radheef.info
ރަދީފު


ތާހިރު
ނއ (1) ސާފު (2) ކުނި މިލައާއި ނުސާފުކަމުން ސަލާމަތްވެގެންވާ (3) ތަޣައްޔަރުވުމެއްނެތް (4) މަޖާޒު: ރީތި މިސާލު: ތާހިރު ދިރިއުޅުމެއް
އިސްތިބްރާ
ކނ ކުޑަކަމުދިއުމަށް ފަހު ހޮޅީގެތެރެ ސާފުކޮށްލުމާއެކު ތާހިރުވުމަށްކިޔާ ނަން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
މުޑުދާރު
ނއ ނުތާހިރުކަމުގެ އިންތިހާ
މުޑުދާރުކަން
ނއނ އިންތިހާއަށް ނުތާހިރުކަން
މުޑުދާރުވަސް
ނ ނުތާހިރުކަމުގެ ސަބަބުން ދުވާ ނުބައިވަސް
މުޑުދާރުވުން
މ (1) ތަނެއްމާބޮޑަށް ހަޑިވުން (2) މީހަކުމާބޮޑަށް ނުތާހިރުވުން (3) މަޖާޒު: ވަސްނުބައިވުން
ފަރުޟުފެން
ނ ދީނީގޮތުން ވާޖިބުވެގެން ވަރަންޖެހޭ ފެންވެރުމުގައި ކުނިމިލަތަކުން ހަށިގަނޑު ތާހިރުކުރުމަށްފަހު ނިޔަތާއެކު އަޅާފެން
ފާޚާނާކުރާ
ނ ތާހިރުވާން ފެންއަޅާ ކުރާ
ފީހާލި
ނ )ސ ( (1) ނުސާފުތަންތަން (2) ހަޑިތަންތަން )މިބަސްބޭނުންކުރަނީ ގޭތެރޭގައި ނުސާފުކޮށް ނުތާހިރުކޮށް ހުންނަ ތަންތަނަށެވެ
ދިބާޣުކުރުން
މ ގެރިބަކަރި ފަދަ ޖަނަވާރުގެ ހަން ބޭހެއް ފަދަ އެއްޗެއްޖަހައިގެން ކުނިފިލުވައި ސާފުކޮށް ތާހިރު ކުރުން
ދޯރުކަނބިލި
)ޅ ( ނުތާހިރުކޮށްތިބޭ މީހުންނަށް ކިޔާނަމެއް
ދޯލިބޯލިކުރުން
މ ދޯއްޔަށްގޮސް ހާޖަތްކޮށް ތާހިރުވުން
ތަންމުޑުކާ
ނ މަޖާޒު: )ޏ ( ގައިންތާހިރުނުވެ ހުންނަމީހާ
ތަތްމުޑުދާރު
ނ އިންތިހާދަރަޖައަށް ނުތާހިރު
ތަޔައްމަމު
ނ ޚާއްޞަވެގެންވާ ގުނަން ތަކެއްގައި ނިޔަތަކާއެކު ވަކިގޮތަކަށް ސާފު ތާހިރު ހިރަފުހުން ފުހޭ ފުހުމެއް
ތަޔައްމަމުކުރުން
މ ޚާއްޞަވެގެންވާ ގުނަވަން ތަކެއްގައި ނިޔަތަކާއެކު ވަކިގޮތަކަށް ސާފު ތާހިރު ހިރަފުސް ފުހުން
ތާހަރަ
ނއ )ގ ( ތާހިރު
ތާހެރި
ނއ )ޏ ސ ( ތާހިރު
ތާހެރިކަން
ނއނ )ޏ ސ ( ތާހިރުކަން
ތާހެރިކެޅައުން
މ )ޏ ( ތާހިރުކުރުން