radheef.info
ރަދީފު


ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ވަރުކަނދު
ނ (1) އެތެރޭގައި އާރުނުލައި ހެދޭ ވައްތަރެއްގެ ގަހެއް މީގެ ލަކުޑި ހުންނާނީ މަސްކަނދާ ދާދި އެއްގޮތަށެވެ (2) މިގަހުގެ ލަކުޑި މިއީ ފެނުބާރު ވަރަށްގަދަ ލަކުޑިއެކެވެ
މިނާމީހުން
ނ ސަރުކާރުގެ މުވައްޒަފުންނަށް ހަނޑޫ ދެއްވި ދުވަސްވަރު ހަނޑޫ މިނުމުގެ ވަޒީފާދެއްވައިފައިވާ މީހުން
މިނިކާވަގު
ނ އިންސާނުންގެ މަސްކައިއުޅޭ ޖަނަވާރެއް މިއީ ބުޅަލާ ވައްތަރު އެއަށްވުރެ މާބޮޑު އެއްޗެކެވެ
ފަތިއެމުނުން
މ އެއްޗެހިތަކެއް ކޮންމެވެސް ވައްތަރެއްގެ ފަށަކަށް އެމުނުން
ފަތިފީރު
ނ ފީރުގެ ފަތިކޮށް ހުންނަ ވައްތަރު
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހައްރޮދި
ނ. (ގ) ވައް ބަގިޔާ
ހައްބުރު
ނ )ހ ( ފިލޮޅާވައްތަރު މަހެއް
ހަވެދަނޑިކާނަ
ނ )ޏ ( އަންނަފޭލީގެ ކޮޅުމަތީގެ އެއްވައްތަރެއް
ހަވޭޑައިކާނަ
ނ )ސ ( ފޭލީގެ ކޮޅުމަތީ ފަށުވިޖަހައިގެން ހަދާތަނުގެ އެއްވައްތަކަރަށް ކިޔާނަމެއް
ހަމައެޅުން
މ ތިންހަމަ ކުޅުމުގައި އެއްވައްތަރުގެ ތިންފުއް ދިމާކުރުން
ހަތަރުފައިޖެހިގޮނޑި
ނ (1) އިށީންނަތަން ވައްކޮށް ލިޔެލާޖަހައިފައި ކިއްސަރަކަށް އޮންނަ ހަތަރުފައިޖެހި ގޮނޑިއެއް: މީގެ އުސްމިނަކީ ގާތްގަނޑަކަށް ފޫޓެކެވެ މިއީ އިހުގައި ގަނޑުވަރުތެރޭގައި ވަރަށް ޢިއްޒަތް ހުރި އެއްޗެކެވެ (2) ހަތަރުފައިޖަހާފައި ހުންނަ ކޮންމެ ގޮނޑިއެއް
ހަތިމައު
ނ )ސ ( މުރަކައިގެ ބާވަތެއް މި ވައްތަރުވާނީ މާގަނޑުކޮޕީއާއެވެ މީގެ ކުލައަކީ މުށިކުލަށެވެ މި މުރަކައެކޭ އެއްގޮތަށް މުރަނަވާނެއެވެ
ހަތިމާ
ނ )ސ ( ފަރުމަތީ ބޮޑެތި ގާތަކުގެ ތެރޭގައި ރޯގަހަކާ ވައްތަރަށް މަތިފުޅާކޮށް ފަތާކޮށް ހެދޭ ގަލެއް
ހަތްހެއްތި
ނ )ސ ( ހަތްއަމުރު މިއީ އިހުޒަމާނުގައި ކޮންމެ ހުކުރު ދުވަހަކު ހުކުރުން ފޭބުމަށްފަހު ވެރީންގެ ފަރާތުން ރައްޔިތުންނަށް ކުރާ ހަތް އަމުރެވެ (1) މާތްކަލާގެއަށް ކިޔަމަންތެރިވާހެއްތި (2) ޒިނޭނުކުރާ ހެއްތި (3) ވައްކަން ނުކުރާ ހެއްތި (4) ދޮގުނުހަދާހެއްތި (5) ނަމާދުކުރާހެއްތި (6) ރޯދަހިފާހެއްތި (7) ވެރިންނަށް ކިޔަމަންގަންނަހެއްތި
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްމޮރު
ނ ޖިމާޢުވުމުގެ ހަތް ވައްތަރު
ހަލަވެލި
ނ އާންމުގޮތެއްގައި ތިރިކޮށްފެތުރިހެދޭ ގޮފިގިނަ ލަކުޑިހަރުގަހެއް. މިއެންމެ ވައްތަރުވާނީ ކުރެދިގަހާއެވެ. ކުރަދިފަތަށްވުރެ ފަތްތުނިވުމާއެކު މަޑުމަޑު މީރުވަހެއް ހުންނާނެއެވެ މީގެ ބައެއްގަސް 3 މީޓަރު 4 މީޓަރަށް އުސްކޮށް ހެދިފައިހުރެއެވެ
ހާލިގަބަ
ނ )ސ ( (1) ލާނދާބަންނައިރު ބަރިކުރެވިފުޅާ ކުރުމަށް އަރުވާ ވަކިވައްތަރެއްގެ މަޅިއެއް (2) މަޖާޒު: އޮޅުވައިލުމަށްޓަކައި ތަކެތި އެކިއެކި ތަންތާނގައި ބަހައްޓައިފައި ހުންނަ ހުރުން
ހާސްގަނޑުފޮތީތާކިހާ
ނ ކުލަކުލައިގެ ފޮތިކޮޅުތަކެއް އެއްކޮށްގެން ހަދައިފައި ހުންނަތާކިހަލެއް. މީގެ ދެބާވަތެއް ހުރެއެވެ. އެއްވައްތަރަކީ ރަތާ ހުދާ ކަޅާ ރީނދުލާ މިހަތަރުކުލައިގެ ފޮތިފޮތިކޮޅުން ގޮޅިހަމަކޮށް ހަދައިފައި ހުންނަވައްތަރެކެވެ ބޭރުގެ ތަންތާނގެ ބޮޑުން ފަގުޑިއޮޅައިފައި ހުންނަނީ މިބާވަތުގެ ތާކިހަލުގައެވެ ރާއްޖޭގެ ރަސްމީ ބަޔެއްހެދުމުގައި މިކަހަލަތާކިހާ ބޭނުންކޮށް އުޅުނެވެ އަނެއް ވައްތަރަކީ ކުލަކުލައިގެ ފަށުއިން ތަންކޮޅެއް ދިގުކޮށް ވިޔެފައި ހުންނަވައްތަރެކެވެ އިހުގެ ސޯޅިޔާއިން އަޅާއުޅުނީ މިކަހަލަތާކިހަލެވެ