radheef.info
ރަދީފު


ފުކުރުން
މ )ޏ ސ ( ރޮދި ފަދަ ތަކެތި ކަނޑައިގެން ދިއުން
މަގުދިލުން
މ (1) ވެލެއްގެ ތެރެއިން މަގެއް ކޮށައި އަލިކުރުން (2) މަގުގައި ހުންނަ ވިނަނޮޅައި ސާފުކުރުން
މާފުދިނުން
މ މާފުކުރުން
މާދިހެދުން
މ )ސ ( މާދިއުފުރާ ސާފުކުރުން
މިލައުނގުޅުން
މ (1) ހަށިގަނޑުން މިލަ ފިލުވުން (2) )ހ ( ދަމިލަސާފުކުރުން
ފަޑައްކުތެޅުން
މ (1) ހަނޑުލާއި ބިންބި ފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރުތައް ނަގައި ސާފުކުރުން. (2) ބަސްތާ ފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި ނަގައި ސާފުކުރުން
ފެންވެރުން
މ (1) ފެން އަޅައިގެން ހަޑިގަނޑު ދޮވެސާފުކުރުން (2) ހިނައިގަތުން
ފެންފިހިލުން
މ (1) ފިހިގަނޑެއް ތެންމައިގެން ތަޅުންގަނޑު ސާފުކުރުން (2) މަޖާޒު: ތަނެއްގައި އެންމެދަށް ނުވަތަ ކަމަކަށްނުވާ ކަހަލަ ކަންތައް ކުރަން އުޅޭމީހުނާމެދު ބުނެއުޅޭ ބަހެއް މިސާލު: އެއީ އެތާ ފެންފިހިލާންއުޅޭ މީހެކެވެ
ދޮވުން
މ ފެންފަދަ ދިޔާއެއްޗަކުން އެއްޗެއް ސާފުކުރުން
ފެހިކެހުން
މ އޮޑިދޯނި ފަހަރާއި ފާރުފަދަ ތަންތަނުން ފެހިފިލުވައި ސާފުކުރުން
ފެހިއުނގުޅުން
މ ވަޅުވަޅާއި ތަޅުންގަނޑު ފަދަ ތަންތަނުން ފެހި ކަހައި ސާފުކުރުން
ފެންފޮތިލުން
މ ތެތްފޮތިގަނޑަކުން ތަނެއް ސާފުކުރުން
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ދަރަނިކަނޑައިލުން
މ ދަރަނި މާފުކުރުން
ދަބަރުތެޅުން
މ ދަގަނޑު އެއްޗެއްގައި ހުންނަ ދަބަރު ތަޅައިގެން ނައްޓައި ސާފުކުރުން
ދިލުން
މ (1) ވާކޮށުން (2) ވިނަނޮޅުން (3) ސާފުކުރުން
ދެލިބޭލުން
މ ކައްކަން ގެންގުޅޭ ތެލިބުރިއާއި ފުފޭފަދަ އެއްޗެހީގެ ބޭރުފުށުގައި ދެލިބޯވީމާ ދެލިއުނގުޅައި ސާފުކުރުން
ތަޢާރުފުކެރުން
މ )ޏ ( ތަޢާރުފުކުރުން
ތަޢުރީފުކުރުން
މ ތާރީފުކުރުން
ތާހިރުކުރުން
މ (1) ސާފުކުރުން (2) ކުނިމިލައާއި ނުސާފުކަމުން ސަލާމަތްކުރުން (3) ނަޖިސް ފިލުވައިލުން
ތާރީފުކެރުން
މ )ޏ ( ތާރީފުކުރުން