radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ހަކުރުދެންޏާ ބޮޑުބޭބެ
(މުސްކުޅިބަހެއް) ތިމާއަށް އެއްޗެހި ދޭމީހާ ގާތްމީހެއްކަމަށް ވާނެކަން ބަޔާންކުރުމަށް ބުނާބަހެއް
ހާރު
ނ (1) ރޯދައަށް ހުރުމަށްޓަކައި މެންދަމުގެ ފަހުގައި ކާ ކެއިން (2) އަންހެނުންގެ ކަރުގައި އަޅާ ގަހަނާއެއް
ހާއްޔޯ
އކ ޖަނާވާރު ދުއްވުމަށް ބުނެއުޅޭ ބަހެއް ހިތާނުވުމުގެ ގޮތުން އިންސާނުންނާ ދިމާއަށްވެސް މިބަސް ބުނެއުޅެއެވެ
ބަހުންޖެހުން
މ މީހަކަށް އަސަރުކުރާނޭ ކަހަލަ މާނައެއްލައިފައި އެމީހާއާއި ދިމާއަށް ނުވަތަ އެމީހާއަށް އިވޭނޭހެން އެހެންމީހަކާ ދިމާއަށް ސަމާސާގެގޮތުން ބަހެއް ބުނުން
ބަށިގަން
ނ ބަށީގައި ކައްކާ ފޮނި ހިކިރިހައެއް. މިހަދަނީ ބަށި މުޅިން ވަކިނުކޮށް ހަތަރުފަޅިއަށް ފަޅާ ވަކި ވަރަކަށް މަޑުކޮށްލުމަށްފަހު އޭގެ ތެރޭގައި ހުރި އޮށްތަކާއެކު ކަރުގަނޑުނަގާ މަސްކޮޅެއްމޮޑެ އޭގެ ތެރެއަށް ލޮނުމިރުސް ހަވާދުކޮޅަކާ ބަށިން ނެގި ބަޔާ އަޅައިއެއްކޮށް މޮޑެ އެއިން އެއްބައި ބަށީގެ އެތެރެއަށް އަޅައި ރޮދިން ބަށިބަނދެލާ ގިތެޔޮފޮދެއްގައި ބާކީ ހުރި ހަވާދުކޮޅު އަޅައިގެން ފުށްފުށަށްޖަހައި ރަނގަޅަށް ރޯފިލުވައިގެންނެވެ
އިނގިލިމެޅުން
މ (1) އިނގިލި ލެއްޕުން. (2) ސިހުރުކޮށްފައި ނުވަތަ ރުޅިއައިސްގެން މީހަކާ ދިމާއަށް ނުވަތަ އެއްޗަކާ ދިމާއަށް ޝަހާދަތް އިނގިލިން އިޝާރަތްކުރުން ބައެއްފަހަރަށް ސަމާސާގެ ގޮތުންވެސް މިހެން ހަދައެވެ
އެތެރެވަތް
ނ އޮޑިދޯނިފަހަރުގެ އެތެރެއަށްވާ ހިސާބު
އެތެރެވުން
މ (1) އެތެރެއަށް ވަނުން (2) އެތެރެއަށް ދިއުން
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލުން
މ (1) އެއްޗެއްގެ މަތީކޮޅު ތާކު ހަރުވެފައި އަނެއްކޮޅުތިރިއަށް ވީއްލިފައި އޮތުން. (2) ގަސްގަހުގެ ގޮފީގެ ކުރީކޮޅު ހުންނަންވީ ވަރަށްވުރެން ތިރިޔަށްޖެހިފައި އޮތުން. (3) ތެދަށް އޮންނަންވީ އެއްޗެއްގެބައެއް އޮންނާންވީ ވަރަށްވުރެ ތިރިޔަށް ޖެހިފައި އޮތުން. (4) މަޖާޒު: ނާކާމިޔާބުވެގެން ދެރަވުން. )އެލުނު ނނކ އެލިއްޖެ ނކ އެލެނީ ވވ އެލޭނެ ވނ އެލޭ! އމ
އެޑްރެސް
ނ (1) ހުންނަ ތަން. (2) މީހަކު ނުވަތަ އެއްޗެއް ހުންނަ ތަން. (3) ސިޓީއާއި ޕާރސަލް ފަދައެއްޗެހީގެ ބޭރުގައި އެއެއްޗެއް ފޮނުވަންވީތަން އަންގައި ދިނުމަށް ލިޔެފައި އޮންނަ ލިއުން (4) ޚުޠުބަތުލް އަރުޝި (5) ޚާއްޞަ މުނާސަބަތެއްގައި ނުވަތަ ޚާއްޞަ ގޮތެއްގައި އެއްވެފައި ތިބި ބަޔަކަށް ދިނުމަށް ތައްޔާރުކޮށްފައިވާ ތަޤްރީރު (6) މީހަކު ކުޅަ މޮޅު ކަމެއްގެ މުނާ ސަބުތުގައި އޭނާއަށް ފޮނުވާ ޝުކުރާއި މުބާރިކްބާދީގެ ލިޔުން (7) މީހަކު ތަނަކަށް ދިއުމުން އޭނާއަށް ކިޔާ މަރުޙަބާ
އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ވަރަފަތް
ނ އުދުހޭސޫފީގެ ފިޔަގަނޑުގައި އެންމެ ކުރިއަށް ހުންނަ ހަތަރު ފަތް
ވަރިފަރީގު
ނ ދެމަފިރިއަކު ދުރުކުރުވުމަށް ނުވަތަ ވަރިކުރުވުމަށް ހަދާއުޅޭ ބާވަތުގެ ފަންޑިތައަށް ބޭނުންކުރާ ބަންޖެއް
ވަރުންއެޅުން
މ (1) ދެއެއްޗެއް ނުވަތަ އެއަށްވުރެ ގިނަ އެއްޗިހިތަކެއްގެ މޮޅުދެރަ ނުވަތަ ގިނަ މަދުމިނުން ނުވަތަ ދިގު ކުރުމިނުން ނުވަތަ ބޮޑު ކުޑަ މިނުން އަޅައިބެލުން. (2) ބައިބެހުމަށްޓަކައި ބަޔަކު މޮޅުދެރަ ނުވަތަ ދިގު ކުރުމިނުން ހަމަ ހަމަ ވާގޮތަށް ބައިތިއްބުން
މިނިކާވަގު
ނ އިންސާނުންގެ މަސްކައިއުޅޭ ޖަނަވާރެއް މިއީ ބުޅަލާ ވައްތަރު އެއަށްވުރެ މާބޮޑު އެއްޗެކެވެ
މިންނާދަ
ނއ )ބދ ( އައްޑަނައަށް ކުޅަދާނަ
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހައްދަށް އެރުން
މ ކަމެއްދާންއޮތް އެންމެމަތީ ދަރަޖައަށް ދިއުން