radheef.info
ރަދީފު


ބަހީ
ކ ތިމާކުރާ ކަމެއްގައި އަނެކަކު ބައިވެރިކުރުމަށް ބުނެއުޅޭބަހެއް މިސާލު: ސައިބޮމާބަހީ
ބަށި
ނ (1) ތަރުކާރީގެ ބާވަތެއް. މީގެ ކިތަންމެ ބާވަތެއް ހުރެއެވެ. މިސާލު: ދަނބުބަށި ހުދުބަށި ދިގުބަށި (2) ފަނުން ހައަރިޔަށް ވިޔެގެން ތައްޔާރުކުރާ އެއްޗެއް )މިއީ އިހުޒަމާނުގައި އަންހެނުންގެ ޚާއްޞަ ކުޅިވަރެއް ކުޅުމަށްޓަކައި ފަނުން ވިޔާއެއްޗެކެވެ ( (3) ދިވެހި އަންހެނުން ކުޅެއުޅޭ ކުޅިވަރެއް
އިނދުނުތަން
ނ ބައެއްއެއްޗެހީގެ ބުޑުދޮށް މިސާލު: ވަޅިފިޔޮހީގެ މުށްގަނޑުގައި ޖެހިފައި ހުންނަ ތަން
އިނގޭ
އ މީހަކު ގާތު އެއްޗެއް ބުނެފައި އެމައްޗަށް ޞުލްޙަވެރިކަމާއެކު ބުނެއުޅޭ ބަހެއް މިސާލު: )ހ( ކޮންމެވެސް އަންނާތި އިނގޭ )ށ( އަހަރެންވެސް ދާނަން އިނގޭ
އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
އެޔޯ
ނ މާލެއިން ދެކުނުގެ ބައެއް އަތޮޅުއަތޮޅުގައި ފިރިހެނަކަށް ނިސްބަތްކޮށް އޭނާޔޭ ބުނުމުގެ ބަދަލުގައި ބުނެއުޅޭ އެއްޗެއް. މިބަސް ސުވާލެއްގެ ގޮތުގައިވެސް ބޭނުންކުރެއެވެ. މިސާލު: އެއީކީއްވެގެންހޭ އެހުމުގެ ބަދަލުގައި އެއީކޮންއެއްޗެއްހޭ އެހުމުގެ ބަދަލުގައި އެއީ ކިހިނެއްހޭ އެހުމުގެ ބަދަލުގައި
ވަރިޔާއަޅުވާބުނުން
މ (1) ތިމާގެ އަނބިމީހާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަނތްބެއް ނޫނޭ ބުނުން. މިސާލު: އަހަންނާއެކީ އުޅެން އަހަރެންގެ ގެޔަށް ނުދިޔައްޔާ ތިޔައީ އަހަރެންގެ އަނތްބެއް ނޫނޭ ބުނުން. (2) ފިރިމީހާ ތިމާގެ އަނބިމީހާ ގާތު ތިމަންނާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަންބެއް ނޫނޭ ބުނުން
)މީހުން ގިނަވުން( މިނި
ނ (1) އިންސާނުން (2) އާދަމުގެ ދަރިން (3) މީހުން މިސާލު: މިނިހެޔޮވުން
މިން
ނ (1) އެއްޗެއްގެ ވަރު. (2) ލަފާކުރެވޭވަރު. މިސާލު: ދިގުމިން ކުރުމިން އޮލަމިން
މިންކެނޑުން
މ (1) އެއްޗެއްގައި ހުރި ދިޔާ ނުވަތަ އޮލަ އެއްޗެއްގެ މިންވަރު ބެލުމަށް ކުރާ ކަމެއް (2) އެއްޗެއް ވަކި ވަރަކަށް ބައިބައިކޮށްފައި ފާހަގަޖެހުން މިސާލު: ފުޅީގެ މިންކެނޑުން ތަށީގެ މިންކެނޑުން
މިންގަނޑު
