radheef.info
ރަދީފު


އަޅު
ނ (1) ކޮންމެ އިންސާނަކީ ﷲގެ އަޅެއް (2) މީހަކަށް މިލްކުވެފައިވާ މީހާ (3) މިނިވަންކަން ލިބިގެންނުވާމީހާ (4) ދުޢާކުރާއިރު ނިކަމެތިކަމުގެ ގޮތުން "އަހަންނޭ" ބުނާބަސް
އަވަށުކުދިން
ނ އިހުގައި މާލޭގެ އަވަށްއަވަށުގައި މަސައްކަތްކުރާއިރު ބައެއް މަސައްކަތްކުރުމަށް ޚާއްޞަވެފައި ތިބޭ ކުދިން މިކުދިންނަށް ކިޔައި އުޅޭނީ "ތެޔޮއަޅުވާ" ކުދިންނެވެ
ވޮށްބައިން
ނ ވޮށް އަޅުވާން އެލުވައިފައި ހުންނަ މަޅި
ނަރު
ނ (1) މަޢުދަނީ ބާވަތަކުން އުފައްދާ ހިމަފަށް. (2) ބޮނބި، ކަށިކެޔޮ، ތޮރާ، މިފަދަތަކެތީގައި ހުންނަ ހިމަ ހަރު ފަށް. (3) މިއުޒިކު ކުޅޭސާމާނުގައްޔާއި ކުޅިވަރުކުޅޭ ބައެއް ކަހަލަ ރެކެޓްގައި ފުރާފައި ހުންނަ ފަށް (4) ހިމަ ފަށްފަށަށް ވާގޮތަށް ތައްޔާރުކޮށްފައި ހުންނަ ބައެއް ކާތަކެތި މިސާލު: (ހ) ހަލުއިދާނަރު (ށ) ފަޅޮލު އަސާރައިގެ ނަރު (5) ވެޔޮވެލުގެ ފަތްވަޅުން ފަޅައިފައި ހުންނަ ހިމަފަށް (6) ފުރާދުއްވާތަކެތީގެ ހުންގާނުގައި މާދާއަޅުވަން މައްޔަލުގައި ހަރުކޮށްފައިހުންނަ ލޯފޯލި (7) (ބދ) ހިމަކަން
ނަރުކޮއްޓި
ނ ކޮއްޓާފޮށި. މިއީ ފުރައިފައި ހުންނަ ނަރުތަކެއްގައި ތުނިއެތިކޮޅަކުން ކޮއްޓަމުން ނަންބަރު ޖަހައިފައި ހުންނަ އަޑުތަކަކަށް އޮބަމުން ރާގުއަޅުވާ ހަނި ދިގު ފޮއްޓެކެވެ އަޑުތައް ހުންނާނީ ދެބަރިޔަށެވެ
ނަރުމާދާ
ނ ހުންގާނު އަޅުވާދެތަން
ނަމާދު
ނ ޚާއްޞަވެގެންވާ ޝަރުޠުތަކަކާއި ލައިގެން ތަކުބީރަކުން ފެށޭ ސަލާމު ދިނުމަކުން ނިމޭ ކަންތައްތަކަކާއި ދުލުން ކިޔޭ ކިޔުންތަކެއް ހިމެނޭ އަޅުކަމެއް
ނަމާދުކުރުން
މ ޚާއްޞަވެގެންވާ ޝަރުތުތަކަކާއި ލައިގެން ތަކުބީރަކުން ފެށޭ ސަލާމް ދިނުމަކުން ނިމޭކަންތައްތަކަކާއި ދުލުންކިޔޭ ކިޔުންތަކެއް ހިމެނިގެންވާ އަޅުކަމެއްކުރުން
ނާށިތާރަ
ނ ނާށްޓެއްގެ އަނގަ މަތީގައި ހަންއަޅައި އެހަން ތޮރުފައި ރޮއްޖެއް ލައިގެން އެރޮދީގެއަނެއް ކޮޅުގައި މަޅިއެއް ހަދައިފައި ދަނޑިގަނޑެއްގައި އަޅުވައިގެން އެނބުރީމާ އަޑުގޮވާ އެއްޗެއް
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާނާކިއުން
މ (1) ކުދިން ނިންދަވާން ލަވަކިއުން (2) ހަމައެކަނި އަޑުން ރާގުއަޅުވައިލުން
ނިޔަތް
ނ (1) ގަސްތު (2) ނަމާދު ރޯދަ ފަދަ އަޅުކަންތައް ކުރަންފަށާއިރު ދުލުން ކިޔާ ބަސްތައް
ނެއްޓުން
މ (1) ހަރުވެފައި ނުވަތަ ހަރުކޮށްފައި ހުރި އެއްޗެއް ވަކިކުރުން (2) އަޅުވާފައިހުރި އެއްޗެއް ނެގުން (3) ތަތްކޮށްފައިހުރި އެއްޗެއް ވަކިކޮށްލުން (4) ބޮލުގައި އެޅިފައިވާ ކަމަކުން ރެކިގަތުން (5) އޮޅުލުމުގައި ބައްދާފައިވާ ބެއްދުމުން ސަލާމަތްވުން (6) ނެށުން މިބަސް ކުރުވުމުގެ މާނާގައި ބުނާގޮތް (7) އެޅުވުމުގެ އިދިކޮޅު
ރަންދަނޑި
ނ (1) ބިމުގެ އަޑީގައި ދުވާކަމަށް ހީކުރެވޭ ރަނުގެ ދަނޑި (2) )މކ ( މާކެޔޮޅު ކަމުދާމީހުން މިޔަރުގައި އަޅުވާން ގެންގުޅޭ މަޅިއެއް
ރާހިބު
ނ ޔަހޫދީ ދީނުގެ އަޅުވެރިޔާ
ރާކަނިގަނޑު
ނ ރާބަދި އަޅުވާން ޖަހައިފައި ހުންނަ ކަނިގަނޑު
ރިޔާ
ނ (1) ފުރާދުއްވާ ތަކެތީގައި ވައިއަޅުވާން ނަގާފޮތިގަނޑު މީގެތެރޭގައި ހަތަރެސްކަން ރިޔަލާއި ކަތިރިޔާ ހުރެއެވެ (2) ފެހުރު
ބަންކެޓު
ނ ގޮދަޑީގެ އެތެރެއަށް ލައްވައިފައިވާ އެއްޗެހި ކޮޅުކޮޅަށް ދިޔަނުދިނުމަށް ދެފަރާތަށް ފޫއަޅުވައި ހަރުކުރުމަށް އައްސާ އެއްސުން
ބަންކެޓުޖެހުން
މ ގޮދަޑީގެ އެތެރެއަށް ލައްވައިފައިވާ އެއްޗެހި ކޮޅުކޮޅަށް ދިޔަނުދިނުމަށް ދެފަރާތަށް ފޫއަޅުވައި ހަރުކުރުމަށް އެއްސުން
ބައިތުލް މަޢުމޫރު
ނ ގެފުޅާ ދިމާ މަތީގައި ހަތްވަނަ އުޑުގައި މަލާއިކަތުން އަޅުކަން ކުރައްވާތަން
ބައިސްކޯފު
ނ ފިލްމެއްގައި ހުންނަ އެއްޗެއް ޕުރެޖަކްޓަކުން އިސްކިރީނަކަށް ހިއަނި އަޅުވައިގެން ދައްކާ ތަސްވީރު