radheef.info
ރަދީފު


އިރުވައި
ނ (1) މޫސުމެއްގެ ނަން މިމޫސުން އޮންނަނީ މުލަ ނަކަތުން ފެށިގެން ރޭވަ ނިމޭން ދެންނެވެ (2) އިރުމަތީ ފަރާތުން ޖެހޭވައި
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިރުވައިމަސްވެރިކަން
ނ އިރުވައިލައިގަތީމާ އަންނަ މަސްވެރިކަން
އިރުވާހުދު
ނ މާކަނާ ފާޑުގެ އެއަށްވުރެ ކުޑަ ހުދުދޫންޏެއް. ހުޅަނގުވީމާ ރަތްރީނދޫ ކުލައިގެ ފަތްތަކެއް މީގެ ހުޅިގަނޑުންނާއި ބުރިކަށިމަތިން ފައުޅުވެއެވެ. އިރުވައި ވީމާ އެފަތްތައް ހުދުވެދެއެވެ
އުތުރަހަޅަ
ނ އެކާވީސްވަނަ ނަކަތް މިއީ އިރުވައިގެ ތިންވަނަ ނަކަތެވެ
އެންވަށިބޮނޑި
ނ )ހ ( މަސްދޯނިފަހަރަށް އެންވަށިލާ ގޭގެއިން އިރުވައި ހުސްވީމާ އެދޯނިން މަހަށްދާ މީހުންނަށް ދޭކެއުން
އޮއިކަޅު
ނ އިރުވައި އޮއި އަންނައިރު ވިއްސާރަ ވިލާހެން ނަގާ ކަޅުވިލާގަނޑުގަނޑު
އޮއިކުރި
ނ އިރުވައި އޮއި އައުމުގެ ތަންކޮޅެއްކުރި
އޮއިކުރީމަސް
ނ އިރުވައި އޮއި އައުމުގެ ތަންކޮޅެއް ކުރީން އަންނަ މަސްވެރިކަމުގެ މަސް
އޮއިކުރީމަސްވެރިކަން
ނ (1) އިރުވައި އޮއި އައުމުގެ ތަންކޮޅެއް ކުރީން އަންނަމަސްވެރިކަން (2) ނުރަހީ މަސްވެރިކަން
އޮއިވާލިމިޔަރު
ނ އިރުވައިގެ އޮޔާއެކު އަންނަ ކުނިކުނި ކޮޅުގައި އަޅާފައި ހުންނަ މިޔަރު
ވައިހޮޅި
ނ (1) ވައިވައްދާ ނެރެވޭގޮތަށް ބޭނުންކުރާން ހަދައިފައި ހުންނަ ހޮޅި. (2) އިރުވައިގައި މަޑި ގުޑި ފަދައިން އިލޮށިން ނުވަތަ އޮނުން ހަދައި ކަރުދާސްތަތްކޮށްގެން އެއްލާ އެއްޗެއް މިއޮންނާނީ އެކިފަލަ މިނުގައި ހޮޅިބުރިއެއް ހެންނެވެ ދެކޮޅު ނުބެދިއެވެ މިޔަށް ބެރު އޮނިވެސް ކިޔައެވެ
ވައިއެނބުރޭމޫސުން
ނ ދެމޫސުން ބެދޭ ދުވަސްވަރު. މިމޫސުމަކީ ހުޅަނގު ހުސްވާއިރު ނޮރަ ދޮށަ މިދެނަކަތާއި އިރުވައި ހުސްވާއިރު ރޭވަ އައްސިދަ މި ދެނަކަތާއެވެ
ވައިފިޔަމަޑި
ނ (1) މޫދުގައި އުޅޭ ބާވަތެއްގެ މަޑިޔެއް މީގެ ފިޔަގަނޑު އާދައިގެ މަޑިޔަށްވުރެ ދިގުވެފައި ތުނިވާނެއެވެ (2) މިމަޑީގެ ސިފައިގައި އިލޮށިފަދަ އެއްޗަކުން ހަދައި ކަރުދާހުން ހިއްޕައިގެން އިރުވައިގައި އެއްލާން ގެންގުޅޭ އެއްޗެއް
ވައިދުނި
ނ (1) އާދަޔާ ޚިލާފަށް އުޑުމަތީން ފެންނަ ހުދު ދިގު ތުނި ވިލާފަށެއް މިއީ ވައިޖެހޭނެ ކަމުގެ ލިޝާނެއްކަމަށް ބުނެއުޅެއެވެ. (2) އިލޮށީން ނުވަތަ އޮނުން ކުރުފަލަ ތުތިމަހަކާ ގާތްސިފައަކަށް ހަދައިފައި ކަރުދާހުން ހިއްޕައިގެން އިރުވައިގައި އެއްލާން ގެންގުޅޭ ގުޑީގެ ބާވަތެއް މީގެ ތިރީގައި ކުޑަ ފިނދުފަތެއް ހުންނާނެއެވެ
ވަވޮއި
ނ ހުޅަނގަށް ދަމާ އޮއި އިރުވައި އޮއި
މާމަސް
ނ އިރުވައިގެ މެދުތެރެ. )ހުވަން ދިނަށައިގެ ދުވަސްވަރު( މިސާލު: މާމަހުގެ މެދުދުވަހެކެވެ އުޑުތާކު ވިލާރޮއްޖެއްނެތެވެ
މުލަ
ނ (1) އިރުވައިގެ ފުރަތަމަ ނަކަތް (2) ނއ ފުރަތަމަ (3) )ބދ ( އުރަމަތި (4) ބޮޑު
މުލަހަޅަ
ނ (1) މުލަނަކަތް (2) އިރުވައިގެ ފުރަތަމަ ހަޅަ
ފަސްބަދުރުވަ
ނ އިރުވައި މޫސުމުގެ އަށްވަނަ ނަކަތް
(2) އިރުވައިކޮލި ބަލާ! ފާރުދޮށްކޮށައިދަމަށްއެރުން
މ (1) އިހުގައި އިރުވައި ކޮލިލާފައި އަންގާ އެންގުމެއް. މިއީ ބޮޑުފާރު ދޮށާއި ބުރުޒުތަކުގެ ކައިރިން ގަސްތައް ކޮށައި ވިނަ ނޮޅައި ސާފުކޮށް ބުރުޒުތަކުގައި ފާރަޔަށް )ދަމަށް( ތިބުމަށް އަންގާ އެންގުމެކެވެ