radheef.info
ރަދީފު


ވެރިމީހާ
ނ (1) އަމުރުވެރިޔާ (2) ކަމެއްގައި އިސްވެހުރިމީހާ (3) ތިމާ އެމީހަކަށް ތަބާވާންޖެހޭ މީހާ
މަހާނަދޮށަށްދާމީހާ
ނ މަޖާޒު: އެކިއެކި ކެއުމަށް ނުކިޔަނީސް ދާމީހާ. މިބަސް އުފެދިފައި ވަނީ މަހާނަދޮށަށް ދާން ކިޔައިފައި އޮންނަ މީހުންނާއެކު އިތުރު މީހަކު ދިއުމުންނެވެ. ކިޔައިގެން ދިޔަ މީހުން ހީކުރަނީ އެއީ ގެއިން ފޮނުވައިގެން އައި މީހެއް ކަމަށެވެ. ގެއަށް ކާން ދިޔައިމާ ގޭމީހުން ހީކުރާނީ ކީމީހުން ގޮވައިގެން އައި މީހެއްކަމަށެވެ ކޮންމެއަކަސް އޭނާއަށް އެހެން މީހުންނެކޭ އެއްގޮތަށް އެތަނުން ކާން ލިބެއެވެ
)ވިޔާމީހާގެ ކަނާތްފަރާތު ކަށަގަނޑު( މައިކަށަ
ނ ތަތުނުގެ އެއްކޮޅުގައި ހުންނަ ކަޑަ
މައިމީހާ
ނ މަންމަ
މާބަނޑުމީހާ
ނ ބަލިވެއިން އަންހެނާ
)އާދަމުގެ ދަރިޔާ( މީހާ
ނ އިންސާނާ
ނ ބަނިޔާދަންމީހާ މުރުއްވަތްތެރިޔާ
ފަރުމާކުރާމީހާ
ނ އެއްޗެއް ތައްޔާރުކުރާނެ ގޮތުގެ ޚިޔާލު ކުރެހުމުން ނަމޫނާއެއްގެ ސިފައިގައި ނުވަތަ މާދިރިއެއްގެ ސިފައިގައި ދައްކާ މީހާ
ފަކީރުމީހާ
ނ އަތުގައި މުދަލެއް ފައިސާއެއްނެތް މީހާ
ފާރަލާމީހާ
ނ (1) ޖާސޫސުކުރާމީހާ (2) މީހަކު ނުވަތަ ބަޔަކު ދާނުދާތަންތަނާއި ކުރާ ނުކުރާ ކަންތައް ސިއްރުން ބަލާމީހާ (3) ތަނެއްގައި ކަންހިނގާ ނުހިނގާގޮތް ސިއްރުން ބަލާމީހާ
ފޮތްހަދާމީހާ
ނ (1) ފޮތްލިޔެ އެކުލަވާލާ މީހާ. (2) ފޮތް މަރާމާތުކޮށް ބޭރުގަނޑުލައި ހީރަސް ޖަހައި ހަދާމީހާ
ފިނޑިމީހާ
ނ (1) ހިތްވަރު ދެރަމީހާ (2) ކަންކަމުގައި ޖެހިލުންވާ މީހާ (3) ބިރުގަންނަ މީހާ
ފިރިމީހާ
ނ ފިރި
ފެންދޭމީހާ
ނ (1) ކެއުމުގެ ކުރީގައި އަތްދޮއްވުމަށް ކުރަޔާއި ލޯގަނޑާ ހިފައިގެން އައިސް އަތްދޮއްވާމީހާ (2) ކަރުހިއްކުން ފިލުވައިދޭމީހާ (3) ގަސްތަކަށް ފެންޖަހާމީހާ
ފޭރޭމީހާ
ނ ހަމައެއް އިންސާފެއް ނުވަތަ ޙައްޤެއްނެތި އަނެކެއްގެ މުދަލެއް ނުވަތަ އެއްޗެއް އަތުލައި ގަންނަ މީހާ
ފޮޓޯނަގާމީހާ
ނ ކެމެރާގެ ޒަރީޢާއިން މީހުންނާއި އެއްޗެހީގެ ތަސްވީރާއި ތަންތަނުގެ މަންޒަރު ކުރަހާމީހާ
ފޯރާމީހާ
ނ ތަނަވަސްކަން ލިބިފައިވާމީހާ
ދަންނަމީހާ
ނ (1) ކަންތައްތައް އެނގޭ މީހާ (2) ފެނިދެނިވެފައިވާ މީހާ
ދަޢުވާ ލިބޭމީހާ
ނ ދަޢުވާ ރައްދުވާމީހާ
ދޫފަސޭހަމީހާ
ނ ވާހަކަދައްކަން ފަރިތަވެފައި އެކަމަށް ކުޅަދާނަމީހާ