radheef.info
ރަދީފު


މަޅު
ނ (1) އަށި އެނދާއި އޮޑިދޯނިފަހަރު އެއްޗެހީގައި އަޅަން ބޭނުންކުރާ ފިލާބުރިބުރި (2) ކޮށާރުގެ ދޮރުގައި ބޭނުންކޮށްފައި ހުންނަ ފިލާބުރިބުރި މިއިން ކޮންމެ ފާޑެއްގެ މަޅެއްވެސް ހުންނާނީ ނަގާ އެޅޭ ގޮތަށެވެ (3) ކިލާ ތަކެތި ތަތްވެގެންގޮސް ވާހަރު (4) ގަހެއްގެ ލަކުޑިން ނުކުންނަ ކިރެއް )މިއީ ދިވެހިބޭހަށާއި ވަރުނީސް ފަދަ ތަކެތި ހެދުމަށް ބޭނުންކުރާ އެއްޗެކެވެ ( މިސާލު: ރުގުންމަޅު
މަތިމަޅު
ނ (1) ކުނބުކަފިން ދިރުނބާ ކޮޅަށް ހުންނަމަޅު (2) މަސްދޯނި ފަހަރުގެ ބޮޑުމަޅު
މަތިމަޅުއޮޅިގަނޑު
ނ )ސ ( ތަޅުމަޅުގަނޑު
މަޑެދަޓާ
ނ )ގ ( މަޅުދަށް
މަޑެދަޓު
ނ )ގ ( މަޅުދަށުގައި
ފަނާމަތި
ނ އޮޑިދޯނިފަހަރުގެ އެންމެ ދިރުނބާކޮޅު މަޅުމަތި
ފެންފިލާ
ނ (1) އޮޑިދޯނިފަހަރުގެ އެންމެ ދިރުނބާކޮޅުގެ މަޅު (2) ފަނާމަތި
ފުއްޕި
ނ (1) އަލަ ނުވަތަ ހަނޑޫ ފަދަ އެއްޗެއްގެ ފުށުން ހަކުރުއަޅައި ހިލައިގެން ގޮމަށި ލުނބޯ ތުތިމަސް ފާޑަށް ހަދާ ކާއެއްޗެއް (2) ފުއްޕުން މިބަހުގެ ނިމި ނިމުނުކަން (3) )ނއ ( ކައްކައި މަޅުކޮށްފައިވާ
ފުއްޕިހަކުރު
ނ ކައްކައި މަޅު ކޮށްފައި ހުންނަ ހަކުރު
ފުއްޕިބަތް
ނ ހަކުރު އަޅައިގެން މަޅުކޮށްފައި ހުންނަ ބަތް މިހުންނަނީ ކުދި ބޮނޑިއާ އެއްގޮތަށް ހަދައި ކެޔޮފަތުގައި ލައިފައެވެ
ފުއްޕުން
މ (1) ބޯޅައާއި ހަންފަދަ އެއްޗިއްސަށް ވައި ވެއްދުން (2) އެތެރެއަށް ވައިވަދެގެން އުފުލުން (3) ހަކުރު މަޅުކުރުން (4) ބަތަށް ހަކުރުލައި މަޅުކުރުން (5) ހަމަ އެއްޗެއްވަކި ބައްޓަމަކަށް އުފުލުން (6) ބައެއް ދިރޭ އެއްޗެހި ރުޅިއައިސްގެން ހަށިގަނޑު ބޮޑުކޮށްލުން މިސާލު: ކޮލިފުއްޕުން (7) މަޖާޒު: ވަރުގެ ކޮޅަށް ނަލަހެދި ފަރިވުން
ފެންފިލާމަޅު
ނ ކޮޅުވަތުގެ މަޅު
ދަށްމަޅު
ނ އޮޑިދޯނިފަހަރުގެ ކޮޅުފަހުގެ މަތިމަޅާޖެހިގެން ތިރިކޮށް އޮންނަ މަޅު
ދިއްޕަތް
ނ (1) މަސްދޯނީގެ މެދުވަތާއި ދިއްޕަތްވަތާ ދެމެދުގައި ދިގަށް އޮންނަ މަޅު (2) ދިއްޕަތް މަޅު
ތަޅުމަޅު
ނ ތަޅުމަޅުގަނޑު
ތަޅުމަޅުގަނޑު
ނ ކޮށާރުފަދަ ތަންތާގެ ދޮރުގައި އަޅައިފައިވާ މަޅުތަކުގެ ތެރެއިން އެމަޅުގަނޑެއް ނެގުމުން ފަހުން އަޅާ މަޅުގަނޑު ނެގޭގޮތަށް ހަދައިފައި ހުންނަ މަޅުގަނޑު މި ހަދައިފައި ހުންނަނީ އެލުވާތަޅެއް ހަރުކުރެވޭގޮތަށެވެ
ތިރިމަޅޮ
ނ )ޏ ( ދަށްމަޅު