radheef.info
ރަދީފު


ދަށް
ނ (1) މަތި މިބަހުގެ އިދިކޮޅު މިސާލު: އޭނާ ދަށްމަޤާމަކަށް ބަދަލުކޮށްފިއެވެ (2) ދެރަ މިސާލު: ފެންވަރު ދަށް (3) މަތިން އަޅާއެއްޗެއްގެ އެތެރެ މިސާލު: ރިޔާދަށުގައި ތިބިމީހުން (4) މަތިފަރާތްނޫން އަނެއްފަރާތް މިސާލު: އެސިޓީ އޮންނާނީ އެފޮތުގެ ދަށުގައި (5) އަނދެގެން ހުންނަ ނުވަތަ ލައިގެންހުންނަ އެއްޗެއްގެ އެތެރެ
ރާވާނާ
ނ ތެދަށް އެއްދަނޑިއަކަށް ހެދިފައި ހުންނަ ޅަނދޮޅު ދިއްގާ ގަސް
ކޯޑިކުޅުން
މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނިވައި
ނ (1) ތަނެއްގެ ނުވަތަ އެއްޗެއްގެ ވައިދަށް (2) މަޖާޒު: މީހެއްގެ ފަރާތުން ލިބޭ ރައްކައުތެރިކަން
ނިވައިދަށް
ނ ތަނެއް ނުވަތަ އެއްޗެއްގެ ވައިދަށް ފަރާތް
ނިގޫހުދުކޮކާމަސް
ނ ކޮކާ މަހުގެ ބާވަތެއް މަހުގެ ކުލައަކީ މުށިކުލައެވެ މިކުލައިގެ ތެރެއިން ނޫކުލައެއްވެސް ފާއްދާފައި ހުރެއެވެ ބަނޑުދަށް ފަރާތުގެ ކޮތަރިބައިގެ ކައިރިފަށާއި ކުޑަކޮތަރިބައިގެ ކައިރިފަށް ހުންނަނީ ނޫކުލައެއްގައެވެ ނިގޫފަތް ހުންނަނީ ދޮންކުލައިގައެވެ
ނޫމަސް
ނ ރަތްމަހުގެ ޢާއިލާގެ މަހެއް މިއީ ދޮންނޫމަހާ ވަރަށް ވައްތަރު ސިފައެއް ހުންނަ މަހެކެވެ މަހުގެ ކުލައަކީ ގަދަނޫކުލައެވެ ބަޑުދަށްފަރާތް ހުންނަނީ ހުދު ކުލައެއްގައެވެ ކޮތަރިބައިތައް ހުންނަނީ ފަނޑުމުށިކުލައަކަށްދާ ރީނދޫ ކުލައެއްގައެވެ ނުވަތަ ހުދުކުލައެއްގައެވެ
ނޫމަސްހިބަރު
ނ މާކަނޑުތަކުގައި ދިރިއުޅޭ ކަނޑުގެ މެދު ހިސާބުގައި ދެފެންދޭތެރޭގައި އުޅޭ މަހެއް މިމަހުގެ ބުރަކަށިމަތީގެ ކުލައަކީ ކަޅުނޫކުލައެވެ ބަނޑުދަށް ފަރާތް ހުންނާނީ ރިހިހުދުކުލައިގައެވެ މަހުގެ ދެއަރިމަތީގައި ވަރަށް ރީތި ނޫކުލައިގެ ފަނަރަ ވަރަކަށް ހުރަސް ރޮނގު ހުންނާނެއެވެ
ނެރަށް އެރުން
މ (1) ނެރުން ވަދެވޭގޮތަށް ނެރާ ދިމާވުން (2) ނެރުތެރެ ސާފުކުރުމުގެ މަސައްކަތަށް އެސަރަހައްދަށް އެރިއުޅުން
ރަށްމެދަށް ނެރުން
