މިއީ މަސްގަނޑުގެ ތެޔޮކަންގަދަ ފަރުމަހުގެ ބާވަތެކެވެ އުމުރުން ގިނަ ދުވަސްވީވަރަކަށް ކުލަގަދަވަމުންގޮސް ކަޅުކުލައަށް ބަދަލުވާ ގަދަމުށި ކުލައިގެ މަހެކެވެ މިމަހުގެ ނިގޫފަތް ކުޑަވާނެއެވެ ނިގޫކޮޅުގެ ދެފަރާތުގައި ކުޑަދެކުރަގަނޑާއި ބޮޑު ކުރަގަނޑެއް ހުރެއެވެ
ބަކަރި
ނ ބަނޑުއަޅާވިހާ ޖަނަވާރެއް މިއީ ހަތަރު މޮށްގަނޑުޖެހި ޖަނަވާރެކެވެ މީގެ ކެހެރިތައް ހުންނާނީ ކުރުކޮށް ފަންކޮށެވެ މިއީ އޭގެކިރާއި މަހުގެ ބޭނުމުގައި ކާންދީ ބޮޑުކޮށްގެން ގެންގުޅޭ ޖަނަވާރެކެވެ މިޖަނަވާރުގެ ފިރިހެން ޖިންސުވަކިކުރަން ބޭނުންނަމަ ކިޔައިއުޅެނީ "ގިތެޔޮ" މިހެންނެވެ
ބައްތިހެދުން
މ ބައްތިޔަށް ތެޔޮއަޅައި ހޮޅިފުހެ ފީތާކަނޑައި ދިއްލަން ތައްޔާރު ކުރުން
ބަދަންތެޔޮ
ނ ބަދަނުން ހާނާތެޔޮ
ބަތުތެޔޮ
ނ ރޫސިހާބަތު ތެޔޮ
ބިންމަގޫ
ނ ބިންހިމަގަހުގެ ފަތްހެން ފަތް ހުންނަ އެއަށްވުރެ ތަންކޮޅެއް އުސްކޮށްހެދޭ ފަތުގައި ތެޔޮގޮތް ހުންނަގަހެއް
ބިގަރު
ނ ކަރާސީނުތެޔޮ އަޅައި ގުންބާކޮށްގެން ދިއްލާ އަލިގަދަ ބައްތިޔެއް މިދިއްލިފައި ހުންނާނީ އަނދާ އަޅިޔަށްވެފައި ހުންނަ ދާގަނޑެއްގައެވެ
ބިޖިލީބައްތި
ނ ބަހައްޓާ ބައްތިއެއް. މިއީ އުސްމިނުގައި ގާތްގަނޑަކަށް 41 އިންޗި ވަށަމިނުގައި ގާތްގަޑަކަށް ހަ އިންޗި ހުންނަ ބައްތިއެކެވެ މި ދިއްލަނީ ކަރާސީނު ތެޔޮ އަޅައިގެން ޗާބިދީގެން އެ ތެޔޮ ގޭހަށް ބަދަލުކޮށްގެންނެވެ
ބެންތޭކި
ނ ބެންތެޔޮ
ބެއިވެޔޮ
ނ ރަތްކުލައިގެ އޮށެއް އަޅާވެލެއް މިއީ އެއްތެޔޮހެން ތަނޑުގަނޑު ދެމެމުން ވެލަށް ހެދޭ ބާވަތެކެވެ
ބޮނޑިކޮލި
ނ )ބ ( ތެޔޮފިލާ
ބޮންތި
ނ (1) ގަސްގަހުގެ މޯޅި (2) ފަތްކޭލާއި ރުކުގެ ނުފޮޅި ހުންނަ ޅަފަނާއި ޅަފަތް (3) ހިރުބޮލިލައިފައި ހަދައިފައި ހުންނަ ލަޓި ނުވަތަ އެއްތެޔޮ
ބޮބޮބޮބޮ
ނ ގިތެޔޮ ގޮއްވާއަޑެއް