radheef.info
ރަދީފު


ދަރި
ނ (1) ބަނޑުއަޅައި ވިހާ ނުވަތަ ބަނޑުގައި އުފެދޭ ކުއްޖާ (2) ބިހުންއުފެދޭ ޅައެތި (3) ބައެއްޖަނަވާރާއި ބައެއް މަސްމަހާމެހި ބަނޑުއަޅައި ވިހާ ނުވަތަ ބަނޑުގައި އުފެދޭ އެތި (4) ނަސްލަކުން އުފެދޭ ކޮންމެ އެއްޗެއް (5) މަޖާޒު: ޤައުމަކަށް ނުވަތަ ރަށަކަށް ނިސްބަތްވާ މީހެއް މިސާލު: ދިވެހިދަރިއެއް
ނަހަލާލުދަރި
ނ (1) ޒިނޭކޮށްގެން ލިބޭދަރި (2) ހަރާންދަރި
ނަސަބު
ނ (1) ވަންހަ (2) މަތިފުށް (3) ދަރިކޮޅު
ނަސަބުނާމާ
ނ ދަރިފަސްކޮޅު ލިޔެފާއޮންނަ ލިޔުން
ނަސަބުވެރިން
ނ މާތްދަރިކޮޅުގެމީހުން
ނަސަބުޢިލްމު
ނ ދަރިފަސް ކޮޅާބެހޭ އިލްމު
ނަސްލީއިމްތިޔާޒު
ނ (1) ޢާއިލާއަށް ބަހައްޓާ ޚާއްޞަގޮތް (2) ނަސްލު މަތިވެރިކުރާ ކުރުން (3) ދަރިކޮޅަށް މޮޅުގޮތް ހޯދައިދޭ ހޯދައިދިނުން (4) މަޖާޒު: އެންމެންނަށް ލިބެންޖެހޭ ހައްޤުތަކެއް ވަކިބަޔަކަށް ލިބޭގޮތަށް އޮންނަ އޮތުން
ނަސްލު
ނ (1) ދަރިކޮޅު (2) ވަންހަ
ނޫބީ
ނ އިރުމަތީ އެފްރިކާގެ ނޫބާގެ ބަބުރު ދަރިކޮޅަށް ނިސްބަތްވެގެންވާ
ނޫބީބަބުރު
ނ (1) އިރުމަތީ އެފްރިކާގެ ނޫބާގެ ބަބުރު ދަރިކޮޅަށް ނިސްބަތްވާ މީހާ (2) އެންމެ ކަޅުބަބުރު
ނޫފަންނަދަރި
ނ ދެމަފިރިންކުރެ މީހަކަށް ލިބިފައިހުރި އަނެކެއްގެދަރި މިގޮތަށް ކިޔައި އުޅެނީ އިނދެގެން އުޅޭއިރުއެވެ
ރަންފުޅު
ނ (1) ބޮޑުމުސްކުޅި ބޭކަލުންނަށް ލިބޭ ދަރިންނަށް ކިޔާ ރަސްމީ ނަމެއް (2) މައިންބަފައިން ދަރިންދެކެ ލޯބިން ކިޔާނަމެއް
ރަންދަރިފުޅު
ނ އެންމެ ލޯބިވާ ދަރިފުޅު
ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ރަސްމަތިފުށް
ނ ރަސްދަރިކޮޅު
ރަޑަބަންގުޅި
ނ ނަހަލާލު ދަރި
ރަޖަބޫތުން
ނ އުތުރު އިންޑިޔާގައި އިހުޒާމަނުގައި ތިބި ހިންދީ ރާޖާއިންގެ ދަރިކޮޅަށް ނިސްބަތްވާ މީހުން
ރިހުންގަނޑު
ނ ގަދަރިހުން
ރިއްސަށްލޯލުން
މަޖާޒު: ހަލާލު ދަރިއެއްކަމަށް ބަފާ ގަބޫލުކުރުމާއެކު އެހެންމީހެއްގެ ދަރިއެއްކަމަށް މީހުންނަށް ޝައްކުވާނޭ ގޮތްތައް މެދުވެރިވީމާ ބުނެއުޅޭ ބަހެއް
ރެހެންފުތު
ނ (1) އަލަތު ފިރިހެންދަރި (2) ފުރަތަމަ ލިބޭ ފިރިހެންދަރި
ރެހެންދި
ނ އަލަތު އަންހެންދަރި