radheef.info
ރަދީފު


ދަރު
ނ (1) އަންދަން ބޭނުންކުރާ ލަކުޑިފަދަ ތަކެތި (2) ހަމަރިޔަލާއި ފޭލި ކޮށިކޮށްލުމުގެ ގޮތުން އޮޅައިލާބައި (3) އަރިޔަންލިޔުމާއި ދިގުހަރު ލިޔުމުގައި ބޭނުންކުރާ ކަށިފަދަތަކެތީގެ ކޮޅުފަތިކޮށްލައި އެއްފަރާތަކަށް ލަނބައި މިޔައަޅައިފައި ހުންނަބައި (4) ފޮނުމަތުގެ ކަށީގެ ކޮޅުގައި ދެފަރާތަށް އަޅައިފައި ހުންނަ މިޔަ (5) ބދ ކުދި ދަގަނޑުކޮޅު
ނަގުލަށްގުއިފޭބުން
މަޖާޒު: ކޮންމެވެސް ގޮތަކުން މީހާގެ ގަދަރުނެތި ދެރަވުން
ނިއްވުން
މ (1) އަލިފާން ހުޅާއި ދަރު އަލިފާނުން އަލިފާނުގެ އަސަރު ކެނޑުވުން (2) ރޭޑިޔޯ ޓީވީ އިންޖީނު ފަދަތަކެތި ހުއްޓައިލުން (3) ދިއްލައިފައި ހުންނަ ތަކެތި ދިއްލުމުގެ ބާރުކަނޑުވައިލުން (4) މަޖާޒު: ހިހޫފެނާ ހޫނުފެނާ އެއްކޮށްގެން ހޫނުކަން މަޑުކުރުން
ރަފަރަފަ
ނ (1) ލަކުޑިތަކެއް ނުވަތަ ފަލަ ދަރުތަކެއް އެއްފަހަރާ ތަނަކަށް އެޅިގެންދާއިރު އިވޭއަޑު (2) ގޭގެއާއި ހަރުގެ ފަދަތަންތަން ވެއްޓިގެން ދާއިރު އިވޭއަޑު
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރިޔަންކޮޅު
ނ (1) ނަކަތްތެރިން ރިޔަނެއް އަށްބަޔަށް ބަހާފައިވާ ބައިތައް (2) އިސްކަންދަރު މަހާރަދުން ހެއްދެވިރިޔަން
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ރޯ
ނ (1) އެއްޗެއްގައި އަލިފާން ހިފާހިފުން މިސާލު: ތަނެއްގައި އަލިފާން ރޯވުން (2) ނއ "ހިކި" މިބަހުގެ އިދިކޮޅު މިސާލު: )ހ( ރޯދަރު )ށ( ރޯމޭވާ (3) ދިރޭ މިސާލު: )ހ( ރޯގަސް )ށ( ރޯފާރުގަނޑު (4) ކައްކައިގެންނޫނީ ނުކާތަކެތި ކެއްކުމުގެ ކުރީގައި ކިޔާގޮތް މިސާލު: )ހ( ރޯހަނޑޫ )ށ( ރޯމަސް (5) އެއްޗެއް މިސާލު: މިތާނެތް ރޯއެއްނެތޭ (6) ގޮތް މިސާލު: ތިޔަކަންތައް ކޮންފަދަ ރޯއެއްގައި ދާނެބާވައެވެ (7) ހުރިގޮތަށްހުރި މިސާލު: )ހ( ރޯގޯސް )ށ( ރޯދޮގު (8) ހާމަ މިސާލު: ރޯދުވާލު (9) ރަނގަޅަށް ދޮންނުވާ މިސާލު: ރޯކެޔޮ
ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
ބަސް ފުރޮޅުން
މ ބަހުގެ އަކުރުތައް އިސްފަސް ކުރުން. ނުވަތަ އޮޅުވުން. މިސާލު: )ހ( ލަކޭ - ކަލޭ. )ށ( މަދަރުވެރިކަން ދަރުމަވެރިކަން )ނ( "ތުންގުރާހުޅަވާތިފަޅުކަ" ހުޅަނގުފަރާތުން ކަޅުވާތި
ބިނުން
މ (1) ގަސްގަހުން މާ މޭވާ ފަތް ފަދަތަކެތި އުފުރުން (2) ކާށި ފަދަ ނާށިހަރު ތަކެތި މުގުރުގަނޑެއް ފަދަ އެއްޗަކުން ޖަހައި ދެކިބަކޮށްލުން (3) )ހ ( އަންހެނުން ދަރުކޮށުން (4) ކަނަމަދާއި ކަށިކެޔޮއޮށް ފެޅުން
ބުލެކުބޯޑު
