radheef.info
ރަދީފު


އެކަނި
ކއ (1) އެހެން މީހެއްނެތި (2) އެކަހެރީން
އަތުލަފިކުރުން
މ (1) ވަރުނެތް މީހަކު ހިނގާފައިދާއިރު އެމީހާގެ އަތުގައި ހިފައި އެމީހަކަށް ތިމާ ބާރު ދިނުން (2) ވަރު ނެތް މީހަކަށް އެކަނި ނުހިނގިގެން އަނެކަކު އެމީހާގެ އަތުގައި ހިފައި އެމީހަކު ދިއުމުގައި އެމީހާއަށް ތިމާބާރު ދިނުން
އުޑަފައިން އިނުން
މ އެއްވެސް ތަނެއްގައި ފިނދުމަސްގަނޑު ނުޖެހި ހަމައެކަނި ދެފައިގެ ބާރުގައި އިނުން މިގޮތަށް އިންނައިރު ހުންނާނީ ދެފައިގެ ކުޑަކަޅުވާ މަހުގައި މާކަޅުވާމަސް ޖެހިފައެވެ
އެކަހެރި
ނ (1) އެކަނި (2) އެހެނިހެން މީހުންނާއި ދުރު ނުވަތަވަކި
އެކަހެރިކަން
ނއނ އެކަނިކަން
އެކަހެރިވުން
މ އެކަނިވުން
އެކަނިވެރިކަން
ނއނ އެކަނިވެރި
އެކަނިމާއެކަނި
ކއ "އެކަނި" މިބަސް ގަދަކުރާން ބުނާ ގޮތެއް
އެކަނިފިލުން
މ (1) އެކަނިވެރިކަން ކެނޑުން (2) ފޫހިފިލުން
އެކަނިފިލުވުން
މ (1) އެކަނިކަން ކެނޑުވުން (2) ފޫހިފިލުވުން
މަސްމާރުކޭޓް
ނ ހަމައެކަނި މަހުގެ ބާވަތްތައް ވިއްކާތަން
މަޖާކުރުން
މ މާބޮޑު މަގުސަދެއްނެތި ހަމައެކަނި އުފާކުރުމުގެ ގޮތުން ސަމާސާ ކުރުމާއި ކުޅިވަރު ކުޅުމާއި ސަކަރާތް ގަތުން
މާގަސް
ނ (1) މޭވާއެއްނާޅާ ހަމައެކަނި މާ އަޅާގަސް (2) މާގަހާ އެއްގޮތަށް ހަދައިފައި ހުންނަގަސް
މުނިއަވަސްފިލުވުން
މ (1) ހިތްހަމަޖެއްސުން (2) އުފާކޮށް މަޖާކުރުން (3) އެކަނި ފިލުވުން
މުފަރަދުބޭސް
ނ ދިވެހިބޭހުގެ ބާވަތްތަކުގެ ތެރެއިން އެހެން އެއްޗެއް ބޭނުން ނުކޮށް ހަމައެކަނި އެއެއްޗަކުން ބޭސް ހެދޭއެތި. މިސާލު: އެސްމާ ތަކޫވައް
ފަޅުފިލުވުން
މ (1) ހުސްކަން ކެނޑުވުން (2) އެކަނިވެރިކަން ފިލުވުން (3) މަޖާޒު: ޒީނަތްތެރި ކުރުން
ދޮޅިޖެހުން
މ ހަމައެކަނި މޫނު ފެންނަގޮތަށް ނަމާދުފޮށާ ބޮލުގައި އެޅޭނެގޮތް ހެދުމަށްޓަކައި ދަތްދޮޅިއާ ހަމައިން ތިރިއަށް ތަންކޮޅެއް ފަހައިލުން ނުވަތަ ދަތްދޮޅިން ފެށިގެން ތިރިއަށް ފަހައިލުން
ފިހާރައަށްދާ ކުޅިގަނޑު
ނ އޮށްވަޅު ކުޅުމުގައި ކުޅޭ ކުޅިގަނޑެއް މިއީ ކުޅޭ މީހާ އިންނަ ފަރާތަށް އެކަނި ބޮލިއަޅައިގެން ހުރިހައި ވަޅުތަކުންވެސް ފިހާރައަށްގޮސް ހުރިހައި ފުއް ހުސްކުރާ ކުޅިގަނޑެކެވެ މީގައި ބޮލިއަޅާނީ އެއްވަނަ ވަޅަށް )ފިހާރައާ އެންމެ ކައިރިވަޅަށް( އެއްފުއް ދެވަނަ ވަޅަށް ދެފުއް މިއުސޫލުންނެވެ
ފުދިވޮޑިގެންވުން
މ އެހެން އެއްޗަކަށް ބޭނުންވެ ވޮޑިގެން ނުވުން )މިބަސް ބޭނުންކުރަނީ ހަމައެކަނި މާތްﷲ އަށް ނިސްބަތްކޮށެވެ
ދުންބަޑި
ނ (1) ވަޒަންނުލައި ހަމައެކަނި އަޑުއިވޭގޮތަށް ޖަހާބަޑި މަޖާޒު: (2) ނަތީޖާއެއްނެތް ޢަމަލު
ދެފަށްދަންމާނުގައި
މަޖާޒު: ގެއެއްގެ ނުވަތަ ތަނެއްގެ ހުރިހާ ކަމެއް އެކަނިމާއެކަނި ކުރަން ޖެހުމުން ބުނެއުޅޭ ބަހެއް