radheef.info
ރަދީފު


ފިޔަ
ނ (1) އުދުހޭ އެއްޗެހީގެ ވަރަ. (2) މާމެލާމެލީގައި ކަރުގަނޑުގެ ވަށައިގެން ބޭރަށް ނުކުމެފައި ހުންނަ ބައިތައް. (3) ފަންކާއާއި ބުރަފަތި ފަދަ ތަކެތީގައި ހިމަދިގުކޮށް ނުވަތަ ކުރުފަލަކޮށް ވަށައިގެން ބޭރަށް ނުކުމެފައިވާ ވައިފޮނުވައިދޭ ނުވަތަ ފެނުތެރޭ އަނބުރައިދޭ ބައި މިފަދަ ތަކެތީގައި ޢާއްމު ގޮތެއްގައި ހުންނާނީ ތިންފިޔައެވެ (4) ފިޔަ އަކުން ނައްޓައިލެވޭ ފަށް
ފަސްފިޔަމާ
ނ (1) ރަސްމީ އިއްޒަތެއްގެ ނިޝާނެއްގެގޮތުން ފަސް ތުނޑަށް ހުންނަ ތަރިއެއް (2) ފަސްފިޔަ ހުންނަ މާ
ފިޔަނާ
ނ )ސ( ފިޔަން
ފިޔަން
ނ ތެލި ފުފޭ ފަދަ ތަކެތީގެ މަތިން ޖަހަން ލަކުޑިން ހަދައިފައި އޮންނަ އެއްޗެއް
ފިޔަން ޖެހުން
މ (1) ތެލީގެ މަތީގައި ފިޔަން ބޭއްވުން (2) މަޖާޒު: ވަންހަނާކުރުން
ފިޔަންކަށިގަނޑު
ނ (1) ކަކުލުގެ ކޮޅުގެ ކަށިގަނޑު (2) ކަކުލުމަތީގައި އޮންނަ ދުވާ ކަށިގަނޑު
ފިޔަންއެޅުން
މ ބަނޑުފުއްޕާ ކުދީންގެ ބަނޑުގައި ހޫނު ފިޔަން އޮބުން މީ ބަނޑުހިންދުމަށް އިހުގައި ކުރާ ފަރުވާއެކެވެ
ފިޔަރި
ނ ވާއަޅާއިރު އުޅިތައް ލައްވަން ހަދައި ލައްވައިފައި ހުންނަ ފިލާގަނޑު ނުވަތަ ލަކުޑިގަނޑު
ފިޔަރިގަނޑު
ނ ފިޔަރި
ފިޔަރެސް އެރުވުން
މ އަނގޮޓި ފަދަ ތަކެތީގައި ވަކިގޮތަކަށް އެސް ހަރުކުރުން
ފިޔަބިނދުން
މ (1) ފިޔަ ހުންނަ އެއްޗެހީގެ ފިޔަ މުގުރުން (2) މަޖާޒު: ކަމެއް ކުރެވޭނެ ގޮތެއް ނެތުން
ފިޔަކަށި
ނ ދޫނީގެ ފިޔަ
ފިޔަކަން
ނ ގޭގޭކޮޅުން ފުރާޅުން ބޭރަށް ނެރެފައި އޮންނަ ތަނުގެ ނަން
ފިޔައިގެ ވައިހުސްވުން
މ މަޖާޒު ވެރިޔެއްގެ ނުވަތަ ސާހިބެއްގެ އެހީން ބޭރުވުން
ފިޔަވަހި
(1) ތަރައްޤީއަށްޓަކައި ކުރެވޭ މަސައްކަތެއްގެ ތަފާތު ބައިތަކުގެ ތެރެއިން ބައެއް (2) މަޝްރޫޢެއްގެ ނުވަތަ ކަމެއްގެ ފާހަގަ ކުރެވޭފަދަ ބައިބައި
ފިޔަވަޅު
ނ (1) އާދަމުގެ ދަރީންނާއި ޖަނަވާރާއި ދޫނި ސޫފާސޫފީގެ ފައިތިލައިގެ ނިޝާން (2) ފައިތިލަ (3) މަޖާޒު: ކަމަކާ ބެހޭގޮތުން ކުރާ ޢަމަލު
ފިޔަވަޅު ބެލުން
މ މަޖާޒު މީހަކު ހިނގާފައިދިޔަގޮތް ބެލުން
ފިޔަވަޅުއެޅުން
މ މަޖާޒު (1) ކަމަކާއިމެދު ގޮތެއް ހޯދުން (2) ކަމަކާމެދު ކުރަންއޮތް ކަމެއް ކުރުން
ފިޔަވަޅުމަތީ ފިޔަވަޅުއެޅުން
މ މަޖާޒު (1) މާމަޑުމަޑުން ހިނގުން މިސާލު: އޭނާ އެދަނީ ފިޔަވަޅުމަތީ ފިޔަވަޅު އަޅަމުންނެވެ (2) މީހަކާ ނުވަތަ ބަޔަކާ ތަބާވެގެން އުޅުން
ފިޔަވަޅުފުޅު
ނ ފިޔަވަޅަށް އެންމެ މާތްކޮށް ކިޔާގޮތް
ފިޔަވަޅުގަނޑުޖެހުން
މ ޅަކުދިންނަށް ކިރިޔަކިރިޔާ ހިނގޭގޮތްވުން