ނ (1) މަދަރުސާފަދަ ކިޔަވައިދޭ ތަންތާނގައި ދަރިވަރުންނަށް މަށިފޯލިން އެއްޗެތި ލިޔެދޭން ހުންނަ ކަޅުފިލާގަނޑު (2) ވަގުތީގޮތުން އެކިއެކި ތަކެތިލިޔެ އިޢުލާނު ކޮށްހެދެމަށް މަށިފޯލިން ލިޔާން ބަހައްޓައިފައި ހުންނަ ކަޅުފިލާގަނޑެއް
ބޮޑުން
ނ (1) ރަސްކަމުގެ ބޮޑެތި ކަންތަކާދޭތެރޭ ރަދުން މަޝްވަރާ ކުރައްވާ މީހުން (2) ދައުލަތުގެ އިސްވެރިން (3) ޖަމާޢަތުގެ ޤަދަރުވެރިން
ބޮޑުވިއްސާރަ
ނ (1) މާލެއާއި މާލޭ ކައިރީގައިވާ ރަށްތަކަށް ދެދުވަސްވަންދެން ކުރި ވިއްސާރައެއް މިވިއްސާރަ ފެށުނީ 2431 ޖުމާދިލްއައްވަލު 71 ބުދަ )3291 ޑިސެމްބަރު 62 ( ވަނަ ދުވަހުއެވެ މިވިއްސާރަ އެންމެ ބޮޑަށް ކުރީ މާލެއަށެވެ އެންމެ ގަދަވީ ބުދަ ދުވަހުއެވެ އެދުވަހު ނަގޫ ރޯޅީގެ ހަތަރުރޯޅީގެ ގަދަވައިގައި ބޮޑެތި ގަސްތައް ވެއްޓުނެވެ ގަދަވަޔާ އެކުގައި އައި ކޮޅިތަކުން މުޅި ރަށުގައި ފެންބޮޑުވިއެވެ ކައްކާ ނުކެވުނު ގެތައް ބައެއް ބޯޓު ވަރަށް ގިނައެވެ ބަނދަރުގައި ހުރި ބޯޓު ފަހަރުގެ ތެރޭން އެކި ރަށްރަށުގެ ފަރަށް އަރައި ހަލާކުވިއެވެ އެއްބޯޓް ކަނޑުގެ އަޑިއަށް ފެތިގެން ދިޔައެވެ އެކަކު ގެއްލުނެވެ (2) މަޖާޒު: އައްސުލްތާނު މުހައްމަދު މުޢީނުއްދީނު )ކުޑަބަންޑާރައިން( ގެ ރަސްކަމުގައި ހިނގި ސިޔާސީ ބޮޑު ގަޑުބަޑު
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް
ބޯދޮށް
ނ (1) މަތާޖަހާއިރު މަތާގެ ދަށަށް ލާއެތިގަނޑު (2) އެއްޗެއްގެ އެއްކޮޅު ބިމުން އުފުލައިފައި ބާއްވާން އޭގެ ދަށަށް ލައްވައިފައި އޮންނަ ލަކުޑިގަނޑު (3) ފަޅާދަރު ގަނޑުގެ ދަށަށް ލައްވައިފައި އޮންނަ އެތިގަނޑު (4) ފުރޮއިން އެއްޗެހި ބުރިކުރާއިރު ދަށަށްލާ އެތިގަނޑު
ޅަޖެހުން
މ (1) އޮޑިދޯނި ފަހަރުގެ އެތެރެވަތުގައި ދެބަނޑު ފިޔަލަށް ފޯރާވަރަށް ހުރަހަށް ޅައަޅައިފައި އޭގެމަތީގައި ފަންޖެހުން (2) އޮޑިދޯނިފަހަރުގެ ވަތުގައި ހުރަހަށް އަޅާން ދަރުދަނޑީން ތައްޔާރު ކޮށްފާ އޮންނަ އަށިގަނޑު އެތެރެވަތުގައި އަޅާ ފަންގިދަމާ ހެދުން
ކަންޓްރޯލްޓަވަރު
ނ މަތިންދާބޯޓުގެ ދަތުރުފަތުރާ ބެހޭގޮތުން ބިމުން މަތިންދާބޯޓަށް ދޭންޖެހޭ މަޢުލޫމާތު ދިނުމަށްޓަކައި ވައިގެ ބަނދަރުގައި ހަދައިފައި ހުންނަތަން
ކަޅު
ނއ (1) ބޮލާކީންޏާއި ދަރުދެލީގައި ހުންނަ ކުލަ (2) އަނދިރިކަންގަދަ (3) ކުލަ އަނދިރި
ކަމުވޮށި
ނއ (1) މީހުންގެ މެދުގައި ޤަދަރުހުރި (2) ޢިއްޒަތްތެރި
ކަމުވޮށިވުން
މ (1) މީހުންގެ މެދުގައި ޤަދަރުހުރުން (2) ޢިއްޒަތްތެރިވުން