ނ (1) މިން އަޅަން ގެންގުޅޭ އެތި (2) މިންވަރު މިސާލު: އަސާސީ ތަޢުލީމަށް ކަނޑައަޅައިފައިވާ މިންވަރު ކަމުގެ ލަޔާޤަތު ހުންނަންވާ މިންވަރު މުޤައްރަރުގައިވާ މިންވަރު
ފަތާ
ނ (1) އެމުގެ ބާވަތެއް. (2) ނއ. ފަތިކޮށް ހުންނަ ނުވަތަ ތިލަކޮށް ހުންނަ ތަށި މިސާލު: ފަތާތަށި (3) "ފެތުން" މިބަހުގެ އަމުރު މިސާލު: ބާރަށް ފަތާ! (4) ފެތުން މިބަހުގެ ވޭވޭހުރިކަން މިސާލު: އޭނާ ކޮންމެ ދުވަހަކު ފަތާ (5) )ޏ ( ފެންފޯއްރުކުގެ ފާޅަ
ފަތި
ނއ (1) ތުނި. (2) )ނ.( ސަފު. (3) އެކައްޗާޖެހި އަނެކަތި އަމުނައި ފައި އޮންނަ އެތި. މިސާލު: މާފަތި މަސްފަތި (4) ދެފޮތިގަނޑެއް ގުޅުމަށް ނުވަތަ ފޮތިގަނޑުގެ ދެފަރާތް ހިފާލަން ޖަހާ ރޮދި (5) ވަކަރު ނުވަތަ ލަކުޑި ނުވަތަ އެނޫންވެސް އެއްޗެއްގެ ހަނިދިގުކޮށް ތުނިކޮށް ހުންނަ ބައިބައި
ހައެއްކަ
ނއ ގާތްގަނޑަކަށް ހަޔެއް މިބަހުގެ މާނަދޭހަވަނީ އެއްޗަކާ ގުޅުނީމައެވެ މިސާލު: )ހ( ހައެއްކަ ފަހަރު )ށ( ހައެއްކަފޮތް
ހައްބަ
ނ ކޮންމެ އެއްޗަކުން ނަމަވެސް ބޭނުމެއް ނުހިފޭހައި މަދު މިންވަރު މިބަސް ބުނެއުޅެނީ އެއްޗެއް ނެތްކަން ދެއްކުމަށެވެ މިސާލު: އޭނާ އަތުގައި ހައްބަވެސް ނެތެވެ އެބުނީ އޭނާ އަތުގައި އެކައްޗެއްވެސް ނެތް ވާހަކައެވެ
ހައްބަމުކައްބަވެސް ނެތުން
ގބ މީހެއްގެ އަތުގައި އެއްވެސް އެއްޗެއް ނެތްކަން ގަދަކޮށްލުމަށް ބުނެއުޅޭ ބަހެއް މިސާލު: އޭނާގެ އަތުގައި ހައްބަ މުކައްބަވެސް ނެތެވެ
ހައްދައިލުން
މ ރަޓުވައިލުން މިސާލު: އޭނާ ހައްދައިލީމާ އެކަން ކުރާންޤަބޫލު ވެއްޖެއެވެ
ހައްދު
ނ (1) ޒިނޭކުރުމުން ނުވަތަ ރާބުއިމުން އެމީހާގެ ގައިގައި ދުއްރައިން ތަޅާތެޅުން. (2) މީހަކާ ދިމާއަށް ޒިނޭކޮށް ފިޔޭ ބުނެ ޒިނޭ ސާބިތުނުވީމާ އެބުނި މީހާގެ ގައިގައި ދުއްރައިން ތަޅާތެޅުން. (3) މިން. (4) ހިސާބު. މިސާލު: )ހ( ހައްދުފަހަނަޅައި ހިނގައްޖެއޭ ބުނެފިނަމަ އެއީ މިނަށްވުރެ އިތުރަށް ދިޔައީއެވެ )ށ( މީނާ ދުންބުއިމުގެ ހައްދެއްނެތޭ ބުނެފިނަމަ އެއީ ދުންބުއިމުގެ ވަކިމިންވަރެއްނެތީއެވެ
ހައްތާ
އކ (1) އަބަދު (2) މުޅީން މިސާލު: ހައްތާކަނީ ކޯރާ ހަނޑުލެވެ މިހެން ބުނެފިނަމަ އެއީ އަބަދުކަނީ ކޯރާ ހަނޑުލެވެ
ހައްތި
ނ (1) ތައްޕާސް (2) މެދުވެރި (3) ވަސީލަތް މިސާލު: މީދަލުހައްތީން ވާ ފެން ބުއިން