radheef.info
ރަދީފު


އަކަ
ނ (1) ހަތަރެސްކަންގޮޅި (2) އެތައް ޢަދަދަކަށް ޖަހައިފައި ހުންނަ ހަތަރެސް ކަންގޮޅިތައް މިސާލު: ނުވަގެވަޅުއަކަ ސޯޅަގެވަޅުއަކަ (3) ނއ ހަތަރެސްކަން
ވޮށިމަސް
ނ (1) ފަރުކައިރީގައި އުޅޭމަހެއް މިމަސް ހުންނަނީ ލައްޓިއާ ދާދި އެއްސިފައަކަށް ކުރެހުންނެތި އެއްކުލައަކަށެވެ
ނައިރު
ނ (1) ކުއްލިއަކަށް ރުޅިއަންނަ މީހާ (2) ނޭއްދާރުކަން ހުންނަމީހާ
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަގިލިކަސްމަތިންދިއުން
މ (1) ނަގިލިލައިފައި އޮންނަ ކެނބު ބޯރުދޫއާ ހަމައިން ކަނޑައިލުން (2) މަޖާޒު: ކުއްލިއަކަށް އަނބިމީހާ ވަރިކުރުން
ނާށިޖެހުން
ނ މިއުޒިކުގެ ހަމައަށް ދެނާށި ދެނާށްޓަށް ތަޅަމުން ވަކިސިފައަކަށް ނަށަމުން ލަވަކިޔައިފައި ކުޅޭ ކުޅިވަރެއް
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނުދޮންނަފޮތި
ނ (1) ކުކުޅުބިސް ކުލައަކަށްދާ ކުޑަކޮށް ތެޔޮގޮތް ހުންނަ ދެރަފޮއްޗެއް އިހުގައި މިފޮތި އަންނަންވެސް ގެންގުޅެއެވެ (2) އަންނަފޮތި
ނޫމަސް
ނ ރަތްމަހުގެ ޢާއިލާގެ މަހެއް މިއީ ދޮންނޫމަހާ ވަރަށް ވައްތަރު ސިފައެއް ހުންނަ މަހެކެވެ މަހުގެ ކުލައަކީ ގަދަނޫކުލައެވެ ބަޑުދަށްފަރާތް ހުންނަނީ ހުދު ކުލައެއްގައެވެ ކޮތަރިބައިތައް ހުންނަނީ ފަނޑުމުށިކުލައަކަށްދާ ރީނދޫ ކުލައެއްގައެވެ ނުވަތަ ހުދުކުލައެއްގައެވެ
ނެށުން
މ (1) ހަމައެއްގެ މަތިން ހެލިފެލިވެ ޙަރަކާތްތަކެއް ކުރުން (2) ނ ރާގަކަށް ނުވަތަ ލަވައަކަށް ހަމަކޮށް ފައި ޖެހުމާއެކު ހަށިގަނޑަށް ގެންނަ ހެލިފެލިވުމެއް
ރަންކޮކާ
ނ (1) ރަންރީނދޫކުލައިގެ ވިދާކޮކާލެއް މަޖާޒު: (2) ބަނޑުހައިވެގެން ގޮސްމާބޮޑުވަރުވީމާ ލޮލަށް ފެންނަހެން ހީވާއެއްޗެއް ހަށިގަނޑު ދެރަވެފައި ހުންނައިރު ގިނައިރުވާންދެން އުޑަފައިން އިށީނދެ އިނދެފައި ކުއްލިއަކަށް ތެދުވީމާވެސް މިފެނެއެވެ (3) )ޅ ( ލޭކޮކާ
ރަންފާނަ
ނ ފާނައިގެ ބާވަތެއް މީގެ ކުލައަކީ ރަންކުލައެވެ މަހުގެ ބޮލާއި ހަށިގަނޑުގައި ނާރިގު ކުލައަކަށްދާ ރީނދޫ ކުލައިގެ ކުދި ތިކިތަކެއް ހުރެއެވެ މަހުގެ ނިގޫފަތުގެ ކޮޅުގައި ނޫކުލައިގެ ހިމަ ފަށެއް ހުރެއެވެ
ރައްޓެހިވުން
މ (1) ދެކެފަރިތަވުން (2) ރަށުގެ އަހުލުވެރިއަކަށްވުން
ރަތްކިރުޅިރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ދަނބުކުލައަކަށްދާ ކިރުޅިކުލައެކެވެ ކަންފަތްމަތީގައި ތިނެސްކަނަށް ްހުންނަ ހުދުކުލައިގެ ލަފެއް ހުރެއެވެ މިމަހުގެ ބުރިކަށިމަތީގެ ކޮތަރިބައިގެ ކަށިތަކުގެ ދެކަށިދޭތެރޭގެ ދުލިފަށުގައި ހުންނަނީ މަޑު ރަތްކުލައެވެ
ރަސްއައިން
ނ އެތައް ކުރިއަކަށް ތިލަވެގެން އުޅޭ ތަފާތު ބާވަތްތަކާއި ތަފާތު ސައިޒުގެ މަސް އެކުލެވޭ ކަނޑުމަހުގެ ބޮޑެތި މަސްއައިން
ރާޅާޖެހުން
މ ދުވެފައިދާ އެއްޗެއް ރާޅުމައްޗަށް އުފުލާލައިފައި ކުއްލިއަކަށް ތިރިވުން
ރާސް
ނ (1) ކުދިކުދި ހިކިއެއްޗެހިތަކެއް ކުއްލިޔަކަށް ފައިބައިގަތުމުގެ އަޑު (2) ފޮތިގަނޑެއް ކުއްލިއަކަށް ވީދާލާއަޑު (3) ގަހެއްގެ އޮފިގަނޑެއް އިރައިގެންދާ އަޑު (4) މުރަނަ އެއްޗެއް ހަފާލާ އަޑު (5) އެތައްބަޔަކު އެއްފަހަރާ އަވަސް އަވަހަސް ތަނަކަށް ވަދެ ނިކުމެވާ އަޑު
ރިއްމަސް
ނ މުށިމަހުގެ ސައިޒުގެ މަހެއް މިއީ މަހުގެ މަތީބައިގެކުލަ ނޫކުލައަކަށް ދާ ފެހިކުލައެއްގައި ހުންނަ އައިން އައިން ގަނޑަށް އުޅޭމަހެކެވެ މި މަސް އާއްމުކޮށް އުޅެނީ އެތެރެވަރީގެ ކަނޑުތަކުގައާއި ފުން ވިލުވިލުގައެވެ މިއީ ކަށިގިނަ މަހެކެވެ
ރިއްސައިގަތުން
މ ކުއްލިއަކަށް ރިހުމެއް ގަދަވުން
ރިޔާލަ
ނ ފައިސާއަކަށް ކިޔާނަމެއް މިސާލު: ސައޫދީ ރިޔާލަ
ރިޕޯޓުކުރުން
މ ގަވާއިދާ ޚިލާފަށް ކުރިކަމެއް ސަރުކާރަށް ނުވަތަ ކަމާބެހޭ އިދާރާއަކަށް އެންގުން