radheef.info
ރަދީފު


ކޮޅުފަސް
ނ (1) އޮޑީގެ ކޮޅުފަސްކޮޅު މައްޔަލުގެ މަތީގައި ޚާއްޞަ ވަނައެއްލައިފައި ހުންނަ މުލައް (2) ކޮޅުފަސްކޮޅު
ފައްތު
ނ )ނ ( މަސްދޯނި ފަހަރުގެ ކޮޅުފަސްކޮޅު
ފާމުދޭރިވައްގަނޑު
ނ މަސްދޯނިފަހަރުގެ ކޮޅުފަސްކޮޅުގެ މަތިކަނުގެ ދެކޮޅު ކޮޅު ފަހުމައްޔަލާ ގުޅޭތާ އެތެރެ ފަރާތުން އަޅާވައްގަނޑު
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިލާގަނޑު
ނ (1) މަސްދޯނި ފަހަރުގެ ކޮޅުފަސްކޮޅުގައި ކަތްޕާއި ކޮޅުފަހާ ދެމެދުގައި ދޯނިން ބޭރަށް ނުކުންނަ ވަރަށް އަޅައި ނެގޭ ގޮތަށް ފިލައިން ހަދައިފައި އޮންނަ ބައި މަސްބާނަން އަރައި ތިބެނީ މިތާގައެވެ (2) ގައިގައި ބަނުމަށް ފުޑައިފައި ހުންނަ ބޭސްގަނޑު (3) ފިލަޔަކުން ވަކިކޮށްލެވޭ ބައެއް
ފުށްބުރުފަންވަތް
ނ މަސް އޮޑި ފަހަރު އަލަށް ބާލާއިރު ނުވަތަ މަސްވެރިކަމަށް ދެރަވީމާ އެހެލައިފައި ބާލާއިރު ފަންޑިތަ ހަދައިފައި އެލުވާ ފަންވަތެއް މިފަންޑިތަ ހަދަނީ ބޮންތި ފަންވަތެއްގައި ލިޔެ ވެސްނުލުން ކަޅިކޮށް ދުން ބުރުވައިފައި އެފަންވަތް ދޯނީގެ ކޮޅުފަސް ކޮޅު މައްޔަލުގެ ފުށް ބުރުގައި އެލުވައިގެންނެވެ
ލަގަނާފަތާ
ނ )ގ ( އޮޑިދޯނިފަހަރުގެ ކުނބުގެ ކޮޅުފަސްކޮޅަށް އޮންނަ އިންނަފަތް
ގަސްގަނޑު
ނ (1) ބޮޑު ގަހެއްގެ މައިގަނޑު (2) އިންޖީނު ދޯނިފަހަރުގެ ނުވަތަ ކުދި ބޯޓު ފަހަރުގެ ބުރަފަތި ދަގަނޑު ހަރުކުރުމަށްޓަކައި ކޮޅުފަސްކޮޅު މައްޔަލާ ގުޅައިގެން އެތެރޭ ފަށަން މަތީގައި އަޅާ ލަކުޑި ގަނޑެއް
ގަސްގަނޑުއެޅުން
މ އިންޖީނު ދޯނިފަހަރުގެ ނުވަތަ ކުދި ބޯޓުފަހަރުގެ ބުރަފަތި ދަގަނޑު ހަރުކުރުމަށްޓަކައި ކޮޅުފަސްކޮޅު މައްޔަލާ ގުޅައިގެން އެތެރޭގައި )ފަށަންމަތީގައި( އަޅާ ލަކުޑި ގަނޑެއް އެޅުން
ގެރިބޯ
ނ )ދ ( މަސްދޯނިފަހަރުގެ ކޮޅުފަސްކޮޅު މައްޔަލުގެ މައްޗަށް ޖަހާ ލަކުޑީގެ ބައެއް ހުންގާނުގެ މަތީކޮޅު ބަންނާނީ އެއަށެވެ
ގެމަތި
ނ (1) އޮޑިފަހަރުގެ ކޮޅުފަސްކޮޅު ކުނބަށް ނަގާރިޔާ (2) އެއްބުރިގޭގެ ހުރަސްބެރިތަކުގެ މަތީގައި އެއްޗެހިލާން ފިލާއަޅައިފައި އޮންނަތަން
ގޯސީބުން
ނ ނާފަހަރުގެ ކަމަރާމަތީ ކަލްމީ ކުނބު )ކޮޅުފަސްކޮޅު ކުނބު( ގައި އެއްކޮޅު ވިއްދައިފައި އަނެއްކޮޅުގައި ކަފިގަނޑެއްލައިފައި އޮންނަ ފަލަ ލަކުޑިގަނޑެއް. މިއީ ގޯސީ ރިޔާ ނަގާއިރު ފަރުމާނަކަށް ބޭނުންކުރާ އެއްޗެކެވެ