radheef.info
ރަދީފު


ފާހަ
ނ )ގ ( މަޑަ
ރަސްގެ
ނ (1) ޣައިރުދީނުގެ ރަސްގެފާނު (2) ނުބައިފާހަގަ
ރިސެޕްޝަން
ނ (1) ޚިދްމަތްދޭ ތަންތާނގައި މަޢުލޫމާތު ދިނުމަށް ބެހެއްޓިފައި ހުންނަ ކައުންޓަރ (2) މުނާސަބަތު ފާހަގަ ކުރުމަށް ބާއްވާ ސައި ނުވަތަ ކެއުން
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ބަރުމަރުކާ
ނ އޮޑިދޯނިފަހަރު ބަރާކުރާނޭ މިންވަރު ފާހަގަކުރާން ސަރުކާރުގެ ފަރާތުން ޖަހައި އުޅުނު ނިޝާން
ބަރުފޯސް
ނ ސިމެންތިޖެހުމުގައާއި ވަޑާންކުރުމުގެ މަސައްކަތުގައި މަތީދާރައިގައި ބޭރަށް ފުއްޕުން ލައިފައި ނެރެފައިހުންނަބައި )މިގޮތަށް އެންމެ ތިރީގައި ދޮރުތަކުގެ ވަށައިގެންނާއި ފަންގިފިލާނިމޭ ހިސާބު ފާހަގަ ކުރުމަށް ނެރެފައި ހުންނަ ބަޔަށްވެސް މިހެން ކިޔައެވެ
ބޭރުބައްތި
ނ (1) ނާފަހަރު ބަންގާޅަށް ދަތުރުކުރި ދުވަސްވަރު ބަންގާޅު ކޯރަށް ވަންނަންދާއިރު އެންމެބޭރަށް ހުންނަ ބައްތި. (2) ކަނޑުއޮޅިތަކާއި ބޭރުދުނީގެ ފަރުފަރާއި މުލިފަދަ ތަންތަން ފާހަގަކުރުމަށް ޖަހައިފައި ހުންނަބައްތި
ބޮނބިފަތްކަޅިހި
ނ އޮޑިދޯނިފަހަރު ބަނުމުގައި ބޮނބިފަތްކަފާފާއޮންނަ ހިލަތޮށިގަނޑުން ހަދައިގެން. ކިއްސަރު ވަޑާމުގައި ވަޑިންގެންގުޅޭ ދެލިޖައްސައިގެން ފާހަގަލާ ކަށަވަރު
ބޮއި
ނ (1) ތަނެއް ނުވަތަ އެއްޗެއް ފާހަގަކުރުމަށްޓަކައި ފެންމަތީ އޮންނާނެހެން ހަރުކޮށްފައި ނުވަތަ އުޅަނދުފަހަރު އެޅުމަށް ފެންމަތީ އޮންނާނެހެން ހަރުކޮށްފައި އޮންނަ ކޮންމެ އެއްޗެއް (2) އުޅަނދުފަހަރު ތަނެއްގައި ނުވަތަ އެއްޗެއްގައި ޖެހިގެން ގެއްލުމެއްވިޔަ ނުދިނުމަށް ކައިރިފަށުން ބޭރުން އެލުވައި ހަރުކޮށްފައި އޮންނަ އެއްޗެއް (3) ބުއިން މިބަހުގެ ވާކަމާއި އަމުރު
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ކަށަވަރު
ނ (1) ޔަޤީން (2) ގައިމު (3) ވަޑާންކުރާ މީހުން އެއްޗެހީގައި ފާހަގަލާން ގެންގުޅޭ އާލަތެއް (4) ފުރާޅުގެ ކެހަތައް ފަދަ ތަންތާނގެ ދޭތެރެ އެއްވަރު ކުރާން ގެންގުޅޭ މިންގަނޑު
ކަށަވަރުއެޅުން
މ (1) ކަށަވަރުން ފާހަގަލުން (2) ކަށަވަރުން މިންބެލުން
ކަޅިހި
