radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ވެސްނޫ
ނ (1) ބުލޫނި. (2) ގަދަނޫކުލައެއްގެ ކުނޑިއެއް. މިބޭނުން ކުރަނީ އެއްޗިހީގައި ކުލަޖެއްސުމަށާއި ކުލަ އުފެއްދުމަށެވެ (3) ވެސްނުލުގެ ކުލައިން ނަންދެވިފައިވާ ކުލަ
ވެސްނޫލުން
މ ހުދު ފޭރާން ދޮވެ ސާފުކުރުމަށްފަހު ވެސްނޫ ފެނަށް ގިރުވައިގެން ފޭރާމުގައި އެކުލައިގެ ފަނޑު އަސަރު ހިއްޕުން
ވެސްކޯޓް
ނ )ވޭސްކޯޓް( ގަމީހުގެ ބޭރުންލާ އަތް ނުހުންނަ ބާރު އެއްޗެއް މިއީ ކުރިމައްޗަށް ގޮށް އަޅާފައި ހުންނަ އެއްޗެކެވެ
ވެސްލީނު
ނ ތެލުން ހޯދޭ ބާވަތެއް މިއީ އޮއިންޓް މެންޓާއި އެހެންވެސް މިފަދަ ތަކެތި ހެދުމަށް ބޭނުންކުރެވޭ އެއްޗެކެވެ
މީރުފެންތިއްކެއްވެސްނުލިބުން
މ މަޖާޒު: އެއްވެސް ކަހަލަ ބޯ އެއްޗެއް ނުލިބުން
މެއްސެއްމާބުރެއްވެސް ނެތުން
މަޖާޒު: އެއްވެސް މީހަކު ނެތުން
ފައިޖެހުނުތާ ވެލިކޮޅުވެސް ގެންދިއުން
)މިސާލުބަހެއް( މީހަކު ތަނެއްގައި އުޅެފައިދާ އިރު އެތަނެއްގައި ގެންދެވެން ހުރިހުރިހާ އެއްޗެއް ހިފައިގެން ދިއުމުން ބުނެއުޅޭ ބަހެއް
ދެންވެސް
އ (1) އަދިވެސް (2) ފަހުންވެސް
ފުރިތަންވެސްނުޖެހުން
މ (1) ދަތުރަށް ފުރިތަންވެސް އަތުނުވުން (2) މަޖާޒު: ކުރިމަސައްކަތުގެ ނުވަތަ ކުރިކަމެއްގެ އެދެވޭ ނަތިޖާއެއްނުލިބުން
ދިވެސްއަކުރު
ނ އެވޭލާ އަކުރުގެ ފަހުން ތާނަ އަކުރުގެ ކުރިން ދިވެހިބަސް ލިޔެއުޅުނު އަކުރު މިއަކުރު ލިޔަނީ ވާތުން ކަނާތަށެވެ
ދޫންޏަކަށް ފިޔަމަޅާލަންވެސްނުކެރޭ
މިސާލު: ތަނެއްގެ ހައިބަތު ބޮޑުކަމާ ހުރެ އެތަނަށް މީހަކަށް ކުޑަބޭރުއަރަންވެސް ނުކެރޭކަން ދެއްކުމުގެ ގޮތުން ބުނެއުޅޭ ބަހެއް މިސާލު: އެގަނޑުވަރުގެ މަތިން ދޫންޏަކަށް ފިޔަމަޅާލަންވެސް ނުކެރޭނެއެވެ
ތަލީގައިޖެހޭވަރުވެސްނުވި
މަޖާޒު: ކާންލިބުނު އެތިކޮޅުކުޑަކަމުން ބުނެއުޅޭބަހެއް މިބަސް ކުޑަދުލާ ހަމަޔަށްވެސް ނުފޯރި ނުވަތަ ތަލީގައި ހޭކިލާވަރުވެސްނުވި މިގޮތްގޮތަށްވެސް ބޭނުންކޮށްއުޅެއެވެ
ތިނޯހެއްގެ ތުނޑުޖައްސައިލާނެ ތަންކޮޅެއްވެސް ނެތް
މަޖާޒު: އެއްގޮތަކަށްވެސް ހުސްޖާގައެއް ނުވަތަ ހުސްތަންކޮޅެއް ނެތުމުން ބުނެއުޅޭ ބަހެއް
ތުންބުރިކާޅަށްވެސް ކާންލިބޭދުވަސް
މަޖާޒު: ރަބީޢުލް އައްވަލްމަހުގެ ބާރަ ދުވަހާއި ދެއީދު ދެދުވަހާއި ބޮޑު މާލޫދު ދުވަސް ފަދަ ރަށުގައި ޢާއްމުކޮށް ގިނައިން ކައްކައި އުޅޭ ދުވަސްދުވަހު އެންމެ ނިކަމެތި މީހާއަށްވެސް ކާން ލިބޭނެކަން އެންގުމުގެ ގޮތުން ބުނެއުޅޭ ބަހެއް
ތެތްބާލާނެފަދަވެސްނެތުން
ގބ މަޖާޒު: ލައިގެންހުރި ހެދުން ނުވަތަ އަނދެގެން ހުރިއެތިގަނޑު ފިޔަވައި އެހެންފޭރާމެއްނެތުން
ލިސާންވެސް ނެތުން
މ އަސަރެއް ނުވަތަ ނިޝާނެއްވެސް ނެތުން
ލޮލުބޭހަކަށްވެސް ނުފެނުން
މަޖާޒު: މީހަކު ނުވަތަ އެއްޗެއް ފެންނަލެއް މަދުވުމުން ބުނެއުޅޭ ބަހެއް
ލޯހުޅުވައިލަންވެސް ނުކެރުން
ގބ މަޖާޒު: ހަޑި ހުތުރު ޢައިބުކަންތައް ތަކެއް ދެކެން ނުވަތަ އެފަދަ ވާހަކަތަކެއް އަޑުއަހަން ނުކެރުނުކަން އެންގުމުގެ ގޮތުން ބުނާ ބަހެއް
ލޯލާރިއެއްހައި ހިސާބުވެސް ނުލިބޭ
މަޖާޒު: އެއްވެސް އާމްދަނީއެއް ނުލިބޭ
ލޯލާރިއެއްވެސް ނެތުން
މަޖާޒު: އަތުގައި އެއްވެސް އެއްޗެއް ނެތުން