radheef.info
ރަދީފު


އުޅަނދު
ނ ދައުލަތުގެ ފުރާދުއްވާތަކެތި މީގައި ރިއްސެޔޮފަށް ދަމައިފައި ހުންނާނެވެ
ކަލޭގެ
ނ (1) ނަމުން ނުބުނެ ފިރިހެނަކާ ދިމާއަށް ބުނާގޮތެއް މިގޮތަށް ކިޔައިއުޅެނީ އާދައިގެ ފިރިހެނުންނާ ދިމާއަށެވެ (2) އުޅަނދުމަތީގެ ދަރަޖައެއް ލިބިފައިވާ މީހާ
ކަސަބުކަން
ނ ސަރުކާރުގެ ކަނޑުމަތީ އުޅަނދު ފަހަރާއި އިހުގައި މާލޭ މައިކަނޑިންމައިގެ ބައްތި ދިއްލުމުގެ ސަރުކާރު ވަޒީފާ
ކުނބުކޮޅުގޮވުން
މ ރިޔާނަގާ އުޅަނދު ފަހަރުގެ ކުނބުކޮޅުން ވައިމަޑުއިރަށް ކުރުކުރު އަޑުކިއުން
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑަކުނބު
ނ އެއްކުނބަށްވުރެގިނަ ކުނބުޖަހައިފައި ހުންނަ ފުރާދުއްވާ އުޅަނދު ފަހަރުގައި އެންމެ ކޮޅުފަސްކޮޅުގައި ހުންނަ ކުނބު
ކެނބުން
މޫދުގައި ނުވަތަ ކޯރުގައި އުޅަނދުފަހަރު ކުރިޔަށް ގެންދިއުމަށް ދިގުދަނޑި އެއްގެ ފޫއަޑީގައި ވިދެވިދެފައި ކޮއްޕުން
ކޮންނަބޯޓު
ނ ތަންތަންކޮނެ ފުންކުރަން ބޭނުންކުރާ މެޝީން ހަރުކޮށްފައި ހުންނަ އުޅަނދު
އަރުމާދު
ނ ރަދުން ރާއްޖެތެރެއަށް ކުރައްވާ ދަތުރުފުޅު މިދަތުރުފުޅުގައި ދައުލަތުގެ ވަރަށް ގިނަ އުޅަނދުތަކާއި ދައުލަތުގެ ވަރަށް ގިނަ ބޮޑުން ބައިވެރިވެވަޑައިގަނެއެވެ
އުޅަނދުމަތީބޭކަލުން
ނ އުޅަނދުމަތީގެ ދަރަޖަ ދެއްވާފައިތިބޭ މީހުން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
ވައިކަރަދޫ ބޮޑުރޯނު
ނ އިހުޒަމާނުގައި ދިވެހި ގުރާބުތަކުގެ ބޭރުގައި ހަރުކުރަން ތައްޔާރުކުރާ ރޯނެއް. މިހަރުކޮށްފައި ހުންނަނީ ބޮނޑިބޮނޑިހުރިގޮތަށެވެ. މިހަރުކުރުމުގެ ބޭނުމަކީ ބަޑީގެ އުންޑައިން އުޅަނދު ސަލާމަތް ކުރުމެވެ
ވެދުންއޮޑި
ނ ވެދުން ގެންދާ އުޅަނދު
މައިފަތް
ނ (1) އިހުގައި ރަށްރަށުގެ ވަރުވާ ނަގަން ވީގޮތް ލިޔެވިފައި އޮންނަފޮތް (2) ދަތުރުކުރާ އުޅަނދު ފަހަރަށް އަރުވާ ތަކެތީގެ ހިސާބު ލިޔެފައި ހުންނަ ފޮތް ނުވަތަ ކަރުދާސް
މަތިންއެއްލުން
މ ރިޔާނަގައިގެން ދަތުރުކުރާ އުޅަނދުފަހަރު އަނބުރައިނުލާ ރިޔާ އަނެއް ފަރާތަށް ފުރޮޅައިލުން
މަލިޔާގަނޑަ
ނ )ސ ( އޮޑިދޯނިފަހަރު އެހެލާ ބޭލުމުގައި ބޭނުންކުރާ ދެވައު އުޅަނދުގެ މައްޔަލުގެ ކައިރިއަށްލާފައި އެއްކޮށްހަދާ ކުސަގަނޑު
މަސްއޮޑި
ނ (1) މަސްވެރިކަން ކުރަން ބަނދެފައި ހުންނަ އުޅަނދު (2) މަސްދޯނި
މާލިމީ
ނ (1) ދަތުރުކުރާ އުޅަނދުގެ ފަހަރުގެ ނިޔަމި (2) މުޢައްލިމް (3) މަޖާޒު: ދައުލަތް ހިންގުމުގެ އެންމެ އިސްވެރިޔާ
މާލިމީކަން
ނ (1) ދަތުރުކުރާ އުޅަނދުފަހަރުގެ ނިޔަމިކަން (2) މުޢައްލިމުކަން (3) މަޖާޒު: ދައުލަތް ހިންގުމުގެ އެންމެ އިސްވެރިކަން
މުދިމު
ނ (1) މިސްކިތް ބެލެހެއްޓުމާއި ފަސްވަގުތު ބަންގި ގޮވައި އިސްވެ ނަމާދުކޮށް އުޅުމަށް ދައުލަތުން ވަޒީފާ ދެއްވާފައިވާ މީހާ (2) އިހުގައި ބޭރު ދަތުރުކުރާ ސަރުކާރުގެ އުޅަނދުތަކުގައި ބަންގިގޮވައި އިސްވެ ނަމާދުކޮށް އަދި ކަށުކަމާކެމީގެ ކަންތައް ކުރުމަށް ދައުލަތުން ވަޒީފާ ދެއްވާފައިވާ މީހާ (3) އިހުގައި އަވަށް އަވަށުގެ ސަރުދާރުންގެ ދަށުން ކަންތައްތައް ކުރުވަން ސަރުކާރުން ލައްވައިފައިވާ މީހާ
މެދުކުނބު
ނ (1) ތިންކުނބު އުޅަނދު ފަހަރުގެ މެދުގައި ހުންނަ ކުނބު (2) ކުނބުގެ މެދު