Radheef, ދިވެހިބަހުގެ ރަދީފު، ވަޑަގެ މާނަ

radheef.info

ނ )ސ ( ވަޅު

ބޮޑުހިތި

ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް

ބޯވައެޅިރިޔާ

ނ (1) އޮޑިކޮޅުގައި ރަސްމީ އިއްޒަތުގެ ދަތުރަކުވަޑައިގަންނަވާއިރު އެއޮޑިކޮޅުގައި ނަގާ އުޅުނު ރިޔާ (2) މަޖާޒު: އޮތް އެންމެރީތި ހެދުން

ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ

ކަނޑުބޭރުފުޅުކުރެއްވުން

މ ގަނޑުވަރުތެރޭގެ ބޭފުޅަކު އަލަށް ކަނޑުމައްޗަށް އަރައިވަޑައިގަތުމާއި އެކަމާގުޅޭ ރަސްމީ ކަންތައްތައްކުރުން

ނ ގަނޑުވަރުތެރޭ އަންހެން ބޭފުޅުން ދުވާލު ތަންތަނަށް ވަޑައިގަންނަވާން ވެދެވަޑައިގަންނަވާ ފޭލިގެ. މިހުންނަނީ ހުދާއި ރަތާއި ކަޅާއި މިތިންކުލައިން ބިހުރައަޅައި ކުރަހައިފައެވެ

ކުޅެވަޑައިގަންނަވާބޮޑުލަވަ

ނ ދަނޑިބެރުގެ ލަވައެއް މީ ސަމާގައި ރަދުން ކުޅި ޖެއްސެވުމަށް ނުކުމެވަޑައިގަންނަވާނަމަ ޖަހައި އުޅުނު ލަވައެކެވެ

ކުޑަހިތި

ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަކުރި ދެދުވަހާއި އެދެދުވަހުގެ ރެއަށް ކިޔާއުޅުނު ނަމެއް. ރަމަޟާންމަހުގެ 26 ވަނަ ދުވަހަކީ ހޭންވޭރު ކުޑަހިތި ދުވަހެވެ. އެދުވަހުގެރެއަކީ ހެންވޭރު ކުޑަހިތިވިލޭރެއެވެ. ހެންވޭރު ކުޑަހިތިވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ މެދުޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. ދެން އަންނަނީ މާފަންނު ކުޑަހިތިދުވަހެވެ. އެއީ ރަމަޟާންމަހުގެ 28 ވަނަ ދުވަހާއި އެދުވަހުގެރޭ 29 ވިލޭރެއެވެ. މިރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ފަޤީހުސުލައިމާނުގެ ޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. (2) ކ އަތޮޅުގެ ފަޅުރަށެއް

ކޮއިމަލާ

ނ ރާއްޖޭގެ ފުރަތަމަ އިސްލާންވެވަޑައިގަތް ކަމަށްބުނާ ރަސްގެފާނަށް އިސްލާންވެ ވަޑައިގަތުމުގެ ކުރީން ކިޔައި އުޅުނު ނަން

އަންދާބޯޓް

ނ ހިތީބޯޓުގެ ބާވަތެއް. މިއަޅަނީ މޫދުގައެވެ. ރަދުން ހިތިގެއަށް ވަޑައިގަތީމާ ބޯޓް އަންދައިލައިފައި މީހުން ރޮމުންރޮމުން ފައިބަނީއެވެ މިހަދަނީ މާފަންނު ހިތީގައެވެ

އަރުމާދު

ނ ރަދުން ރާއްޖެތެރެއަށް ކުރައްވާ ދަތުރުފުޅު މިދަތުރުފުޅުގައި ދައުލަތުގެ ވަރަށް ގިނަ އުޅަނދުތަކާއި ދައުލަތުގެ ވަރަށް ގިނަ ބޮޑުން ބައިވެރިވެވަޑައިގަނެއެވެ

އަރުމާޒުވަޑައިގަތުން

ނ އަރުމާދުގެ ދަތުރުގައި ރަދުން ވަޑައިގަތުން

އަބާރަނަ

ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ

އަތްކަންއެޅިލިބާސްކޮޅު

ނ ހަތްކޮޅުނަގާ ބޭފުޅުން ޢިއްޒަތުގައި ވަޑައިގަންނަވާއިރު ތުރުކުރައްވާ ޖަރީކުޅަ ލިބާސްކޮޅު

އަލިވިލުން

މ (1) ފަތިސްވެ އަލިވިލުން މަޖާޒު: (2) ގަނޑުވަރުތެރޭ ބޭފުޅުން އަވަހާރަ ލައްޕަވާފައި ތެދުވެވަޑައިގަތުން (3) ނުފިލައިގެން އުޅޭކަމެއް އޮޅުންފިލުން