radheef.info
ރަދީފު


ވެން
ނ (1) ހަރުފައިގެ ސިފައިގައި އޮންނަ މޫދުގައި ދިރިއުޅޭ މަހެއް. މީގެ ބިޔަ އެއްޗެތި އުޅެނީ އުރަފަށުގައެވެ. މިސާލު: ކަޅުވެން ކިރުޅިޔަވެން. (2) ފޭރާންކުރާއިރު އުއިފަށް ބާރުކުރާން ގެންގުޅޭ ފަތިގަނޑ.ު (3) ގުޑިއެރުވުމުގެ ތެރޭގައި ވެނުގެ ސިފައިގައި ހަދައިގެން އަރުވާ ގުޑިއެއް
ވެންހަރު
ނ (1) ވެންތިބޭ ހޮހަޅަ މިތަންތަން ގިނައިން ހުންނަނީ ތޮށިމަތީގައްޔާއި މޫދުގައި ހުންނަ ގާތަކުގެ ތެރޭގައެވެ (2) ފޭރާންހަރުގައި ގެންގުޅޭ ވެން ބާއްވާ ތަން
ވެންބޮޅުތަރަފަނަ
ނ ގޮވާމުގެ ފުށުންވެންބޮޅުގެ ސިފައިގައި ފުއްގަނޑު ހަދައިގެން އާވީން ކެއްކުމަށްފަހު އެކޮށައި ތެލުލައިގެން ހަދާ ކާއެއްޗެއް
ވެންފުންނަ
ނ ފުންނައިގެ ވައްތަރެޢް މިމަސް ހުންނަނީ ބޯކޮޅު ފުންނަ ވައްތަރަށް ނަގޫކޮޅު ވެންހުންނަ ފާޑަކަށެވެ
ވެންދެރަ
ނ )ބދ ( ވެންހަރު
ވެލިބޮޅު
ނ )ޅ ( ވެންބޮޅުގެ ޅަފަނި
ވެލިފަނި
ނ ފިނޮޅުގައި ހަރުކޮނެގެން އުޅޭ ވެންބޮޅު ފާޑުގެ ފަންޏެއް
މަތިއަންދާފިހުން
މ މަސްފަތަފޮޅި ބޯކިބާ ބަނބުކެޔޮ ފަދަ ތަކެތިފިހާއިރު އެފިހާ އެއްޗެއްގެ ދަށަށް އަލިފާންލުމާއިއެކު އޭގެ މަތީގައި ޖަސްތު ގަނޑެއް ފަދައެއްޗެއް ބާއްވައި އޭގެ މަތީގައި އަލިފާން ރޯކޮށްގެން އެއެއްޗެއް ރަނގަޅަށް ފިހެވެންދެން އެންދުން
މަތިޖެހުން
މ (1) އެއްޗެއްގެ އަނގަމަތި ނިވާކުރުމަށް ޚާއްޞަ ކުރެވިފައިވާ އެތި އެއެއްޗެއްގެ އަނގަމަތީގައި ބޭއްވުން (2) މަޖާޒު: ތިމާ ނުރުހޭ ވާހަކައެއް ދެކެވެން ފެށީމާ އެކަން އޮއްބަން މަސައްކަތް ކުރުން
މުހާޖިރުން
ނ (1) މުހާޖިރިއްޔަ ބޭކަލުން. (2) ކޮންމެވެސް ސަބަބަކާހުރެ އަމިއްލަ ވަޒަންދޫކޮށް އެހެން ތަނަކަށްގޮސް ވަޒަންވެރިވާމީހުން (3) އަމިއްލަ ރަށުގައި އުޅެވެން ނެތުމުގެ ސަބަބުން ރަށުން ބޭރުވާމީހުން
މުޙްޞަން
ނ (1) ރައްކާތެރިކަން ލިބިގެންވާމީހާ (2) ކާވެންޏެއްގެ ރަހަ ލިބިފައިވާ މީހާ
މޫދުފައްޓަރު
ނ ގަޅިކަނޑާފައި ހުންނަ ވެންފާޑުގެ އެއްޗެއް. މިއަށް ކައްޗަލަ ނުވަތަ މޫދުކައްޗޭވެސް ކިޔައެވެ
މެންބުޅަ
ނ )ސ ( ވެންބޮޅު
މެދުފުޅަލި
ނ މަގުމަތިން ވަންނަން ހުންނަ ފުޅަލި ފިޔަވައި ގޯތި ތެރޭގައި އެއްފަރާތުން އަނެއް ފަރާތަށް ދެވެން ހުންނަ ފުޅަލި
މެދުދޮރޯށި
ނ (1) މަގުމަތިން ވަންނަން ހުންނަ ދޮރޯށި ފިޔަވައި ގޯތިތެރޭގައި އެއްފަރާތުން އަނެއްފަރާތަށް ދެވެން ހުންނަ ދޮރޯށި (2) މެދުދޮރޯށި
ފަހުވާންލުން
މ ފޭރާން ވިޔާއިރު ފޭރާން ހަރުގައި ވެންހިންގުން
ފައިވިދިފާހިފުން
މ މަޖާޒު: ކަމަކަށް ލެވެން އޮތްހައި ބާރެއްލުން
ފައިޖެހުނުތާ ވެލިކޮޅުވެސް ގެންދިއުން
)މިސާލުބަހެއް( މީހަކު ތަނެއްގައި އުޅެފައިދާ އިރު އެތަނެއްގައި ގެންދެވެން ހުރިހުރިހާ އެއްޗެއް ހިފައިގެން ދިއުމުން ބުނެއުޅޭ ބަހެއް
ގޯރުން
ނ )ބދ ( ވެން
ފުންނަ
ނ މޫދުގައި އުޅޭ ކުޑަމަހެއް މީގެ ދެވައްތަރެއް ހުރެއެވެ އެއީ ވެން ފުންނަ އާއި މަސް ފުންނައެވެ
ފުރިބާރުވުން
މ (1) އެއްޗަކަށް ތަކެތި އެޅެންހުރި އެންމެ ގިނައެއްކޮށް ތަކެތި އެޅުމުން އެވާގޮތްވުން. (2) ތަނެއްގައި ޖާގައޮތް އެންމެ ބޮޑުމިންވަރަކަށް ނުވަތަ އެއްޗެހި ވެއްދުމުން ނުވަތަ ވަނުމުން އެވާގޮތްވުން (3) އުޅަނދަކަށް މީހުންނާއި ތަކެތި އެރުވެންއޮތް އެންމެ ގިނައެއްކޮށް އެރުވުމުން އެވާގޮތްވުން