radheef.info
ރަދީފު


ފަރުމާ
ނ (1) އެއްޗެއްގެ ނަމޫނާ (2) އެއްޗެއްގެ މާދިރީ
އަރާމަތި
ނ (1) އެންދަމާއިރު ދަލުގެ އޮޑިއާ ދުރަށް އޮންނަ ފަރާތް (2) ރިޔަލުގެ ފަރުމާނުގައި އައްސާ ފަރާތް
އަރާމަތީންވައުއުކުން
މ ހަމަ ރިޔައު ނަގާ އެއްޗެތި ގަދަވެގެން އުޅޭއިރު ފަރުމާނު ތިރިކޮށް ރިޔައު ހިފެހެއްޓުމަށްޓަކައި ފަރުމާނު މަތިން ވައުލައްވައިފައި އޮޑިއަށް ހަރުކުރުން
އަރާމަތީކުރެވި
ނ ފަރުމާނުކުރެވި
އިސްކުނޯރް
ނ އެއްކުނބަށް ފަރުމާނު އެޅިނައު މީގެ ކޮޅުފަސްކޮޅު ކުނބަށް ނަގަނީ ގޯސީއެވެ
އިސްކޫނަރް
ނ އެއްކުނބަށް ފަރުމާނު އެޅިނައު މީގެ ކޮޅުފަސްކޮޅު ކުނބަށްނަގަނީ ގޯސީއެވެ
)މަރަކުގެ ވާ( މަރަކުވާ
ނ ބަނގަލާ ބޯޓުގައި ފަރުމާނުކޮޅުގައި ކައިރިއަށް ދަމަން ޖަހައިފައިހުންނަ ވާ
މަތިންލުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން. (2) އެއްޗެއްކެކި އުތުރި އަރައިގެން ބަންޑުންވުން. (3) ފުރާދުއްވާ އޮޑިފަހަރު ދަތުރުކޮށްފައިދާއިރު އަނބުރާނުލާ ފަރުމާނު މަތިން ރިޔާގެންދިއުން
ފަނދިރި
ނ (1) ނަވުގެ ކުނބުގެ މެދެއްހާ ހިސާބުގައި ހަނދުފަޅި ބުރަށް އޮންނަ ފިލާގަނޑެއް މި އޮންނާނީ ޖަންބޫރަ ފިލާގަނޑު މަތީގައެވެ (2) ކުނބު ފަރުމާނުގައި މަސައްކަތްކުރާ މީހާ
ފަނދިރީމީހުން
ނ ނާނާފަހަރުގެ ކުނބު ފަރުމާނަށް އަރައި އާލާތްކޮށް ހަދާމީހުން
ފަރުމާނުކުރެވި
ނ (1) ރިޔަލުގެ ފަރުމާނުގައި އައްސާ ކުރަވި (2) )ހ( ދިހި ކުރެވި
ފަރުމާނުއެޅުން
މ އަލޯ ނުވަތަ ލަކުޑިން ފަރުމާނު ހެދުން
ފަރުމާނުތަންނި
ނ ހަތަރެސްކަން ރިޔަލުގެ ފަރުމާނުގެ ދަށުގައި އެއްކޮޅުން އަނެއްކޮޅަށް އޮންނަވާ މި ވާ އޮންނާނީ ތަންތަންކޮޅުން ފަރުމާނަށް އައްސާފައެވެ މިއީ ފަރުމާނުގައި ހިފައިގެން ހިނގުމަށްޓަކައި ފައިއަޅަން އޮންނަ ވަލެކެވެ
ފަރުމާނެޔާ
ނ )ގ ( ފަރުމާނު
ފަރޮމާ
ނ )ޏ ( ފަރުމާ
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފީސްހަންޖާ
ނ )ސ ( އޮޑިފަހަރުގެ މަތީ ރިޔަލުގެ ކުނބުން ފަރުމާނުގެ ކޮޅުގައި ހުންނަ ހަންޖާ
ދިހި
ނ ރިޔާއަޅާއިރު ފަރުމާނުގައި ރިޔާއެއްސުމަށް ކުރެވީގައި ހަރުކޮށްފައި ހުންނަ އެތިފަށް
ދިހިބަނުން
މ ފަރުމާނުގައި ދިހިއެއްސުން
ތަންނި
ނ ފަރުމާނުގެ ދަށުގައި އެއްކޮޅުން އަނެއްކޮޅަށް އެލުވައިފައިއޮންނަ ވައިރު މިއީ ރިޔާ ބަންނަން އަރައި އުޅުމަށްޓަކައި ބޭނުންކުރާ ވައިރެކެވެ
ތޫރިކޮޅު
ނ (1) ކަތިރިޔާ ފަރުމާނުގައި އަޅައިފައި ހުންނައިރު އެންމެ މައްޗަށްހުންނަ ކޮޅު (2) އެއްކޮޅަށް ހިމަކޮށް ހުންނަ ބައެއް އެއްޗެހީގެ އެންމެ ކުރި މިސާލު: ދުންމާރީގެ ތޫރިކޮޅު