ނ (1) ފިލޮޅުގެ ބާވަތެއް މިމަހުގެ ކުލައަކީ މަޑުވައިލެޓުކުލައާ ގުޅޭ މުށިކުލައެކެވެ މަހުގެ ތުންފަތް ހުންނަނީ ފިޔާތޮށި ކުލައެއްގައެވެ މަހުގެ ކަރުތާފަތްގަނޑުގައި މަތީ ތުން ކައިރީގައި ރަތްކުލައިގެ ލަފެއް ހުރެއެވެ (2) ކިއްސަރުވަޑާން ކުރާ މީހުން ފާހަގަ ލާން ދެލިޖައްސާ ކަށަވަރު
ކައްވާދު
ނ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރާތަން. (2) ބައެއްކަހަލަ ކަރުދާހުމަސައްކަތާއި ފެހުމުގެ ތެރޭގައި ފާހަގަކުރުމަށް ވީ އަކުރެއްހެން ކަނޑާލާތަންކޮޅު
ކައްވާދުކެނޑުން
މ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރުން. (2) ބައެއްމަސައްކަތް ކުރާއިރު ފޮތިފަދަ އެއްޗެހީގައި ފާހަގަކުރުމަށް ވީ އަކުރެއްހެން ތަންކޮޅައް ކަނޑައިލުން (3) މަޖާޒު: ތުންފަތް އަނގައިގެތެރެއަށްލައި ލައްޕައިލުން
ކުޑަހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަކުރި ދެދުވަހާއި އެދެދުވަހުގެ ރެއަށް ކިޔާއުޅުނު ނަމެއް. ރަމަޟާންމަހުގެ 26 ވަނަ ދުވަހަކީ ހޭންވޭރު ކުޑަހިތި ދުވަހެވެ. އެދުވަހުގެރެއަކީ ހެންވޭރު ކުޑަހިތިވިލޭރެއެވެ. ހެންވޭރު ކުޑަހިތިވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ މެދުޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. ދެން އަންނަނީ މާފަންނު ކުޑަހިތިދުވަހެވެ. އެއީ ރަމަޟާންމަހުގެ 28 ވަނަ ދުވަހާއި އެދުވަހުގެރޭ 29 ވިލޭރެއެވެ. މިރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ފަޤީހުސުލައިމާނުގެ ޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. (2) ކ އަތޮޅުގެ ފަޅުރަށެއް
ކޮމާ
ނ މިފާހަގަ މިއީ ޖުމްލައެއްގެ ތެރޭގައި ކުޑަކޮށް މަޑުކޮށްލަންޖެހޭ ތަންތަން ފާހަގަކުރުމަށް ޖަހާ ނިޝާނެކެވެ
އަމާޒުފަތްގަނޑު
ނ (1) ބަޑި ނުވަތަ ދުނި އަމާޒަށް ޖަހާން ފަރިތަކުރާއިރު އެދިމާގައި ބަހައްޓައިފައި ހުންނަ ފިލާގަނޑު މީގައި ހުންނާނީ ފާހަގައެއް ލައިފައެވެ މަޖާޒު: (2) ކަމެއްކުރާން ގަސްދުކޮށްފައިވާގޮތް (3) ތިމާ ނުހަނު ބޮޑަށް އެދޭކަމަކާއިމެދު މަސައްކަތްކޮށްގެން ލިބޭން އަންނަފޮނި ނަތީޖާ
އަލާމަތް
)ޢަލާމަތް( ނ (1) ނިޝާން (2) ފާހަގަ
އިންޖެހުން
މ ތަރަޙައްދު ވަކިކުރާން ފާހަގަޖެހުން
އިދިއަދަދު
ކއ ބޮޑުއަދަދަކުން ކަނޑާން އޮންނަ އަދަދު މި އަދަދު އޮންނާނީ ކަނޑާ ފާހަގަޖަހައިފައި އޭގެ ކަނާތް ފަރާތުގައެވެ މިއީ ހިސާބު ޢިލްމުގެ އިޞްޠިލާޙެކެވެ