މ (1) އިހުގައި ކުށްވެރިވެގެން އަދަބު ދިނުމަށްޓަކައި ރަށްމެދަށް ގެނައުން (2) މަޖާޒު: ފަޟީޙަތް ކުރުން
ރަންގެރި
ނ ފަތިކޮށްފުޅާކޮށް ހުންނަ އަނގަކުޑަ މަހެއް މަހުގެ ކުލައަކީ އަޅިމުށިކުލައެވެ ތުނބުންފެށިގެން ނިތްމަތި ހުންނަނީ ކަޅުކުލައިގައެވެ އަނގައިގެ ތިރީކައިރީން ފެށިގެން ލޮލުގެ ދަށްފަރާތާ ހަމައަށް ރީނދޫ ކުލައިގެ ފުޅާ ރޮނގެއް ހުރެއެވެ
ރަތްބަނޑުލަނޑާ
ނ ލަނޑާގެބާވަތެއް: މިއީ ތޮށިކައިރީގައި އުޅޭ ބަނޑުދަށް ރަތް ކުލައިގައި ހުންނަ ލަނޑައެކެވެ ބުރަކަށިމަތީގައި ހުންނަނީ މަޑުރަތްކުލައެކެވެ
ރަތްކަށި
ނ )ސ.( ފަރުމަހުގެ ބާވަތެއް މިމަހުގެ ލޯބޮޑުވެފައި ހުޅުނބު ވަރުގަދަވާނެއެވެ މަހުގެ ކުލައަކީ ރަތްކުލައެވެ ބަނޑުދަށްފަރާތްހުންނަނީ ރަތްކުލަޔަކާ އެކުވެފައިވާ ހުދުކުލައެއްގައެވެ
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރަތްއޮނުގަނޑުތޮޅި
ނ ތޮޅީގެބާވަތެއް މިއީ ނިގޫފަތުގެ މެދުގައި ދިގުނަރުވައެއް ހުންނަ އަނޮގަކުޑަ މަހެކެވެ މިމަހުގެ މަތީބައިގެ ކުލައަކީ ރަތްމުށިކުލައެވެ ބަނޑުދަށް ފަރާތް ހުންނަނީ ރިހިކުލައިގައެވެ
ރަތްތިކިފާނަ
ނ ފާނައިގެ ބާވަތެއް މިމަހުގައި ގަދަރަތްކުލައިގެ ތިކިތަކެއް ހުރެއެވެ މަހުގެ ކުލައަކީ ރަތްކުލައެވެ ބަނޑުދަށް ފަރާތު ކޮތަރިބަޔާ ނިގޫފަތުގެ ކޮޅު ހުންނާނީ ވަށްކޮށެވެ މިމަހުގެ ނިގޫފަތުގައި ރަތްމުށިކުލައިގެ ފުރާރޮނގެއް ހުރެއެވެ
ރަތްގޮވި
ނ ފަނިފަކުސައެއް މިއީ ޢާއްމުކޮށް ކަރާ ވެލުގައި އަޅާއެއްޗެކެވެ މީގެ ތޮށިގަނޑުވަރަށް ހަރުވާނެއެވެ ކުލައަކީ ރަތްކުލައެވެ ފަތުގެ ދަށްފަރާތުގައި އިނދެގެން ފަތްކަމުން ގެންދާނެއެވެ
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ
ރިހާކުރުބޮލި
ނ ވަށައިގެން ކައިރިފަށުގައި ރިހާކުރު ކުލަ ހުންނަ ބޮއްޔެއް ބޮލީގެ ބުރަކަށިމަތީގައި ފަނޑު ހުދުކުލައަކާއި ގަދަމުށިކުލައިގެ ތިކިތަކެއް ހުންނާނެއެވެ ދަށްފަރާތުގައި ހުންނަނީ ނުސާފު ހުދުކުލައެކެވެ މިބޮލި އޮންނާނީ ކުކުޅުބިސް ބުރަށެވެ