radheef.info
ރަދީފު


ވައި
ނ (1) ދުނިޔޭގެ މައިގަނޑު ހަތަރުބައިގެ ތެރެއިން އެއްބައި އެއީ ގިނި ވެލި ވައި ފެން މިއެވެ. އޭގެ ވަސީލަތުން އިންސާނުންނާއި ދިރޭ ހުރިހައި ތަކެތި ނޭވާލާން ބޭނުންކުރާ މާއްދާ އުޑާއި ބިމާއި ދެމެދުގައި ހިނގާ ރޯޅިފަށް. (2) ހަށިގަނޑުގެ ތެރޭގައި ހިގާ މާއްދާއެއް މީގެ ސަބަބުން އެކި ކަހަލަ އުނދަގޫވެއެވެ
ހަކިބަނުން
މ )ސ ( ބިލެތްއަރުވައިފައި ހުންނަ ރުކުގައި ވައުލައްވަން ބަންނަ ކަފިގަނޑު ބަނުން
ބަހަރުގައީ
ނ ފެންމަތީ ކުނބުގެ އެންމެދިރުބާކޮޅުން ނަވުގެ ދެފަރާތު ކަންކައްޓަށް ހުންނަވައިރު
ބަށިގަން
ނ ބަށީގައި ކައްކާ ފޮނި ހިކިރިހައެއް. މިހަދަނީ ބަށި މުޅިން ވަކިނުކޮށް ހަތަރުފަޅިއަށް ފަޅާ ވަކި ވަރަކަށް މަޑުކޮށްލުމަށްފަހު އޭގެ ތެރޭގައި ހުރި އޮށްތަކާއެކު ކަރުގަނޑުނަގާ މަސްކޮޅެއްމޮޑެ އޭގެ ތެރެއަށް ލޮނުމިރުސް ހަވާދުކޮޅަކާ ބަށިން ނެގި ބަޔާ އަޅައިއެއްކޮށް މޮޑެ އެއިން އެއްބައި ބަށީގެ އެތެރެއަށް އަޅައި ރޮދިން ބަށިބަނދެލާ ގިތެޔޮފޮދެއްގައި ބާކީ ހުރި ހަވާދުކޮޅު އަޅައިގެން ފުށްފުށަށްޖަހައި ރަނގަޅަށް ރޯފިލުވައިގެންނެވެ
އެސްފިނޮޅު
ނ އަނދުން ހުލި ފަދައިން ލޮލުގެ މަތީ ރަވައިގައި ނަގާ ބައްޔެއް
އެސްފިޔަ
ނ ލޮލުގެ ރަވައިގައި ފަޅައިފައި ހުންނަ އިސްތަށި
އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ވަރަލުން
މ (1) ގުޑިއެރުވުމުގައި ބޭނުންކުރާ އޮނުފަތިރާރާގައި ވައިގެ ބާރުން އަޑުނެރޭން ކަށިކެޔޮފަތުން ނުވަތަ އެހެންވެސް އެއްޗަކުން ފަށެއް ހަރުކުރުން (2) ބައެއްކުޅިވަރުގެ ތެރޭގައި ދޫނީގެ ފިޔަގަނޑެއްގެ ސިފައިގައި މީހުންގެ ހަށިގަނޑުގައި ފިޔަހަރުކުރުން
ވަރުބޭލުން
މ މަޖާޒު: (1) ބާރުނެއްތައިލުން. (2) އަންނަ ރުޅިގަނޑު މީހަކަށް ނުވަތަ އެއްޗަކަށް ފިލުވައިލުން
ވަރުކުރުން
މ (1) ހެޔޮވަރު ކުރުން. (2) މެޓާ ހަލުވާފަދަ ތަކެތި ހިލާއިރު ނުބައި ނުވާ ވަރަށް ރޯފިލުވައި ކެއްކުން )މިތަކެތި އޭގެ ވަޒަނަށް ހިލުން( (3) ސަރުބަތު ރާފޮނި ފަދަ ތަކެތި އޭގެ ވަޒަނަށް ކެއްކުން (4) )ސ ( ތެލުލައިފައި ހުންނަ ތަކެތީގައި ހަކުރުލުން
މިނާމީހުން
ނ ސަރުކާރުގެ މުވައްޒަފުންނަށް ހަނޑޫ ދެއްވި ދުވަސްވަރު ހަނޑޫ މިނުމުގެ ވަޒީފާދެއްވައިފައިވާ މީހުން
މިންވަރު
ނ (1) ކަނޑައަޅުއްވާފައިވާ ވަރު (2) އިރާދައިގައި ކަނޑައަޅުއްވައި ފައިވާގޮތް
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހައްދައިލުން
މ ރަޓުވައިލުން މިސާލު: އޭނާ ހައްދައިލީމާ އެކަން ކުރާންޤަބޫލު ވެއްޖެއެވެ
ހަވަރުކެނބު
ނ ބޮޑެތިފަލަ ކެނބު އިހުގައި މިކަހަލަ ފަލަ ކެނބު އަޅަނީ ހަވަރު ނުކުންނަވައިގެންނެވެ އެއަށް މިނަން ކިއުނީ މިހެން ވެގެންނެވެ
ހަވަރުތުންފުހި
ނ (1) ހަވަރު ގޮވާލުން ކޭންބައްލަވައިގެން ހަވަރު އަތްފުއްސަވާން އެލުވައިފައި ހުންނަ ފޮތިގަނޑު (2) މަޖާޒު: ޝަހްވާނީގޮތުން ތިމާގާތަށް އައިކޮންމެ ފިރިހެނަކާ ޤަބޫލުވާ އަންހެނާ
ހަވާކެއުން
މ (1) އަރާމުކޮށްލާން ހިނގައިލުން (2) ވައިޖައްސައިލުން
ހަވާސުލައިމާނު
ނ (1) ދިވެހިބޮޑު ލަވައެއް (2) އެލަވައިގެ ރާގު
ހަމަނުޖެހުން
މ (1) ރަމަތަނުވުން (2) ދެކޮޅުވެރިކަން އުފެދުން (3) ޚިޔާލު ތަފާތުވުން (4) ވަޑާންކުރާއިރު ގުޅުވައި ދެގަނޑެތި ރަނގަޅަށް ފެތި ހިމުންނުވުން (5) ހަމަޖެހުން މިބަހުގެ އިދިކޮޅު (6) އޮންނަންވީ ރަނގަޅު ގޮތުން ނެއްޓުން (7) ފައްތަރު ފަރަގުވުން (8) ނ ގަޑުބަޑު
ހަމަވައި
ނ (1) ހަމަރޯޅި (2) ނިވަލެއްނެތި ޖެހޭވައި (3) މަޖާޒު: ދިރިއުޅުމުގައި ދިމާވާ އުނދަގުލަށްފަހު ލިބޭ ފަސޭހަ
ހަމަވައިގައިޖެހުން
މ (1) ނިވަލެއްނެތި އަންނަވައިގައި ޖެހުން (2) މަޖާޒު: މީހެއްގެ އުޅުން ވަކިގޮތަކަށް ހަމަނުޖެހި އުޅެއުޅެފައި އެއްގޮތެއްގައި ހަމަޖެހުން