radheef.info
ރަދީފު


ވާކަން
ނ (1) ޒަމާނެއްގެ ނަން (2) ހިނގާކަން (3) ބެހޭކަން މިސާލު: ތިޔައީ އަހަންނާ ވާކަމެއްނޫނެވެ (4) ހަށިގަނޑުގެ ގުނަން ގުނަނުގެ ބާރު މުޅިން ނެތިފައިވާކަން (5) ތިމާއަށް ކަމެއް ކުރެވޭކަން މިސާލު: މީ އަހަންނަށް ވާކަން ދައްކައިލަން ކުރިކަމެއް (6) ވައުކަން
ރާމާކަން
ނއނ ބައެއް ކާތަކެތި ނުބައިވާކަން
އައްޗީ
އ އެއްޗެއްގައި ހުރި ހަޑިކަން ނުވަތަ ހުތުރުކަން ނޫނީ ހިތާނުވާކަން ދައްކާން ބުނާ ބަހެއް
ނަފީ
ނެތްކަން ނުވަތަ ނޫންކަން ނުވަތަ ނުވާކަން އަންގައިދިނުމަށް ބޭނުންކުރާ އަކުރެއް މިސާލު: )ހ( އެފޮތަކުނެތް )ށ( މުޙައްމަދެއް ނޫން )ނ( އެބައިގެ ތެރޭގައި އޭނާއެއް ނުވެއެވެ
ނަފީކުރުން
މ (1) ނުވާކަން ނުވަތަ ނެތްކަން ނުވަތަ ނޫންކަން އަންގައިދިނުމަށް ބޭނުންކުރެވޭ އަކުރެއްގެ ބޭނުން ކުރުން (2) ބާޠިލުކުރުން
ނަސުރުވެރިކަން
ނއނ ހެޔޮކަންތަކަށް މާތްﷲގެ ޙަޞުރަތުން އެހީއާއިވާގި ލިބިފައިވާކަން
ނަޖިސްކަން
ނއނ (1) ނަޖިހުގެ ސިފަ ލިބިފައިވާކަން (2) ނުލާހިކު ހަޑިކަން
ނިވާ
ނ (1) ހާމައިގެ އިދިކޮޅު (2) ނުފެންނަތަން (3) ހުރަސް (4) ނިވުން މިބަހުގެ އަމުރު (5) ނިވުން މިބަހުގެ ވާކަން
ނިމިނިމުނުކަން
ނ ވޭތުވެދިޔަ ދުރު ޒަމާނެއްގައި ވެ ނިމިފައިވާކަން
ނުބައިކަން
ނއނ (1) މީރުނޫންކަން (2) ރަނގަޅުނޫންކަން (3) ހެޔޮކޮށް ނުހިތާކަން (4) ކުނިވާކަން
ނުފަރިތަކަން
ކއ (1) ކަމަކަށް ބީރައްޓެހިކަން (2) އެކަމެއްކުރަން ރަނގަޅަށް އެނގިފައިނުވާކަން
ނޭއްދާރުކަން
ނއނ (1) މީހުންނާ އެކުނުލަވާކަން (2) މީހުންނާ ނުގުޅޭކަން (3) ގޮތްދޫނުކުރާކަން
ރަށްވެހިކަން
ނއނ (1) ރަށުގެ އަހުލުވެރިކަން (2) މަދަނިއްޔަތާ ތަހުޒީބު ލިބިގެންވާކަން
ރަށްވެހިކަން
ނއނ (1) ރަށުގެވެރިކަން ލިބިގެންވާކަން (2) ފަޅުރަށް ލިޔެގެންއުލޭކަން
ރަމަލު
ނ (1) ރޮނގުތަކެއް ކުރަހައިގެން ޣައިބުގައިވާކަންތައް ހޯދާ ކަމަށްބުނާ ޢިލްމު (2) ފާލު
ރަޑަކަން
ނއނ (1) ހަޑި މުޑުދާރުކަން (2) ތަހުޒީބާ ތާހިރުކަމާ ޚިލާފުކަން (3) )ސ ( މައު މޯޅިވާކަން
ރީތިކަން
ނއނ (1) އުފެދުމާއި އުފެއްދުމުގައި ހުންނަ ފަރިކަމާއި ނަލަކަން (2) ހިތްގައިމުކަން (3) ބަލާހިތްވާކަން (4) ލޮލަށް އެންމެ ފިނިކަން ދޭކަން
ބަނޑުހައިކަން
ނއނ (1) ކާނާއިން ބަނޑު ހުސްވެފައިވާކަން (2) ކާނާޔަށް ބޭނުންވެފައިވާކަން
ބަންގިބެރު
ނ ރަދުން ހުކުރު ނަމާދަށް ނުވަތަ ޢީދުނަމާދަށް ވަޑައިގަންނަވާކަން އެންގުމުގެ ގޮތުން ޖަހައި އުޅުނު ބެރު
ބަރަކާތްތެރިކަން
ނއނ (1) ފައިދާ ބޮޑުކަން (2) އިތުރުވާކަން (3) މާތްކަން (4) ބާއްޖަވެރިކަން
ބައިސަލޯކަ
)ބދ ( ދުނިޔެއަށް ހެއުނަންވާކަން