Radheef, ދިވެހިބަހުގެ ރަދީފު، އިހުގެ މާނަ

radheef.info

ނ (1) ވޭތުވެދިޔަ ޒާމާން (2) މިހާރުގެކުރި

އިންތިޒާރު

ނ ކަމަކަށްޓަކާ ބަލަބަލައިހުންނަ ހުރުން

އެތްބަދި

ނ )ބދ ( އިހުބުނިހައި ބަސް

މިންބަރު

ނ މިސްކިތުގައި ޚުޠުބާ ކިޔާމީހާ އަރައިހުންނަން ހަދައިފައި ހުންނައެތި ނުވަތަ ތަން

ހަވަރުކެނބު

ނ ބޮޑެތިފަލަ ކެނބު އިހުގައި މިކަހަލަ ފަލަ ކެނބު އަޅަނީ ހަވަރު ނުކުންނަވައިގެންނެވެ އެއަށް މިނަން ކިއުނީ މިހެން ވެގެންނެވެ

ހަވަރުއޮޑި

ނ އިހުޒަމާނުގައި ހަވަރު ތިނަދޫން އަހަރަކު އެއްފަހަރު ހަވަރަށް އެރަށުގެ ވަރުވާ ހިފައިގެން އަންނައޮޑި

ހަތަރުބޯފޮޅި

ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.

ހަތަރުފަތިފޭލި

ނ އިހުގައި އަންހެނުން އަނދެއުޅުނު ފޭއްޔެއް. މިފޭލިވިޔެފައި ހުންނަނީ އެއްތަތުނުގައި ހަތަރުފޭލި އޮންނަ ވަރަށް ފުރައިގެންނެވެ. މި ތިންފަތި ފޭއްޔަށްވުރެ ދެރަވާނެއެވެ

ހަތާވީސް ކިޔެވުން

މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ

ހަތްފިޔަވަޅުބެރު

ނ ހުކުރު ދުވަހު 9 ޖެހީމައި ޖަހާބެރު އިހުގައި މިބެރުޖަހާ އުޅުނީ ހިޔަނީގައި ހަތްފިޔަވަޅު ހުންނަ ހިސާބަށް އިރު އެރީމައެވެ

ހަލާބަޑި

ނ އިހުގައި އިރުވަޔަށް ބަޑިހެލުމަށް ތައްޔާރުކުރާ ބަޑި

ނ (1) މަސްތުވުމަށް ބޭނުންކުރާ ހިއްކައިފައިހުންނަ ގަހެއް (2) ކެނަބިސް

ހާސްގަނޑުފޮތީތާކިހާ

ނ ކުލަކުލައިގެ ފޮތިކޮޅުތަކެއް އެއްކޮށްގެން ހަދައިފައި ހުންނަތާކިހަލެއް. މީގެ ދެބާވަތެއް ހުރެއެވެ. އެއްވައްތަރަކީ ރަތާ ހުދާ ކަޅާ ރީނދުލާ މިހަތަރުކުލައިގެ ފޮތިފޮތިކޮޅުން ގޮޅިހަމަކޮށް ހަދައިފައި ހުންނަވައްތަރެކެވެ ބޭރުގެ ތަންތާނގެ ބޮޑުން ފަގުޑިއޮޅައިފައި ހުންނަނީ މިބާވަތުގެ ތާކިހަލުގައެވެ ރާއްޖޭގެ ރަސްމީ ބަޔެއްހެދުމުގައި މިކަހަލަތާކިހާ ބޭނުންކޮށް އުޅުނެވެ އަނެއް ވައްތަރަކީ ކުލަކުލައިގެ ފަށުއިން ތަންކޮޅެއް ދިގުކޮށް ވިޔެފައި ހުންނަވައްތަރެކެވެ އިހުގެ ސޯޅިޔާއިން އަޅާއުޅުނީ މިކަހަލަތާކިހަލެވެ

«1 2 3 4 5 6 »