radheef.info
ރަދީފު


ތެޅުން
މ (1) ގިނަޢަދަދަކަށްޖެހުން (2) ބިއްލޫރި ނުވަތަ މުށިފަދައެއްޗަކުން ހަދައިފައި ހުންނައެއްޗެހި ވެއްޓިގެން ނުވަތަ އެނޫންވެސް ގޮތަކުން ރެނދުލުން ނުވަތަ މުގުރި ހަލާކުވުން (3) އެއްޗެއް ހެލިހެލި ހުރުން (4) ތަޅުންގަނޑު (5) ގުޑުން
ބިލެތްތެޅުން
މ ދުފުމުގެ ތަކެތި ވަނަކަށް އަޅައިގެން ތަޅާ ހިމުން ކުރުން
ބިސްހާލިތެޅުން
މ ކުރި ހުރިހައި މަސައްކަތް ގެއްލިދިޔުން
ބުޑުތެޅުން
މ )ޅ ( ދަލުގައި ތަތްވެފައި ހުންނަ އެންތައް ފިލުވުމަށް ތެޅުން
ބޮނބިތެޅުން
މ ބޮނބިގަނޑުން ނަރުވަކި ކުރުމަށްޓަކައި ބޮނބިފާކޮށްގެން ތަޅާ ކުނޑި ފިލުވުން
ބޮކްސިންތެޅުން
މ ބޮކްސިންނެވެ ކިޔާ ކުޅިވަރުކުޅުން
ބޮޑުތެޅުން
މ ފޮނިކެނޑުން
ބޯތެޅުން
މ (1) ބަކަތަޅައިގެން ހިތިބޯ ހިފުން (2) މަޖާޒު: ކަމަކާމެދު މާބޮޑަށް ވިސްނައި ފިކުރުކުރުން
ކަފަތެޅުން
މ (1) އޮށްކަފަސާފުކުރުން (2) މައްޔިތުން ގައިގައި ލެވޭގޮތަށް ކަފަހަދައި ތައްޔާރު ކުރުން
ކަޑަތެޅުން
މ އަންހެނުން ލަދެއްނެތި ވިޔާނުވާގޮތަށް މަގުމަތީ އުޅުން
ކުށަށްތެޅުން
މ ގިނަގިނައިން ކުށަށް ޖެހުން
ކުށްތެޅުން
މ ލިޔާއިރުގައްޔާއި ޓައިޕްކުރާއިރުގައި މާގިނައިން ކުށް ލިޔުން
ކުއްލިތެޅުން
މ (1) ލަކިތެޅުން (2) އިރުއިރުކޮޅާ ދަމައިގަތުން
ކުފުރާތެޅުން
މ ނާށިންކާށި ވަކިކޮށްގެން އެހިއްކުން
ކުސްތެޅުން
މ ކުޑަކުއްޖަކު ކަމަކަށް އެދިގެން ކުކުރުމާއެކު ތަކުރާރުކޮށް ކިޔުން
ކޮސްތެޅުން
މ ތާކުންތާކުނުޖެހޭ ވިޔާނުވާ އަނގަތެޅުން
އަހިތެޅުން
މ ފޭރާންކުރާ މީހުން އުއިގައި ކުލަޖައްސާން އަހިމޫ ހިމުން ހިމުންކޮށް ތެޅުން
އަނގަތެޅުން
މ (1) ބޭނުންނެތް ވާހަކަ ދެއްކުން (2) ހިސާބަށްވުރެ ގިނައިން ވާހަކަދެއްކުން
އަޗާތެޅުން
މ (1) ފޮނިކެޑުން (2) މޮޅު ވާހަކަ ދެއްކުން
ވަޅިތެޅުން
މ ދަގަނޑުފަދަ އެއްޗެއް ތަޅައި ފަތިކޮށް ވަޅިތިލައެއްގެ ސިފަ ގެނައުން
މަރަށްތެޅުން
މ (1) މީހެއް ނުވަތަ އެއްޗެއް ފުރާނަދާވަގުތު ލިބޭ ވޭނެއްގެ ސަބަބުން ތެޅޭ ތެޅުން. (2) ލިބޭ ހާނީއްކައެއްގެ ސަބަބުން ފުރާނަދާއިރު ތެޅޭ ތެޅުން. (3) މަޖާޒު: ކަމަކަށް އަވަސް އަރައިގަނެގެން އުޅޭ އުޅުން. )މިހެން ބުނެ އުޅެނީ ކަމެއް ބޭނުންވެގެން އުޅުމުގައި މާބޮޑަށް ކެތްތެރިކަން ކުޑަވެގެން އުޅުމަށެވެ